Багеміянс-1905 Прага

Багеміянс-1905
Поўная назва	Bohemians 1905
Заснаваны	1905
Горад	Прага, Чэхія
Стадыён	Долічак Умяшчальнасьць: 5000
Прэзыдэнт	Антанін Паненка^[d]
Галоўны трэнэр	Яраслаў Вэсэлы^[d][1]
Чэмпіянат	Першая ліга
· 2023—2024	13 месца
Галерэя здымкаў у Вікісховішчы bohemians.cz (чэс.)

«Багеміянс-1905» (па-чэску: Bohemians 1905) — чэскі футбольны клюб з гораду Прагі. Заснаваны ў 1905 годзе пад назовам «Вэршовіцы» паводле назвы праскага раёну. Традыцыйнымі колерамі клюбу ёсьць зялёны і белы. Самы знакаміты гулец «Багеміянсу» — Антанін Паненка, які займае пасаду старшыні клюбу. Талісманам клюбу ёсьць кенгуру. Гэтак сталася дзякуючы клюбнаму туру 1927 году ў Аўстралію, дзе каманда правяла шмат таварыскіх матчаў, а таксама атрымала ў падарунак двух кенгуру. Багемцы ахвяравалі іх Праскаму заапарку.

Гісторыя

Гульцы «Багеміянсу-1905» пасьля гульні ў 2017 годзе.

Клюб быў закладзены ў 1905 годзе пад назовам «Вэршовіцы». Гуляў на найвышэйшым узроўні футболу ў чэхаславацкай Першай лігі паміж 1925 і 1935 гады. У сэзоне 1982—1983 гадоў клюб перамог у розыгрышы чэхаславацкага чэмпіянату і ў тым жа сэзоне прасунуўся да паўфіналу Кубка УЭФА, дзе саступіў брусэльскаму «Андэрлехту». У 2005 годзе «Багеміянс» трапіў у крызу, што стала следзтвам кволага кіраваньня. Клюбу было забаронена браць удзел у другой частцы розыгрышу Другой лігі сэзону 2004—2005 гадоў, а ўсё клюбныя вынікі былі скасаваныя^[2]. Пражане рынуўся ў Трэцюю лігу празь фінансавую неплацежаздольнасьць, але пазьней быў выратаваны прыхільнікамі, якія сплацілі частку запазычанасьці клюбу.

«Багеміянс» заняў трэцяе месца ў Багемным дывізіёне Трэцяе лігі ў сэзоне 2005—2006 гадоў, ня здолеўшы дасягнуць месца, якое б надавала клюбу прасоўваньне. Аднак, пражане ўсё ж такі атрымаў квіток у Другую лігу, бо кіраўніцтва «Багеміянсу» купілі ліцэнзію на ўдзел ў Другой лізе ў «Ксавэрава»^[3]. У 2007 годзе клюб здолеў вярнуцца да найвышэйшага дывізіёну, дзе яны апошні раз гулялі ў 2012 годзе. Паводле вынікаў сэзону 2011—2012 гадоў «Багеміянс» страціў месца ў Першай лізе, але праз год вярнуўся назад.

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Роман Валеш 1990 2 ПА Ян Сгэйбал 1994 3 Аб Мацей Кадлец 2002 4 ПА Ёзэф Індржышак (капітан) 1981 7 Аб Мацей Гібш 1993 8 ПА Адам Янаш 1992 9 Нап Абдала Юсуф Гэляль 1993 10 ПА Ян Матаўшак 1998 11 ПА Войцех Новак 2002 12 Бр Міхал Райхль 1992 16 Аб Марцін Дастал 1989 17 ПА Марцін Гала 1992 18 Аб Дэніс Вала 2000 19 ПА Ян Коваржык 1988

№ Пазыцыя Імя Год нараджэньня 20 Нап Вацлаў Дрхал 1999 21 Бр Лукаш Соўкуп 1995 22 Аб Ян Вондра 1995 24 ПА Домінік Плештыл 1999 27 Аб Адам Кадлец 2003 28 Аб Лукаш Гулка 1995 31 ПА Ондржэй Пэтрак 1992 34 Аб Антанін Кржапка 1994 42 ПА Войцех Смрж 1997 47 ПА Алеш Чэрмак 1994 71 Бр Якуб Шыман 1995 77 Нап Мілан Рыстоўскі 1998 88 ПА Робэрт Грубы 1994 — Бр Томаш Фрувальд 2002

Крыніцы

1. https://www.fortunaliga.cz/trener/643-jaroslav-vesely
2. «Bohemians přišli o licenci, ve 2. lize končí». iDNES.cz.
3. «Bohemians 1905 koupili druhou ligu od Xaverova». Sport.cz.

Вонкавыя спасылкі

• Афіцыйны сайт