Бон (Францыя)

	Бон
	франц. Beaune
Герб Бону (Францыя)
Першыя згадкі:	XIII стагодзьдзе
Краіна:	Францыя
Рэгіён:	Бургундыя-Франш-Камтэ
Дэпартамэнт:	Кот-д’Ор
Кіраўнік:	Ален Сюжэно[d]
Плошча:	31,3 км²;
Вышыня:	193 м н. у. м.
Насельніцтва:	▼20 032 чал. (1 студзеня 2021);
Паштовы індэкс:	21200
Геаграфічныя каардынаты:	47°1′27″ пн. ш. 4°50′20″ у. д. / 47.02417° пн. ш. 4.83889° у. д.Каардынаты: 47°1′27″ пн. ш. 4°50′20″ у. д. / 47.02417° пн. ш. 4.83889° у. д.
	Бон на мапе Францыі Бон
	Галерэя здымкаў у Вікісховішчы
	http://www.beaune.fr

Бон (па-француску: Beaune) — горад ў Францыі, месьціцца ў дэпартамэнце Кот-д’Ор у рэгіёне Бургундыя-Франш-Камтэ (да 1 студзеня 2016 — у рэгіёне Бургундыя). Насельніцтва паселішча складае 21 838 чалавек, паводле дадзеных на 2013 год.

Гісторыя

Горад узьнік на месцы паселішча кельтаў, якія прыйшлі сюды з усходу ў V стагодзьдзі да н. э. Яны назвалі горад «Бэлена» (франц. Belena) у гонар ушанаванай імі багіні бягучай вады Бэлёны (франц. Belonos).

Юліюс Цэзар, заваяваўшы Галію прынёс сюды ўвесь пантэон рымскіх багоў, у тым ліку і Апалёна, імя якога было сугучна назьве гораду. Пазьней жаўнеры раскватараванага тут VIII легіёна «Augusta» распаўсюджвалі тут культ бога Мітры, які, аднак, ня ўтрымаўся. У IV стагодзьдзі сьвяты Мартын прынёс сюды хрысьціянства. Разбураныя ўмацаваньні гораду, былі адноўлены «на месцы паганскай сьвятыні».

У V стагодзьдзі па замёрзлым Райне сюды прыйшло германскае племя бургундаў, якія далі мясцовасьці сучасную назву. Іхняя прынцэса Клятыльда выйшла замуж за правадыра франкаў Хлёдвіга I з роду Мэравінгаў, які прыняў хрысьціянства. У VIII стагодзьдзі месца спазнала кароткачасовае нашэсьце арабаў. Бон быў галоўным горадам Бургундыі пакуль ейнай сталіцай ня стаў горад Дыжон.

Славутасьці

Зь Сярэднявечча тут захавалася гарадзкая сьцяна даўжынёй каля 2 км, а таксама шматлікія пабудовы XV—XVI стагодзьдзяў. Будаўніцтва царквы было распачата ў 1120 годзе, і пасьля пабудовы яна лічылася «дачкой Клюні». Затым ёй быў нададзена аблічча, уласьцівае будынкам эпохі бургундзкага рамантызму. У галоўным алтары знаходзяцца дываны з поўсьці й шоўку з выявай сцэнаў з жыцьця Дзевы Марыі. У былым палацы герцагаў Бургундыі зараз разьмяшчаецца вінны музэй. Але галоўнай славутасьцю гораду зьяўляецца былы шпіталь, пабудаваны ў 1443—1457 гадох.

Галерэя

Вялікая вежа
Царква Нотр-Дам
Палац герцага
Вінаграднікі ў навакольлях Бону

Крыніцы

^ База зьвестак францускіх камунаў — Institut national de l'information géographique et forestière.
^ Populations légales 2021 — Нацыянальны інстытут статыстыкі і эканамічных дасьледаваньняў Францыі, 2023.

Вонкавыя спасылкі

Сайт гораду

Гэта — накід артыкула па Францыі. Вы можаце дапамагчы Вікіпэдыі, пашырыўшы яго.

Злучыць^?

[_600c232b0678f450-1] База зьвестак францускіх камунаў — Institut national de l'information géographique et forestière.

[_366409cff514edc0-2] Populations légales 2021 — Нацыянальны інстытут статыстыкі і эканамічных дасьледаваньняў Францыі, 2023.

[1]

[2]