Андрэй Варанкоў
| Андрэй Варанкоў | ||
| ||
| Пэрсанальная інфармацыя | ||
|---|---|---|
| Нарадзіўся | 8 лютага 1989[1] (35 гадоў) | |
| Рост | 187 см[2] | |
| Вага | 81 кг[2] | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2007—2013 | Дынама-2 Кіеў[d] | 69 (13) |
| 2007—2013 | Дынама Кіеў | 0 (0) |
| 2009 | → Абалонь Кіеў[d] | 14 (5) |
| 2010—2011 | → Крыўбас | 34 (11) |
| 2011 | → Карпаты | 5 (0) |
| 2012—2013 | → Мэталюрг Запарожжа | 9 (0) |
| 2012 | → Нёман Горадня | 12 (2) |
| 2014—2016 | Славія Мазыр | 59 (13) |
| 2017—2018 | Гарадзея | 39 (4) |
| 2019—2023 | ДПММ[d] | 49 (54) |
| Зборныя | ||
| 2007—2008 | Беларусь (да 19)[d] | 6 (2) |
| 2007—2011 | Беларусь | 9 (0) |
| 2008—2011 | Беларусь (да 21) | 20 (6) |
Андрэй Варанкоў (нар. 8 лютага 1989 году) — беларускі футбаліст, нападнік. У 2007—2011 гадах правёў 9 гульняў у складзе нацыянальнай зборнай Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец мазырскага футболу, але юнаком апынуўся ў кіеўскім «Дынама». Гуляў за другую каманду, а пасьля аддаваўся ў арэнду ў клюбы ўкраінскай Прэм’ер-лігі. У сакавіку 2012 году быў аддадзены ў арэнду ў гарадзенскі «Нёман». Пасьля сканчэньня сроку арэнды ў гарадзенскім клюбе ў жніўні 2012 году зноў аддадзены ў арэнду, на гэты раз у запарожскі «Мэталюрг». З сакавіка 2013 году выступаў за «Дынама-2»[3]. У чэрвені 2013 году пакінуў «Дынама» ў якасьці свабоднага агента[4].
Пасьля растанак з «Дынама» доўгі час заставаўся бяз клюбу, але меў прапановы з Заходняй Эўропы[5]. Толькі ў верасьні 2014 году далучыўся да мазырскай «Славіі», падпісаўшы кантракт да канца 2014 году[6]. Застаўся ў «Славіі» і ў сэзоне 2015 году, калі клюб прабіўся ў Найвышэйшую лігу. Выступаў пераважна на пазыцыі «пад нападнікам», з 6 галявымі перадачамі быў найлепшым асыстэнтам клюбу ў сэзоне. У першай палове сэзону 2016 году звычайна выходзіў на замену, а пасьля зыходу з каманды Дзяніс Лапцева ўлетку застаўся асноўным нападнікам мазырчукоў. У студзені 2017 году перайшоў у «Гарадзею»[7]. У складзе каманды стаў адным з асноўных нападнікаў. У ліпені 2018 году паводле пагадненьня бакоў пакінуў клюб[8].
У сьнежні 2018 году далучыўся да брунейскага клюбу ДПММ, які выступае ў чэмпіянаце Сынгапура[9]. У сэзоне 2019 году прывёў сваю каманду да чэмпіёнства, а сам з 21 голам стаў найлепшым бамбардзірам лігі. У лістападзе 2019 году на адзін год падоўжыў кантракт з ДПММ[10]. У сэзоне 2020 году чэмпіянат Сынгапура хутка быў спынены, каманда не праводзіла афіцыйных матчаў. У 2021 годзе гуляў за ДПММ у чэмпіянаце Брунэю, дзе ў 6 матчах забіў 23 галы. У сэзоне 2022 году не выступаў, бо ДПММ ня браў удзел ані ў якіх лігах. У студзені 2023 году, пасьля таго як ДПММ вярнуўся ў чэмпіянат Сынгапуру, падоўжыў кантракт з клюбам[11]. У сьнежні 2023 году пакінуў каманду[12].
Міжнародная
[рэдагаваць | рэдагаваць крыніцу]Гуляў за моладзевую зборную Беларусі, зь якой здабыў бронзавы мэдаль моладзевага чэмпіянату Эўропы 2011 году ў Даніі (забіў на турніры 2 галы — Ісьляндыі з пэнальці і Гішпаніі). Гулец алімпійскай зборнай на Алімпіядзе ў Лёндане. 13 кастрычніка 2007 году дэбютаваў у нацыянальнай зборнай Беларусі.
Дасягненьні
[рэдагаваць | рэдагаваць крыніцу]- Уладальнік Супэркубка Ўкраіны: 2007
- Чэмпіён Сынгапуру: 2019
- Бронзавы прызэр моладзевага чэмпіянату Эўропы: 2011
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2015 | Найвышэйшая ліга | 22 | 3 |
| 2016 | Найвышэйшая ліга | 26 | 4 | |
| Гарадзея | 2017 | Найвышэйшая ліга | 28 | 4 |
| 2018 | Найвышэйшая ліга | 11 | 0 | |
Крыніцы
[рэдагаваць | рэдагаваць крыніцу]- ^ а б в Andrey Varankow // FBref (мн.)
- ^ а б в г https://pressball.by/players/football/284/
- ^ Андрей Воронков продолжит карьеру в киевском "Динамо-2" (рас.)
- ^ Андрей Воронков получил статус свободного агента (рас.)
- ^ Андрей Воронков: "Осенью должен был заключить контракт с титулованным "Слованом" из Либереца" (рас.)
- ^ Андрей Воронков укрепил "Славию" (рас.)
- ^ Андрей Воронков перешел в «Городею» (рас.)
- ^ "Городея" рассталась с Воронковым (рас.)
- ^ Андрей Воронков трудоустроился в клубе из Брунея (рас.)
- ^ Лучший бомбардир чемпионата Сингапура Воронков продлил контракт с брунейским ДПММ (рас.)
- ^ Андрей Воронков продлил контракт с брунейским ДПММ (рас.)
- ^ Андрей Воронков покинул ДПММ, за который играл с 2019 года (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо»
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball