Антвэрпэн (футбольны клюб)

Антвэрпэн
Поўная назва Royal Antwerp Football Club
Заснаваны 1880
Горад Антвэрпэн, Бэльгія
Стадыён Босуілстадыён
Умяшчальнасьць: 16 649
Галоўны трэнэр
Чэмпіянат Про Ліга
 · 2023—2024 6 месца
Хатнія колеры
Выязныя колеры
Галерэя здымкаў у Вікісховішчы
rafc.be (нід.)

«Антвэ́рпэн» (па-нідэрляндзку: Antwerp) — бэльгійскі футбольны клюб з гораду Антвэрпэну. Клюб быў заснаваны ў 1880 годзе як крыкетны клюб ангельскімі студэнтамі, якія жылі ў Бэльгіі. Гэтая арганізацыя паўстала за 15 гадоў да стварэньня Каралеўскай бэльгійскай футбольнай асацыяцыі. Футбольная сэкцыя зьявілася да 1887 году, што робіць «Антвэрпэн» найстарэйшым клюбам краіны[2]. У выніку, у рэестры футбольных клюбаў антвэрпэнская дружына мае першы нумар. Пяціразовы чэмпіён Бэльгіі, чатырохразовы ўладальнік Кубка Бэльгіі.

Гісторыя

[рэдагаваць | рэдагаваць крыніцу]

Спачатку як крыкетны клюб «Антвэрпэн» паўстаў у 1880 годзе ангельскімі студэнтамі. Ужо да 1887 году зьявілася сэкцыя футболу. У 1900 годзе большасьць гульцоў адмовілася ад далейшым матчаў у складзе клюбу і перайшлі да складу «Бээрсхоту». Менавіта з таго часу суперніцтва паміж клюбамі мае сталы характар. У 1923 годзе «Антвэрпэн» пераехаў на свой сучасны стадыён Босуілстадыён. Не зважаючы на вялікую падтрымку, справы ў клюба не заўсёды былі добрымі. Гэтак з 1957 па 2023 гады клюб ня мог даць рады ў справе здабыцьця чэмпіёнскага тытула. Некаторы час «Антвэрпэн» нават мусіў правесьці ў другім дывізіёне. Гэтак чарговым разам клюб прасунуўся ў элітны дывізіён у 2000 годзе, але ў 2004 году зноў мусіў апусьціцца ў дывізіён ніжэй. Яны вярнуліся ў Про-лігу на сэзон 2017—2018 гадоў пасьля таго, як у матчы за прасоўваньне ў эліту здолелі перамагчы ў двубоі «Русэлярэ».

Па дасягненьні прасоўваньня ў Першы дывізіён клюб прызначыў на трэнэрскую пасаду дасьведчанага румынскага трэнэра Ласла Бёлені. Папярэдні ж трэнэр Вім Дэ Дэкер быў прызначаны ягоным памочнікам[3]. У другім сваім сэзоні па вяртаньні клюб кваліфікаваўся ў Лігу Эўропы, свой першы эўрапейскі кубкавы турнір упершыню за апошнія 25 гадоў. Антвэрпэнцы перамаглі ў фінале плэй-оф клюб «Шарлеруа» зь лікам 3:2. Цікава, што першапачаткова ў матчы рахунак быў на карысьць супернікаў (2:0)[4]. Эўрапейская кампанія пачалася зь перамогі над чэскай «Вікторыяй» паводле правіла гасьцявога голу ў трэцім кваліфікацыйным раўндзе, пасьля чаго ў плэй-оф бэльгійцы атрымала паразу ад нідэрляндзкага АЗ[5]. У траўні 2020 году Бёлені сышоў пасьля сканчэньня дамовы[6], але ўжо праз чатыры месяцы антвэрпэнцы здабылі свой першы буйны трафэй за амаль 30 гадоў. У фінале Кубка Бэльгіі быў пераможаны «Бруге». Адзіны гол за «чырвоных» запісаў на свой рахунак колішні бругаўскі футбаліст Ліёр Рэфаэлаў[7]. Іван Лека, які ачольваў каманду ў фінале Кубка, правёў дружыну праз групавы этап Лігі Эўропы, здабыўшы 4 перамогі і фінішаваўшы на другім месьці. Адная зь перамогаў была атрымана ў матчы супраць ангельскага «Тотэнгэм Готспуру» Жузэ Маўрыньню[8]. Напрыканцы 2020 году трэнэр сышоў з сваёй пасады[9].

У траўні 2022 году ачоліў клюб колішная нідэрляндзкая зорка Марк ван Бомэль[10]. Ён паклікаў у каманды некалькі сваім суайчыньнікаў, у тым ліку Вінсэнта Янсэна, які пацэліў у браму «Мэхэлену» ў фінале Кубка Бэльгіі 2023 году[11]. Гэты мяч стаўся адным з двух галоў у сустрэчы, а абодва яны трапілі ў браму супернікаў антвэрпэнцаў. 4 чэрвеня 2023 году «Антвэрпэн» стаў чэмпіёнамі краіны пасьля таго, калі літаральна на апошніх хвілінах дасьведчаны абаронца клюбу Тобі Альдэрвэйрэльд выраўнаваў лік ў матчы супраць «Бруге» (2:2)[12].

Склад

[рэдагаваць | рэдагаваць крыніцу]
Актуальны на 13 верасьня 2024 году
№ Пазыцыя Імя Год нараджэньня
1 Сьцяг Францыі Бр Жан Бютэ 1995
2 Сьцяг Бэльгіі Аб Кобэ Карбані 2005
3 Сьцяг Бэльгіі Аб Б’ёрн Энгельс 1994
4 Сьцяг Нідэрляндаў ПА Джайра Рыдэвальд 1996
5 Сьцяг Аргентыны Аб Айртан Коста 1999
6 Сьцяг Ганы Аб Дэніс Адаі 1988
7 Сьцяг Сурынаму Нап Джырана Керк 1995
8 Сьцяг Бэльгіі ПА Дэніс Прат 1994
9 Сьцяг Сурынаму ПА Чарон Шэры 1988
10 Сьцяг Бэльгіі Нап Мішэль-Анж Баліквіша 2001
11 Сьцяг Швэцыі Нап Якаб Андрэйка 2002
14 Сьцяг Эквадора Нап Антані Валенсія 2003
18 Сьцяг Нідэрляндаў Нап Вінсэнт Янсэн 1994
№ Пазыцыя Імя Год нараджэньня
19 Сьцяг Нігерыі Нап Віктар Уда 2004
20 Сьцяг Малі ПА Маамаду Думбія 2004
23 Сьцяг Бэльгіі Аб Тобі Альдэрвэйрэльд (капітан) 1989
25 Сьцяг Бэльгіі Аб Еле Батай 1999
26 Сьцяг Баўгарыі Аб Росен Божынаў 2005
30 Сьцяг Нямеччыны ПА Крыстафэр Скот 2002
33 Сьцяг Бэльгіі Аб Зэна Ван Дэн Босх 2003
41 Сьцяг Бэльгіі Бр Матыс ван Жыльс 2003
46 Сьцяг Бэльгіі ПА Мілян Сьмітс 2004
50 Сьцяг Косава Аб Лаўрыт Красьнічы 2001
75 Сьцяг Бэльгіі Аб Андрэас Вэрстратэн 2006
81 Сьцяг Бэльгіі Бр Нільс Дэвалькенээр 2004
91 Сьцяг Бэльгіі Бр Зэнэ Лямэнс 2002

Крыніцы

[рэдагаваць | рэдагаваць крыніцу]
  1. ^ https://www.transfermarkt.com/royal-antwerpen-fc/mitarbeiterhistorie/verein/1096
  2. ^ «Blow for Royal Antwerp FC, Belgium’s oldest football club». VRT.
  3. ^ Delanoë, Régis (28.07.2017). «Antwerp, retour royal». So Foot
  4. ^ Berger, Maxime; Bayet, Grégory (27.05.2019). «L’Antwerp retrouve la scène européenne, une première depuis 1994—1995». RTBF.
  5. ^ «Officieel: Antwerp stunt en haalt 60-voudig Rode Duivel Kevin Mirallas terug naar België». Het Nieuwsblad.
  6. ^ «Belgique: Laszlo Bölöni quitte le Royal Antwerp». L’Équipe.
  7. ^ «Antwerp wins Belgian Cup as soccer resumes in Belgium». The Washington Post.
  8. ^ «Ivan Leko believes Tottenham won’t underestimate Royal Antwerp a second time». Express & Star.
  9. ^ «Rangers handed Europa League boost as Royal Antwerp lose their manager to Shanghai SIPG». Glasgow Times.
  10. ^ «Mark van Bommel nommé entraîneur d’Antwerp». L’Équipe.
  11. ^ Jongmans, Robin (30.04.2023). «Prijs voor Van Bommel in België: trainer wint beker met Nederlands getint Antwerp». De Telegraaf.
  12. ^ «ANTWERP KAMPIOEN! Alderweireld schiet Great Old naar titel na waanzinnige rollercoaster». Sporza.

Вонкавыя спасылкі

[рэдагаваць | рэдагаваць крыніцу]