Аляксей Сучкоў

Аляксей Сучкоў
Пэрсанальная інфармацыя
Нарадзіўся	10 чэрвеня 1981 (43 гады) Ліда, БССР
Рост	188 см
Вага	83 кг
Пазыцыя	паўабаронца
Клюбы
Гады	Клюб	Гульні (галы)¹
1999 2000 2001—2002 2002—2004 2004 2004—2007 2008—2009 2009 2009 2010 2011—2013 2013 2014—2017	Нёман-Белкард Нёман Масты Нёман-Белкард Карпаты Шыньнік Карпаты Харкаў Шахцёр Салігорск Нёман Горадня Шахтар Караганда Нёман Горадня Тарпэда-БелАЗ Нафтан	2 (0) 29 (7) 45 (3) 26 (1) 2 (0) 80 (4) 27 (0) 12 (2) 12 (2) 30 (3) 28 (0) 22 (2) 101 (8)
Зборныя
2004—2006	Беларусь	7 (0)

Аляксей Сучкоў (нарадзіўся 10 чэрвеня 1981 году, Ліда, БССР) — колішні беларускі футбаліст і трэнэр, паўабаронца. За сваю кар’еру выступаў у чэмпіянатах Беларусі, Украіны, Расеі й Казахстану, акрамя таго мае ў сваім актыве 7 матчаў за нацыянальную зборную Беларусі.

Кар’ера

Клюбная

Выхаванец футбольнай школы футбольнага клюбу «Ліда». Пачаў кар’еру ў 1999 годзе, выступаючы за моладзевы склад клюбу. У 2000 годзе перайшоў у аднайменны клюб з Мастоў, праз год вярнуўся ў Горадню, дзе правёў 45 матчаў. У 2002 годзе быў набыты львоўскімі «Карпатамі», праз 2 гады быў прададзены ў яраслаўскі «Шыньнік», дзе адгуляў толькі дзьве гульні. Пасьля вяртаньня зь Яраслаўля вярнуўся ў львоўскі клюб, у якім выступаў да канца 2007 году.

У міжсэзоньне адправіўся ў «Харкаў», але пасьля ягонага вылету зь першай лігі вярнуўся ў Беларусь. Там згуляў за салігорскі «Шахцёр», у якім прымудрыўся адзначыцца са знакам «мінус», то бок кіраўніцтва клюбу звольніла гульца з каманды за п’янства, аднак Сучкоў адмаўляў гэтае^[1]. Таксама ён згуляў за родны «Нёман», а праз год зьехаў у Казахстан выступаць за карагандзінскіх «гарнякоў». У канцы 2010 году скасаваў кантракт па ўзаемнай згодзе^[2] і неўзабаве вярнуўся ў «Нёман». У 2013 годзе перайшоў у «Тарпэда-БелАЗ»^[3]. У студзені 2014 году перайшоў у наваполацкі «Нафтан»^[4]. Пасьля сэзону 2017 году ўвайшоў у трэнэрскі штаб «Нафтану»^[5].

Міжнародная

У зборнай Беларусі правёў 7 матчаў, зь іх у пяці выходзіў на замену, аднак большасьць з гэтых гульняў былі таварыскімі.

Статыстыка

Клюб	Сэзон	Чэмпіянат
		Дывізіён	Матчы	Галы
Нафтан	2015	Найвышэйшая ліга	22	3
	2016	Найвышэйшая ліга	26	1
	2017	Найвышэйшая ліга	26	1

Крыніцы

1. Солигорский «Шахтер» отчислил двух игроков за нарушение спортивного режима (рас.)
2. Алексей Сучков в поисках клуба (рас.)
3. Футбол. Алексей Сучков перешел из «Немана» в «Торпедо-БелАЗ» (рас.)
4. Алексей Сучков подписал годичный контракт с новополоцким «Нафтаном» (рас.)
5. Алексей Сучков: «Нафтан» будет стремиться вернуться в высшую лигу. Все плохое когда-то заканчивается — наступают хорошие времена» (рас.)

Вонкавыя спасылкі

• Статыстыка «ПБ-Инфо» (рас.)
• Профіль на sports.ru (рас.)
• Статыстыка на National Football Teams (анг.)