Аляксандар Халадзінскі

Аляксандар Халадзінскі
Пэрсанальная інфармацыя
Нарадзіўся 16 кастрычніка 1991(1991-10-16)[1] (33 гады)
Рост 173 см
Вага 76 кг
Пазыцыя нападнік
Клюбы
Гады Клюб Гульні (галы)¹
2009 Гарадзея 1 (0)
2012—2020 Іслач 206 (25)
2019 → Андэрдог 14 (6)
2020—2021 Спадарожнік 20 (4)
2021 Шахцёр Петрыкаў 7 (1)

Алякса́ндар Халадзі́нскі (нарадзіўся 16 кастрычніка 1991 году) — колішні беларускі футбаліст, нападнік.

Кар’ера

[рэдагаваць | рэдагаваць крыніцу]

Юнаком займаўся ў футбольнай школе менскага МТЗ-РІПА, але ня здолеў трапіць у асноўную каманду[2]. У выніку, пачаў выступаць у чэмпіянаце Менскага раёну за родныя «Калодзішчы». У 2009 годзе згуляў адзін матч за клюб «Гарадзея» ў Другой лізе. Пазьней далучыўся да іншага клюбу зь Менскага раёна, «Іслачы». У 2012 годзе клюб заявіўся ў Другую лігу Беларусі, і Аляксандар прайшоў зь ім шлях да Найвышэйшай лігі, стаўшы капітанам каманды. У 2013 годзе быў у складзе каманды, якая здабыла бронзавыя мэдалі Кубка Рэгіёнаў УЭФА.

У студзені 2016 году на два гады падоўжыў кантракт зь «Іслаччу»[3]. У дэбютным сэзоне ў Найвышэйшай лізе працягваў быць асноўным гульцом і капітанам, выступаючы на пазыцыях атакуючага паўабаронцы і нападніка. У сэзоне 2017 году пачаў чаргаваць выхады ў пачатковым складзе і на замену. У студзені 2018 году падоўжыў кантракт з клюбам яшчэ на адзін год[4]. У сэзоне 2018 пераважна выходзіў у стартавым складзе. У канцы 2018 году зьявілася інфармацыя, што нападнік можа пакінуць каманду[5], аднак у студзені 2019 году зноў падоўжыў кантракт з прысталічнікамі[6]. Пачатак сэзону 2019 году прапусьціў праз траўмы, але з траўня пачаў гуляць за дубль. За асноўную каманду згуляў у адным матчы. У жніўні 2019 году быў аддадзены ў арэнду ў «Андэрдог» з Чысьці[7], дзе стаў адным з асноўных гульцоў. У сьнежні 2019 году вярнуўся ў «Іслач»[8]. У пачатку 2020 году трэнаваўся разам з камандай, аднак у лютым па заканчэньні кантракту пакінуў клюб[9].

У сакавіку 2020 году зноў далучыўся да «Іслачы»[10], дзе пераважна выходзіў на замену. У ліпені 2020 году пакінуў каманду[11]. У жніўні 2020 году стаў гульцом рэчыцкага «Спадарожніка»[12]. Замацаваўся ў якасьці асноўнага нападніка каманды і дапамог ёй прабіцца ў Найвышэйшую лігу. Заставаўся гульцом асновы і ў 2021 годзе ў Найвышэйшай лізе, з траўня пачаў радзей зьяўляцца на полі з-за траўмы. У ліпені 2021 году, пасьля таго як «Спадарожнік» зьняўся з Найвышэйшай лігі, перайшоў у петрыкаўскі «Шахцёр»[13]. Пакінуў каманду ў сьнежні 2021 году[14]. У пачатку 2022 году трэнаваўся з «Маладэчнам», аднак у сакавіку 2022 году праз пашкоджаньні выбыў на доўгі час і ня быў заяўлены дзеля ўдзелу ў чэмпіянаце Беларусі[15].

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Іслач 2016 Найвышэйшая ліга 27 0
2017 Найвышэйшая ліга 24 1
2018 Найвышэйшая ліга 27 3

Крыніцы

[рэдагаваць | рэдагаваць крыніцу]
  1. ^ а б в Aleksandr Kholodinskiy // Transfermarkt (мн.) — 2000.
  2. ^ «Выходишь играть, а соперники еле-еле на ногах стоят». Как из чемпионата района запрыгнуть в высшую лигу
  3. ^ Александр Холодинский подписал новое соглашение с "Ислочью"
  4. ^ Холодинский продлил контракт с "Ислочью"
  5. ^ Холодинский может покинуть «Ислочь». Он выступал за команду еще в чемпионате области
  6. ^ Холодинский продлил контракт с "Ислочью"
  7. ^ Экс-капитан "Ислочи" перешел в "Андердог"
  8. ^ Холодинский вернулся в "Ислочь" из аренды в "Андердоге"
  9. ^ Холодинский покинул "Ислочь"
  10. ^ Холодинский вновь стал игроком "Ислочи"
  11. ^ Холодинский вновь покинул "Ислочь"
  12. ^ Александр Холодинский продолжит карьеру в речицком "Спутнике"
  13. ^ Ижаковский и Холодинский пополнили ряды петриковского "Шахтера"
  14. ^ Петриковский "Шахтер" объявил о прекращении сотрудничества с девятью футболистами
  15. ^ У Александра Холодинского в "Молодечно-2018" разрыв крестообразных связок

Вонкавыя спасылкі

[рэдагаваць | рэдагаваць крыніцу]