Арсэнал Тула

Арсэнал Тула
Заснаваны 1946
Горад Тула, Расея
Стадыён Арсэнал
Умяшчальнасьць: 20 048
Кіраўнік Ростэх[d]
Галоўны трэнэр
Чэмпіянат Першая ліга
 · 2023—2024 4 месца
Хатнія колеры
Выязныя колеры
Трэція колеры
Галерэя здымкаў у Вікісховішчы
arsenaltula.ru (рас.)

«Арсэна́л» (па-расейску: Арсенал) — расейскі футбольны клюб з гораду Тула. Заснаваны ў 1946 годзе. Раней у футбольных турнірах СССР і Расеі Тулу прадстаўляў клюб пад назвай «Арсэнал», гісторыя якога ўзыходзіць да каманды Зброевага заводу. У 2007 годзе згаданы клюб перайшоў у статус аматараў і некалькі гадоў выступаў у трэцім дывізіёне, на адзін сэзон атрымаўшы назву «Збройнік», а пасьля — «Арсэнал-Тула». У 2011 годзе клюб «Арсэнал» быў адноўлены, і ў 2012 годзе каманда вярнулася ў сыстэму прафэсійных лігаў Расеі[2][3][4]. Хатнія матчы клуб праводзіць на стадыёне «Арсэнал», які здольны зьмясьціць 19 241 глядача.

Гісторыя

[рэдагаваць | рэдагаваць крыніцу]

Клюб, ад якога на сёньня паходзіць «Арсэнал», быў заснаваны на Тульскім зброевым заводзе ў сярэдзіне 1920-х гадох і да Другой сусьветнай вайны выступала ў гарадзкім і абласным чэмпіянатах. Да 1936 году клюб насіў назву «Збройзваод». За часам стварэньня ўсесаюзнага ДСТ працаўнікоў абароннай прамысловасьці «Зэніт» клюб быў уключана ў ягоны склад і пачаў называцца «Зэніт» зброевага заводу. Матчы праводзіліся на стадыёне «Зэніт» у Тульскім Крамлі. У чэмпіянаце СССР клюб пачаў браць удзел у 1946 годзе, як тульскі «Зэніт». У 1958 годзе каманда была аддзеленая ад заводу і з 1959 году стала выступаць на Цэнтральным стадыёне Тулы як гарадзкая каманда. Назва некалькі разоў зьмянялася са зьяўленьнем і зьменай «шэфаў» — тульскіх прадпрыемстваў, на чыім балянсе каманда знаходзілася, пакуль яе не вярнулі да зброевага заводу. У новы «зброевы» пэрыяд было абраная назва «Арсэнал». З 1989 году клюб перайшоў на гасразьліковыя рэйкі, а ў пачатку 1990-х атрымаў статус прафэсійнага клюбу.

У 2004 годзе даччынае прадпрыемства канцэрну Газпром, кампанія Цэнтаргаз, адзіны спонсар тагачаснага «Арсэналу», праз рэарганізацыю канцэрну і пераменаў у структуры Газпрому, спыніла фінансаваньне каманды. Клюбу давялося адмовіцца ад удзелу ў першым дывізіёне і на сэзон 2005 году заявіцца ў турнір другога дывізіёну. Пасьля сэзону 2006 году праз поўную адсутнасьць фінансаваньня каманда была вымушаная адмовіцца ад прафэсійнага статусу і перайсьці ў трэці дывізіён. У 2007 годзе на адзін сэзон назва клюбу зьмянілася на «Збройнік», а ў 2008—2010 гадох клюб меў назву «Арсэнал-Тула». У лістападзе 2011 году было пачатае адраджэньне клюбу як прафэсійнай структуры пад ранейшай назвай «Арсэнал»[5].

У тым жа 2011 годзе каманду ўзначаліў вядомы ў мінулым расейскі футбаліст Дзьмітры Аленічаў[6]. Таксама ў трэнэрскі штаб увайшлі шэраг даволі вядомых у Расеі былых футбалістаў. У клюб былі запрошаныя такія вядомыя гульцы як Ягор Цітоў, Дзьмітры Парфёнаў, Юры Коўтун, Дзьмітры Хлястоў, Вадзім Яўсееў, Уладзімер Бясчастных і Андрэй Канавалаў. Паводле вынікаў сэзону 2011—2012 гадоў «Арсэнал» заняў 8-е месца ў аматарскай лізе, а ўсе вядомыя футбалісты, закліканыя Аленічавым на дапамогу, за выключэньнем Аляксандра Філімонава пакінулі каманду, на іхнае месца трэнэрскі штаб запрасіў маладых і пэрспэктыўных гульцоў.

Крыніцы

[рэдагаваць | рэдагаваць крыніцу]
  1. ^ https://www.transfermarkt.com/arsenal-tula/mitarbeiterhistorie/verein/3729
  2. ^ «Интервью президента ФК «Арсенал» Владимира Могильникова». ГТРК «Тула»
  3. ^ «В преддверии Чемпионата мира в Туле загибается футбольная команда». Комсомольская правда.
  4. ^ «На базе ФК «Арсенал» (Тула) создаётся автономная некоммерческая организация». Агентство национальных новостей.
  5. ^ «Возрождение тульского “Арсенала”». Комитет Тульской области по спорту и молодёжной политике.
  6. ^ «Аленичев стал главным тренером тульского “Арсенала”». Спорт-Экспресс.

Вонкавыя спасылкі

[рэдагаваць | рэдагаваць крыніцу]