Аляксандар Таўканіца

Аляксандар Таўканіца
Пэрсанальная інфармацыя
Нарадзіўся	9 траўня 1989(1989-05-09)[1] (35 гадоў) Ваўкавыск, Гарадзенская вобласьць, БССР, СССР
Рост	180 см
Вага	70 кг
Пазыцыя	паўабаронца
Клюбы
Гады	Клюб	Гульні (галы)¹
2006	ПМЦ^[d]	31 (2)
2007—2011	Партызан Менск	99 (11)
2012	Белшына	21 (1)
2013	Дынама Берасьце	10 (0)
2014	Мікашэвічы	21 (0)
2015—2019	Смаргонь	113 (16)
Зборныя
2008	Беларусь (да 19)^[d]	3 (1)
2008—2011	Беларусь (да 21)	7 (0)
2011—2012	Беларусь (да 23)^[d]	3 (0)

Алякса́ндар Таўка́ніца (нар. 9 траўня 1989 году) — колішні беларускі футбаліст, паўабаронца.

Кар’ера

Клюбная

Доўгі час гуляў за менскі МТЗ-РІПА, які з 2010 году пачаў называцца «Партызанам». У студзені 2012 году далучыўся да бабруйскай «Белшыны».

У сакавіку 2013 году стаў гульцом берасьцейскага «Дынама». Спачатку выходзіў у асноўным складзе ды звычайна выкарыстоўваўся на пазыцыі правага абаронцы. У траўні страціў месца ў асноўным складзе і хутка быў пераведзены галоўным трэнэрам Уладзімерам Курневым у дубль. Пасьля зыходу Курнева з клюбу ў верасьні 2013 году вярнуўся ў асноўную каманду, але ня здолеў вытрымаць канкурэнцыі за месца ў стартавым складзе. У сьнежні 2013 году па сканчэньні кантракту пакінуў берасьцейскі клюб^[2].

У сакавіку 2014 году падпісаў кантракт зь мікашэвіцкім «Гранітам»^[3]. Пачынаў сэзон у асноўным складзе, але пазьней толькі выходзіў на замену. У студзені 2015 году пакінуў мікашэвіцкі клюб^[4] і неўзабаве падпісаў кантракт з «Гарадзеяй»^[5]. Аднак, ня здолеў замацавацца ў складзе «цукровых» і ўжо ў сакавіку 2015 году пачаў трэнавацца з «Смаргоньню». У канцы сакавіка, скасаваўшы кантракт з «Гарадзеяй», стаў футбалістам смаргонскага клюбу^[6][7][8]. Пакінуў «Смаргонь» у ліпені 2019 году^[9].

Міжнародная

Гуляў за моладзевую зборную Беларусі і алімпійскую зборную, але ня трапіў на Алімпійскія гульні 2012 году.

Статыстыка

Клюб	Сэзон	Чэмпіянат
		Дывізіён	Матчы	Галы
Смаргонь	2015	Першая ліга	28	7
	2016	Першая ліга	21	1
	2017	Першая ліга	29	5
	2018	Першая ліга	28	3

Крыніцы

1. ^ Aleksandr Tolkanitsa // Transfermarkt (мн.) — 2000.
2. Сато, Гоголадзе, Огар и еще шесть футболистов покинули брестское «Динамо» (рас.)
3. Александр Толканица подписал контракт с "Гранитом" (рас.)
4. Ясинский и Луцевич перешли в "Гранит", Толканица покинул клуб (рас.)
5. Шидловский, Толканица и Павлючек заключили контракты с "Городеей" (рас.)
6. 1-я лига. Заявки команд. Лига актуальных реформ: шестнадцать претендентов на три путевки в элиту (рас.)
7. Еще три игрока в составе ФК «Сморгонь» (рас.)
8. Толканица, Ушаков, Погодин подписали контракты со «Сморгонью» (рас.)
9. Три футболиста покинули "Сморгонь" (рас.)

Вонкавыя спасылкі

• Статыстыка «ПБ-Инфо» (рас.)