Беларускі партызан

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Беларускі партызан (неадназначнасьць).
«Беларускі партызан»
Тып навіновы
Даступныя мовы беларуская, расейская
Уладальнік Сьвятлана Калінкіна
Аўтар Павал Шарамет
Пачатак працы 27 кастрычніка 2005 (19 гадоў таму)[1]
Камэрцыйны? не
Рэгістрацыя няма
Актуальны стан дзейны
Рэйтынг Alexa ▲101 (у Беларусі; 2021 г.)
belaruspartisan.by

«Белару́скі партыза́н» — беларускі палітычны інфармацыйны інтэрнэт-праект, створаны ў кастрычніку 2005 году Паўлам Шараметам і іншымі журналістамі, якія жывуць у Менску ці ў замежжы.

Паводле інфармацыі на сайце, над ім працуюць журналісты і праграмісты зь Беларусі, Расеі, Польшчы, Нямеччыны і Чэхіі[2]. Сайт публікуе меркаваньні, расьсьледваньні, навіны датычна палітычных падзеяў у Беларусі. На 2016 г. сайт меў ад 50 тыс. да 100 тыс. штодзённых наведнікаў. Вяліся 8 рубрык: «Блогі», «Думкі», «Жыцьцё», «Інтэрвію», «Мультымэдыя», «Палітыка», «Радасьці жыцьця», «Спорт» і «Эканоміка». З 2016 г. беларускамоўную вэрсію сайту, якую вёў гісторык Ігар Мельнікаў, стала наведваць больш людзей, чым расейскамоўную[3]. У сьнежні 2017 году Міністэрства інфармацыі Рэспублікі Беларусь заблакаваў «Беларускі партызан» за публікацыю «забароненай інфармацыі».[4][5] У выніку «Беларускі партызан» аднавіў працу, зьмяніўшы дамэн *.org на *.by[6]. Рэдакцыя парталу месьціцца ў Савецкім раёне Менску па праспэкце Незалежнасьці, д. 55.

13 верасьня 2021 году доступ да сайту ў Беларусі быў заблякаваны: Міністэрства інфармацыі пакарала рэдакцыю за спасылкі на «Белсат»[7].

У лістападзе 2021 году сайт, тэлеграм-канал і сацыяльныя сеткі "Беларускага партызана" былі даданыя ў беларускі сьпіс экстрэмісцкіх матэрыялаў[8][9]. Апасьля гэтага рэдакцыя выдаліла свой тэлеграм-канал, патлумачыўшы тое жаданьнем не падстаўляць чытачоў, а сайт «Беларускага партызана» перастаў абнаўляцца[10].

Крыніцы

[рэдагаваць | рэдагаваць крыніцу]
  1. ^ «Беларускі партызан» (анг.) // «Прылады дамэна», 2016 г. Праверана 9 верасьня 2016 г.
  2. ^ Увага! Важнае паведамленьне!. Беларускі партызан. Праверана 23 красавіка 2011 г.
  3. ^ Анастасія Салановіч. Беларускія праекты Паўла Шарамета маюць пэўныя праблемы, але працуюць у ранейшым рэжыме // БелаПАН, 31 жніўня 2016 г. Архіўная копія ад 31 жніўня 2016 г. Праверана 9 верасьня 2016 г.
  4. ^ Мінінфарм заблакаваў «Беларускі партызан» за публікацыю «забароненай інфармацыі»
  5. ^ Евгений Жуков. (2018-01-24) В Беларуси заблокировали оппозиционный сайт "Хартия-97" (рас.). Нямецкая хваля. Праверана 2021-06-15 г.
  6. ^ «Беларускі партызан» аднавіў працу, зарэгістраваўшыся ў зоне *.by
  7. ^ АА. (2021-09-14) «Беларускі партызан» быў заблакаваны за тры спасылкі на «Белсат» (бел.). Белсат. Праверана 2021-09-15 г. Архіўная копія ад 2021-09-15 г.
  8. ^ Тэлеграм-канал «Беларускі партызан» прызнаны экстрэмісцкім і будзе выдалены Новы час Праверана 2022-01-22 г.
  9. ^ Афіцыйна: сайт «Беларускі партызан» і ўсе яго сацсеткі прызнаны экстрэмісцкімі Новы час Праверана 2022-01-22 г.
  10. ^ Рэдакцыя "Беларускага партызана" паставіла сайт на паўзу Эўрапейскае радыё для Беларусі Праверана 2022-01-22 г.

Вонкавыя спасылкі

[рэдагаваць | рэдагаваць крыніцу]
  • Стужка // Партал «Беларускі партызан», 16 траўня 2021 г. Праверана 16 траўня 2021 г.