Бяссківічныя
| Бяссківічныя жывёлы | |
 Мінога рачная (Lampetra fluviatilis) | |
| Клясыфікацыя | |
|---|---|
| Царства | Жывёлы |
| Падцарства | Эўмэтазоі |
| Разьдзел | Білятэральныя |
| Падразьдзел | Другаснаротыя |
| Тып | Хордавыя |
| Надкляса | Бяссківічныя |
| Бінамінальная намэнклятура | |
| Agnatha | |
Бяссківічныя, агнаты (Agnatha) — надкляса ніжэйшых хрыбетных жывёлаў.
Вядома 2 вымерлыя клясы: няпарнаноздравыя і парнаноздравыя; 1 сучасная кляса — кругларотыя, які ўключае міног і міксынаў. Пашыраны ў абодвух паўшар'ях, у марскіх і прэсных водах, на Беларусі вядомы 3 віды міногаў.
Старажытныя прымітыўныя рыбападобныя жывёлы бяз сківіц і парных канечнасьцяў, з хордай. Даўжыня ад некалькіх сантымэтраў (верацёнападобныя жывёлы) да 1 м (пляскатыя донныя формы). Унутраны шкілет храстковы (у вымерлых быў вонкавы касьцявы шкілет). Шчэлепы ў выглядзе мяшкоў зь пялёсткамі энтадэрмальнага паходжаньня. Ноздравая адтуліна ў большасьці няпарная. Паўкружных каналаў 1 ці 2. Рот круглы, сысучага тыпу.
Корм лічынак — расьлінныя рэшткі, водарасьці; дарослыя паядаюць мяса і кроў рыбаў ці зусім ня кормяцца. Выкапнёвыя бяссківічныя ўсмоктвалі разам з глеем і пяском дробныя арганізмы.
Рэшткі бяссківічных вядомы з кембрыю да позьняга дэвону. Росквіт наступіў у познім сылюры і раньнім дэвоне. Іх рэшткі зьяўляюцца вызначальнымі выкапнямі пры вывучэньні адкладаў.
 |
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |