Акуляры

Акуляры — самая распаўсюджаная з аптычных прыладаў, прызначаная для паляпшэньня чалавечага зроку і дапамогі яму пры аптычных недасканаласьцях вачэй, альбо для абароны вачэй ад розных шкодных узьдзеяньняў.

Празрыстыя пласткі акуляраў называюцца лінзамі, а мэханізм, які трымае іх — аправай. Лінзы бываюць мінэральныя — «шкляныя» і палімэрныя «плястыкавыя». Аправа звычайна пакоіцца на пераносьсі і ўтрымліваецца на галаве дужкамі, закладваюць за вушы, або рамянём, якія ахопліваюць галаву. Акуляры зь іншым мацаваньнем аправы маюць асаблівыя назвы: манокль, ларнэт і пэнснэ.

Вонкавыя спасылкі

Акуляры — сховішча мультымэдыйных матэрыялаў