Валтэры Пуўстынэн

Валтэры Пуўстынэн
Рост 176 см[1]
Вага 83 кг
Пазыцыя скрайні нападнік, нападнік
Грамадзянства
Дата нараджэньня 4 чэрвеня 1999(1999-06-04)[2][1] (25 гадоў)
Месца нараджэньня
Клюб Пітсбург Пінгвінз
Выступаў за
Драфт НХЛ 203, 2019
Пітсбург Пінгвінз
Гульнявая кар’ера 2018 — цяпер

Ва́лтэры Пу́ўстынэн (па-фінску: Valtteri Puustinen; нар. 4 чэрвеня 1999 году) — фінскі хакеіст, правы нападнік клюбу «Пітсбург Пінгвінз» з Нацыянальнай хакейнай лігі.

Кар’ера

[рэдагаваць | рэдагаваць крыніцу]

Выхаванец клюбу ХПК[3]. Свой першы сэзон у складзе асноўнай каманды клюбу правёў у 2018—2019 гадах. У рэгулярным сэзоне згуляў 47 матчы, у якіх закінуў 10 шайбаў[4]. У 2019 годзе быў задрафтаваны клюбам НХЛ «Пітсбург Пінгвінз» пад агульным 203-м нумарам. Не зважаючы на гэта застаўся ў фінскім клюбе, добра згуляўшы сэзон 2020—2021 гадоў, калі гулец закінуў 21 шайбу і зьздейсьніў 20 галявых перадачаў. У выніку Пуўстынэн быў толькі адным з чатырох хакеістаў у Лійзе, якія зарабілі больш за 20 галоў і перадачаў.

6 траўня 2021 году фін склаў кантракт пачаткоўца на два гады зь «Пітсбург Пінгвінз»[5]. Першы чым згуляць у НХЛ быў выпраўлены ў фарм-клюб «Ўілкс-Барэ-Скрэнтан Пінгвінз», дзе цягам сэзону закінуў 17 шайбаў. Пазьней быў выкліканы да складу пітсбурцаў, запачаткаваўшы выступы ў НХЛ 11 сакавіка 2022 году ў матчы супраць «Вэгас Голдэн Найтс». У той жа дзень нападнік здабыў свой першы пункт, узяўшы ўдзел у голу Джэфа Картэра. «Пінгвіны» ў той сустрэчы перамаглі зь лікам 5:2[6]. 20 чэрвеня 2023 году склаў новы аднагадовы двухбаковы кантракт з клюбам[7]. Сваю першую шайбу закінуў 27 сьнежня 2023 году ў браму «Нью-Ёрк Айлэндэрз» (7:0)[8].

Крыніцы

[рэдагаваць | рэдагаваць крыніцу]
  1. ^ а б в г д е https://www.iihf.com/en/events/2024/wm/teams/roster/45150/finland — Міжнародная фэдэрацыя хакею на лёдзе.
  2. ^ а б Elite Prospects (анг.) — 1999.
  3. ^ «Valtteri Puustinen player profile». Jatkoaika.
  4. ^ «Valtteri Puustinen player profile». Liiga.
  5. ^ «Penguin sign Valterri Puustinen to a two-year, entry-level contract». NHL.
  6. ^ «Crosby streak at eight after Penguins defeat Golden Knights». NHL.
  7. ^ «Penguins Re-Sign Forward Valtteri Puustinen to a One-Year Contract». NHL.
  8. ^ «Hell of a win for penguins in night filled with milestones». NHL.

Вонкавыя спасылкі

[рэдагаваць | рэдагаваць крыніцу]