| Андрэй Шамрук | ||
| Пэрсанальная інфармацыя | ||
|---|---|---|
| Нарадзіўся | 27 красавіка 1994[1] (30 гадоў) | |
| Рост | 177 см[2] | |
| Вага | 67 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Гомель | |
| Нумар | 15 | |
| Клюбы | ||
| Гады | Клюб | Гульні (галы)¹ |
| 2012—2015 | Дынама Берасьце | 46 (0) |
| 2015 | → Баранавічы | 13 (0) |
| 2016—2017 | Смалявічы | 44 (4) |
| 2018—2020 | Менск | 32 (0) |
| 2021 | Віцебск | 24 (0) |
| 2022—2023 | Дынама Берасьце | 38 (1) |
| 2023—2024 | Славія Мазыр | 35 (2) |
| 2025— | Гомель | 1 (0) |
| Зборныя | ||
| 2013 | Беларусь (да 21) | 5 (0) |
|
¹ Колькасьць гульняў і галоў за прафэсійны клюб лічыцца толькі | ||
Андрэ́й Шамру́к (нар. 27 красавіка 1994 году) — беларускі футбаліст, паўабаронца «Гомля».
Гуляў за дубль берасьцейскага «Дынама», а ў другой палове 2012 году пачаў трапляць у асноўны склад. У cэзоне 2013 году таксама прыцягваўся да асноўнага складу. Звычайна выходзіў на замену, часам зьяўляўся ў стартавым складзе. Гуляў на пазыцыі флянгавага атакуючага паўабаронцы. 25 жніўня 2013 году ў кубкавым матчы супраць гарадзенскага «Нёману» атрымаў траўму і больш да сканчэньня cэзону на полі не зьяўляўся.
У cэзоне 2014 году амаль не гуляў праз пашкоджаньні. У cэзоне 2015 году вярнуўся на гульнявую пляцоўку, дзе чаргаваў выхады ў пачатковым складзе і на зьмены. У жніўні 2015 году быў аддадзены ў арэнду ў «Баранавічы»[4]. Па заканчэньні cэзону ў сьнежні 2015 году праз абавязаньні «Дынама» перад футбалістам БФФ надаў Шамруку статус свабоднага агента[5]. У лютым 2016 году прыбыў на прагляд у клюб «Смалявічы-СТІ», зь якім у сакавіку склаў працоўную дамову[6]. У cэзоне 2017 году замацаваўся ў асноўным складзе смалявічцаў і дапамог камандзе прабіцца ў Найвышэйшую лігу.
У студзені 2018 году стаў гульцом «Менску»[7]. Пачынаў cэзон 2018 году ў першай адзінаццатцы, аднак у красавіку атрымаў траўму. Вылекаваўся ў жніўні, а з кастрычніка зноў пачаў зьяўляцца на полі ў асноўнай камандзе. У студзені 2019 году падоўжыў кантракт з сталічным клюбам[8]. У другой палове 2019 году пачаў часьцей выходзіць у стартавым складзе, а ў 2020 годзе зьяўляўся на полі нерэгулярна.
У студзені 2021 году далучыўся да «Віцебску»[9], дзе трывала замацаваўся ў пачатковым складзе. У студзені 2022 году стала вядома, што абаронца пакідае віцебскі клюб[10]. Хутка пачаў трэнавацца зь берасьцейскім «Дынама» і ў лютым афіцыйна узмоцніў склад клюбу[11]. Замацаваўся ў галоўным складзе берасьцейскай каманды. У студзені 2023 году падоўжыў кантракт з дынамаўцамі[12]. У ліпені 2023 году паводле пагадненьня бакоў пакінуў берасьцейскі клюб[13] і неўзабаве далучыўся да мазырскай «Славіі»[14]. У лютым 2025 году ўзгодніў умовы кантракту з «Гомлем»[15][16].
У жніўні 2013 году выступаў за моладзевую зборную Беларусі на міжнародным турніры ў Гішпаніі.
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2015 | Найвышэйшая ліга | 13 | 0 |
| Баранавічы | Першая ліга | 13 | 0 | |
| Смалявічы-СТІ | 2016 | Першая ліга | 16 | 3 |
| 2017 | Першая ліга | 28 | 1 | |
| Менск | 2018 | Найвышэйшая ліга | 8 | 0 |