Аляксандар Александровіч

Вікіпэдыя мае артыкулы пра іншых асобаў з прозьвішчам Александровіч.
Аляксандар Александровіч
Пэрсанальная інфармацыя
Нарадзіўся 6 ліпеня 1997(1997-07-06)[1] (27 гадоў)
Рост 181 см[2]
Вага 69 кг[2]
Пазыцыя паўабаронца
Клюбы
Гады Клюб Гульні (галы)¹
2015—2019 Віцебск 13 (0)
2018—2019 → Ворша 33 (1)
2020 Смалявічы 19 (0)
2021—2022 Цьвер[d] 25 (1)
2022 Белшына 12 (0)
2023—2024 Дняпро Магілёў 40 (2)
Зборныя
2015 Беларусь (да 19)[d] 1 (0)

Алякса́ндар Александро́віч (нарадзіўся 6 ліпеня 1997 году) — беларускі футбаліст, паўабаронца магілёўскага «Дняпра».

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Выхаванец віцебскай ДЮСШ «Камсамолец» і пастаўскай акадэміі ПМЦ, з 2015 году пачаў выступаць за дубль «Віцебска». Пасьля таго, як у ліпені 2015 году «Віцебск» ачоліў былы трэнэр дубля Сяргей Ясінскі, пачаў прыцягвацца і да асноўнай каманды. 8 жніўня 2015 году дэбютаваў у Найвышэйшай лізе, выйшаўшы на замену на 65-й хвіліне матча супраць «Белшыны» (1:1). У далейшым працягваў зьяўляцца на полі ў асноўнай камандзе, агулам у cэзоне 2015 году правёў 8 матчаў у Найвышэйшай лізе і 4 — у Кубку Беларусі.

Пачатак cэзону 2016 году прапусьціў праз траўмы. Вярнуўся на поле ў чэрвені, аднак выступаў пераважна за дубль, за асноўную каманду правёў 4 матчы (2 у чэмпіянаце і 2 у Кубку). Сэзон 2017 году цалкам прапусьціў праз пашкоджаньні. У 2018 годзе вярнуўся на поле, але перадусім выступаў за дубль. У жніўні 2018 году быў аддадзены ў арэнду ў «Воршу»[3]. Па заканчэньні cэзону 2018 году вярнуўся ў «Віцебск», аднак у красавіку 2019 году зноў быў арандаваны «Воршай»[4]. У cэзоне 2019 году быў трывалым гульцом першага складу. У сьнежні 2019 году вярнуўся з арэнды ў «Віцебск»[5]. У пачатку 2020 году трэнаваўся зь «Віцебскам», а пазьней далучыўся да клюбу «Смалявічы» і ў сакавіку склаў працоўную ўгоду[6]. У складзе смалявіцкай каманды пераважна выходзіў на замену, таксама прыцягваўся да гульняў за дубль. У сьнежні 2020 году пакінуў «Смалявічы»[7].

У студзені 2021 году стаў гульцом расейскага клюбу «Цьвер» з трэцяга дывізіёну[8]. У жніўні 2022 году вярнуўся ў Беларусь, узмацніўшы склад бабруйскай «Белшыны»[9]. У бабруйскай камандзе пераважна выходзіў на замену. У сьнежні 2022 году пакінуў клюб[10]. У ліпені 2023 году стаў гульцом магілёўскага «Дняпра»[11]. У сьнежні 2023 году падоўжыў кантракт з клюбам[12].

Міжнародная

[рэдагаваць | рэдагаваць крыніцу]

У 2015 годзе гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы.

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Віцебск 2015 Найвышэйшая ліга 8 0
2016 Найвышэйшая ліга 2 0
2018 Найвышэйшая ліга 3 0
Ворша Першая ліга 7 0

Крыніцы

[рэдагаваць | рэдагаваць крыніцу]
  1. ^ а б в Aleksandr Aleksandrovich // Transfermarkt (мн.) — 2000.
  2. ^ а б в г https://www.teams.by/-/player-149283/
  3. ^ "Витебск" отдал в аренду "Орше" двух игроков (рас.)
  4. ^ Трое футболистов "Витебск" отданы в аренду (рас.) Афіцыйны сайт «Віцебска» Архіўная копія ад 2019-04-12 г.
  5. ^ Директор "Витебска" Вайтюховский: "В некоторых моментах тренерский штаб переоценил свои возможности" (рас.)
  6. ^ Александрович стал игроком "Смолевичей" (рас.)
  7. ^ Футболисты покидают "Смолевичи" (рас.)
  8. ^ Александрович и Кривулькин трудоустроились в российский Д3 (рас.)
  9. ^ Александр Александрович подписал контракт с "Белшиной" (рас.)
  10. ^ Комаровский вместо Радькова (рас.) Архіўная копія ад 2023-01-13 г.
  11. ^ Генералов и Александрович пополнили ряды "Днепра" (рас.)
  12. ^ Александр Александрович продлил контракт с могилевским "Днепром" (рас.)

Вонкавыя спасылкі

[рэдагаваць | рэдагаваць крыніцу]