Барыс Панкратаў

Барыс Панкратаў
Пэрсанальная інфармацыя
Нарадзіўся 30 сьнежня 1982(1982-12-30)[1] (42 гады)
Рост 190 см
Вага 83 кг[3]
Пазыцыя брамнік
Клюбная інфармацыя
Клюб БАТЭ
Клюбы
Гады Клюб Гульні (галы)¹
1999—2000 Дняпро Магілёў 13 (0)
2001—2004 Спартак Шклоў 92 (0)
2005—2007 БАТЭ 20 (0)
2008 Дынама Менск 14 (0)
2009 Мікашэвічы 9 (0)
2010—2011 Дняпро Магілёў 26 (0)
2012 Нёман Горадня 1 (0)
2013—2014 Дняпро Магілёў 31 (0)
2015—2016 Белшына 46 (0)
2017—2020 Слуцак 79 (0)
2021 Іслач 12 (0)
2022—2023 Слуцак 6 (0)
2024—4 БАТЭ
2024—4 → БАТЭ-2[d] 7 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
20 верасьня 2024.

Барыс Панкратаў (нарадзіўся 30 сьнежня 1982 году) — беларускі футбаліст, брамнік.

Кар’ера

[рэдагаваць | рэдагаваць крыніцу]

Пачаў кар’еру ў Магілёве. Гуляў у барысаўскім БАТЭ, менскім «Дынама», магілёўскім «Дняпры». Пасьля вылету магіляўчанаў з Найвышэйшай лігі ў студзені 2012 году перайшоў у гарадзенскі «Нёман», дзе стаў другім брамнікам пасьля Сяргея Чэрніка.

У студзені 2013 году вярнуўся ў «Дняпро»[4] і стаў другім брамнікам пасьля Артура Катэнкі, але нярэдка зьяўляўся і ў пачатковым складзе. У сэзоне 2014 году, пасля зыходу з каманды Катэнкі, стаў асноўным брамнікам. У сакавіку 2014 году быў прызначаны капітанам каманды[5]. У ліпені 2014 году атрымаў траўму, празь якую некаторы час не гуляў. Пасьля вяртання стаў чаргавацца ў браме з Уладзімерам Журавым.

Паводле вынікаў сэзону 2014 году «Дняпро» страціў месца ў Найвышэйшай лізе, і Панкратаў скасаваў зь ім кантракт[6]. У студзені 2015 году апынуўся на праглядзе ў «Белшыне»[7] і ў выніку пачаў сэзон 2015 году ў бабруйскім клюбе. Здолеў стаць асноўным брамнікам бабруйчанаў, дапамог ім заняць высокае чацьвертае месца ў чэмпіянаце, прапусьціўшы ў 26 матчах усяго 16 галоў. У траўні і чэрвені Панкратаў, не прапускаючы ў пяці матчах запар, выдаў «сухую» сэрыю з 537 хвілінаў, якая стала адной з найдаўжэйшых у чэмпіянаце.

У першай палове сэзону 2016 году Панкратаў быў другім брамнікам пасьля Антона Амельчанкі. Улетку 2016 году, калі большасьць гульцоў пакінула «Белшыну», застаўся ў клюбе ў якасьці асноўнага брамніка і пачаў выконваць абавязкі капітана каманды, але ня здолеў яе выратаваць калектыў ад вылету ў Першую лігу.

У студзені 2017 году далучыўся да «Слуцка», зь якім у лютым падпісаў кантракт[8]. Пачынаў сэзон 2017 году ў якасьці асноўнага брамніка случакоў, але пазьней праз пашкоджаньне стаў радзей зьяўляцца на полі. У сьнежні 2017 году падоўжыў кантракт з «Слуцкам»[9]. У сэзоне 2018 году трывала гуляў у стартавым складзе каманды. У сьнежні 2018 году склаў новае пагадненьне з клюбам[10]. Сэзон 2019 году пачынаў у першай адзінаццатцы, але ў траўні не гуляў праз траўмы. Пазьней вярнуў месца ў асноўным складзе, але часам заставаўся на лаве запасных. У сьнежні 2019 году падоўжыў кантракт з «Слуцкам»[11]. У 2020 годзе быў асноўным брамнікам, прапусьціў толькі канец сэзону.

У студзені 2021 году па заканчэньні кантракта пакінуў «Слуцак»[12] і неўзабаве стаў гульцом «Іслачы»[13], дзе чаргаваўся ў складзе з Уладзіславам Васілючкам. У студзені 2022 году, пакінуўшы «Іслач» па заканчэньні кантракта, вярнуўся ў «Слуцак»[14]. У 2022 годзе не гуляў праз траўмы, а сэзон 2023 году пачаў рэзэрвовым брамнікам, у другой палове сэзону стаў часам выходзіць на поле. У студзені 2024 году па заканчэньні кантракта пакінуў «Слуцак»[15] і скончыў прафэсійную кар’еру[16].

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Белшына 2015 Найвышэйшая ліга 26 –16
2016 Найвышэйшая ліга 20 –31
Слуцак 2017 Найвышэйшая ліга 16 –17
2018 Найвышэйшая ліга 25 –30

Крыніцы

[рэдагаваць | рэдагаваць крыніцу]
  1. ^ а б в Boris Pankratov // Transfermarkt (мн.) — 2000.
  2. ^ а б https://fcbate.by/team/chiefs/62
  3. ^ а б http://sfc-slutsk.by/person/120
  4. ^ Футбол. Борис Панкратов и Александр Былина перешли в могилевский "Днепр" (рас.) Архіўная копія ад 2013-01-13 г.
  5. ^ Панкратов будет капитаном «Днепра» в новом сезоне (рас.)
  6. ^ 1-я лига. Есть кто смелый? (рас.) Архіўная копія ад 2015-02-05 г.
  7. ^ Футбол. Борис Панкратов и Олег Карамушка находятся на просмотре в "Белшине" (рас.) Архіўная копія ад 2022-03-13 г.
  8. ^ Борис Панкратов подписал контракт со "Слуцком" (рас.)
  9. ^ "Слуцк" продлил контракты с шестью футболистами и расстался с Дударем (рас.)
  10. ^ Бобко, Кибук и Панкратов продлили контракты со "Слуцком" (рас.)
  11. ^ "Слуцк" продлил контракты с двумя вратарями (рас.)
  12. ^ Борис Панкратов покинул "Слуцк" (рас.)
  13. ^ Борис Панкратов подписал контракт с "Ислочью" (рас.)
  14. ^ Борис Панкратов вернулся в "Слуцк" (рас.)
  15. ^ "Слуцк" объявил о расставании с Глебко, Панкратовым и Гречишко (рас.)
  16. ^ 41-летний вратарь "Слуцка" Борис Панкратов завершил игровую карьеру (рас.)

Вонкавыя спасылкі

[рэдагаваць | рэдагаваць крыніцу]