Арцём Міхайлавіч Каралёк (. 20 лютага 1996 году) — беларускі гандбаліст. Майстар спорту Беларусі[1]. Лінейны польскага клюбу «Вівэ» і нацыянальнай зборнай Беларусі.
У 2014–2016 гадах быў гульцом менскага СКА, зь якім стаў віцэ-чэмпіёнам Беларусі ў сэзонах 2014—2015 і 2015—2016 гадоў. Пагатоў, у сэзоне 2014—2015 гадоў у складзе сталічнікаў стаў пераможцам Балтыйскай гандбольнай лігі, дзе згуляў 9 матчаў і закінуў 32 галы. У якасьці гульца менскай каманды таксама браў удзел у Кубку ЭГФ, у якім агулам закінуў 65 мячоў.
У лістападзе 2016 году прыяднаўся да франукскага клюбу «Сэн-Рафаэль». У пачатковым сэзоне згуляў 13 матчаў у найвышэйшай лізе Францыі і зарабіў на свой рахунак 32 галы, а ў Кубку ЭГФ згуляў у 10 матчах і закінуў 15 мячоў, дакрочыўшы з сваёй камандай да фіналу чатырох. Падчас вырашальных матчаў у сустрэчы за трэцяе месца супраць «Магдэбургу» 21 траўня 2017 году ўлучыў тры мячы ў браму суперніка. У наступным сэзоне згуляў ужо болей матчаў, закінуўшы ў два разы больш мячоў (60). Як і ў папярэднім сэзоне таксама браў удзел у розыгрышы Кубка ЭГФ, у якіх за 12 матчаў закінуў 41 гол, зноў выйшаўшы з сваёй камандай у фінал чатырох, дзе ў фінальным матчы супраць «Фюксэ» 20 траўня 2018 году адзначыўся чатырма галамі.
У ліпені 2018 году далучыўся да польскага «Вівэ», зь якім падпісаў чатырохгадовы кантракт. Зьвесткі аб пераходзе сталі вядомымі на пачатку кастрычніка 2017 году[2]. Дэбютаваў у польскай Супэрлізе 31 жніўня 2018 году ў матчы супраць апольскай «Гвардыі» (36:26), у якім закінуў чатыры галы. Упершыню згуляў у Лізе чэмпіёнаў 15 верасьня 2018 году матчы супраць вугорскага «Вэспрэма». Сустрэча скончылася няўдала для кельчанаў, бо польскія гандбалісты зьведалі паразу зь лікам 27:29. Каралёк тройчы пацэліў у браму суперніка. У сэзоне 2018—2019 гадоў, у якім ён стаў пераможцам чэмпіянату Польшчы, гулец правёў 29 матчаў і закінў 103 галы[3], а таксама быў намінаваны на ўзнагароду найлепшага лінейнага лігі[4]. У Лізе чэмпіёнаў у сэзоне 2018—2019 гадоў спартовец згуляў у 20 матчах, закінуўшы 65 галоў, у тым ліку шэсьць у матчы за трэці радок супраць «Барсэлёны» (35:40). У сэзонах 2020—2021 і 2021—2022 гадоў быў прызнаны найлепшым лінейным польскага першынства. Таксама быў прызнаны самым каштоўным гульцом фіналу чатырох Лігі чэмпіёнаў 2021—2022 гадоў. У 2022 годзе быў названы найлепшым спартоўцам краіны паводле вэрсіі выданьня «Прессбол».
Ужо юнаком прыцягваўся да зборных краіны розных узростаў, у тым ліку браў удзел у моладзевым чэмпіянаце сьвету ў Бразыліі ў 2015 годзе, дзе стаў чацьвертым бамбардзірам турніру.
У нацыянальнай зборнай Беларусі дэбютаваў у 2013 годзе. У 2016 годзе браў удзел у чэмпіянаце Эўропы, які ладзіўся ў Польшчы. У чатырох гульнях турніру закінуў восем галоў. У 2017 годзе згуляў на чэмпіянаце сьвету ў Францыі, дзе стаў найлепшым бамбардзірам дружыны, закінуўшы за 6 матчаў і 37 галоў. У 2018 годзе на чэмпіянаце Эўропы ў Харватыі згуляў 6 матчаў і зарабіў 17 галоў.
| Зборная Беларусі
|
| Рок |
Гульні |
Галы
|
| 2013 |
2 |
6
|
| 2014 |
0 |
0
|
| 2015 |
11 |
33
|
| 2016 |
15 |
34
|
| 2017 |
? |
?
|
| 2018 |
18 |
55
|
| Агулам |
61 |
204
|
.svg){kind=small}