| Адэноіды | |
| Сымптомы | цяжкае дыханьне праз нос |
|---|---|
| Ускладненьні | няправільны прыкус, ангіна і гаймарыт |
| Звычайна праяўляецца | 10-дзённы насмарк і храп падчас сну |
| Прычыны | рэсьпіраторная інфэкцыя |
| Фактары рызыкі | запаленьне носа, горла і глоткі |
| Прафіляктыка | загартоўваньне і заняткі фізкультурай |
| Лячэньне | інгаляцыі і выдаленьне міндаліны |
| Лекі | кроплі для насаглоткі і вітаміны |
| Адэноіды ў Вікісховішчы | |
Адэноіды (грэц. ἀδήν + εἶδος — залоза + падобны) — пухлінападобныя разрастаньні насаглотачнай міндаліны ў выніку яе запаленьня.
Бываюць пераважна ў дзяцей 3—10 гадоў, а таксама ў грудных дзяцей. Узьнікненьню спрыяе інфэкцыя. Асноўнай прыкметай служыць цяжкае дыханьне праз нос. Часта праяўляюцца хваробай сярэдняга вуха, паслабленьнем памяці і ўвагі, парушэньнем сну і начным нетрыманьнем брулёў. Таксама адзначаюцца няправільнае разьмяшчэньне зубоў на верхняй сківіцы (адсюль няправільны прыкус), высокае паднябеньне, згладжаная носавуснавая складка, адкрыты рот і вузкі нос. Пры хірургічным лячэньні міндаліны выдаляюць амбуляторна[1].
Адэноіды спрыяюць запаленьню дырхі і дыхнікаў, а таксама выклікаюць алергію і дыхнікавую астму. Павялічваюць пагрозу ўзьнікненьня ангіны і запаленьня лёгкіх. Узьнікненьню хваробы садзейнічаюць: запаленьне носа, горла і глоткі, рэсьпіраторная інфэкцыя і адзёр, кохлік і шкарлятына. Таксама шкодзяць перакормліваньне, запыленасьць і побытавыя хімікаты ў паветры. Пра хваробу могуць сьведчыць больш як 10-дзённая працягласьць насмарку і цяжкага дыханьня носам, храп падчас сну і недачуваньне. Супраць запаленьня прапісваюць кроплі для насаглоткі, вітаміны і інгаляцыі. Для прадухіленьня хваробы карысна праводзіць загартоўваньне змалку, заняткі фізкультурай і своечасовае лячэньне хваробаў верхніх дыхальных шляхоў[2].
| Гэта — накід артыкула. Вы можаце дапамагчы Вікіпэдыі, пашырыўшы яго. |