Булёнь-сюр-Мэр

Булёнь-сюр-Мэр
франц. Boulogne-sur-Mer
Герб Булёні-сюр-Мэр Сьцяг Булёні-сюр-Мэр
Краіна:	Францыя
Рэгіён:	О-дэ-Франс
Дэпартамэнт:	Па-дэ-Кале
Кіраўнік:	Фрэдэрык Кювільле^[d]
Плошча:	8,42 км²[1]
Вышыня:	110 м н. у. м.
Насельніцтва:	▲40 910 чал. (1 студзеня 2021)[2]
Паштовы індэкс:	62200
Геаграфічныя каардынаты:	50°43′32″ пн. ш. 1°36′50″ у. д. / 50.72556° пн. ш. 1.61389° у. д. / 50.72556; 1.61389Каардынаты: 50°43′32″ пн. ш. 1°36′50″ у. д. / 50.72556° пн. ш. 1.61389° у. д. / 50.72556; 1.61389
Булёнь-сюр-Мэр на мапе Францыі Булёнь-сюр-Мэр
Галерэя здымкаў у Вікісховішчы
https://www.ville-boulogne-sur-mer.fr/

Булёнь-сюр-Мэр (па-француску: Boulogne-sur-Mer) — горад на поўначы Францыі, месьціцца ў дэпартамэнце Па-дэ-Кале рэгіёну О-дэ-Франс (да 1 студзеня 2016 — у рэгіёне Нор-Па-дэ-Кале). Насельніцтва складае 42 537, паводле дадзеных на 2013 год. Найбуйнейшы рыбалоўны порт Францыі й другі па колькасьці насельніцтва, пасьля Кале, горад дэпартамэнту Па-дэ-Кале.

Геаграфія

Булёнь-сюр-Мэр разьмешчаны на беразе Ля-Манша, у 100 км на захад ад Лілю й у 215 км на поўнач ад Парыжа, у месцы ўпадзеньня ў праліў ракі Льян.

Гісторыя

Заснавала горад кельцкае племя боі. Рымляне выкарыстоўвалі яго як асноўны марскі порт, які злучаў мацерыковую частку імпэрыі з Брытаніяй. Імпэратар Кляўдыюс у 43 годзе выкарыстаў Булёнь як апорную базу для арганізацыі ўварваньня ў Брытанію, і да 296 году паселішча было месцам базаваньня рымскага флёту ў Ля-Маншы.

У Сярэднявечча Булёнь была цэнтрам аднайменнага графства. Землі графства Булёнь былі аб’ектам тэрытарыяльнай спрэчкі паміж Францыяй і Ангельшчынай, ангельцы валодалі горадам у 1554—1550 гадах. У 1550 годзе Булёнскі мір завяршыў вайну Ангельшчыны з Францыяй і Шатляндыяй, французы выкупілі горад за 400 тысячаў крон.

У 1805 годзе ў раёне Булёні імпэратар Напалеон I разьмясьціў Вялікую армію, зьбіраючыся пачаць адсюль заваёву Ангельшчыны, але гэтым ягоным плянам не наканавана было спраўдзіцца. Падчас Другой сусьветнай вайны тут разьмяшчалася буйная ваенна-марская база нямецкага флёту, і ў чэрвені 1944 году горад падвергнуўся масіраванай бамбардзіроўцы авіяцыяй хаўрусьнікаў.

Эканоміка

Структура занятасьці насельніцтва:

• Сельская гаспадарка — 2,5%
• Прамысловасьць — 12,4%
• Будаўніцтва — 3,3%
• Гандаль, транспарт і сфэра паслугаў — 45,3%
• Дзяржаўныя й муніцыпальныя службы — 36,4%

Крыніцы

1. База зьвестак францускіх камунаў — Institut national de l'information géographique et forestière.
2. Populations légales 2021 — Нацыянальны інстытут статыстыкі і эканамічных дасьледаваньняў Францыі, 2023.

Вонкавыя спасылкі

• Афіцыйны сайт