Відзэў Лодзь

Відзэў Лодзь
Поўная назва	па-польску: Widzew Łódź Spółka Akcyjna[1][2]
Заснаваны	1910
Горад	Лодзь, Польшча
Стадыён	Відзэў Умяшчальнасьць: 10 500
Галоўны трэнэр	Даніель Мысьлівец^[d][3]
Чэмпіянат	Экстракляса
· 2023—2024	9 месца
Галерэя здымкаў у Вікісховішчы widzew.com (пол.)

«Ві́дзэў» (па-польску: Widzew) — польскі футбольны клюб з гораду Лодзі. Заснаваны ў 1910 годзе. Чатырохразовы чэмпіён Польшчы, уладальнік Кубка Польшчы (1985). Праз свае чырвона-белыя колеры мае мянушку «Чырвоная армія».

Гісторыя

Футбалісты «Відзэва» ў 1911 годзе.

Клюб быў заснаваны ў 1910 годзе як таварыства аматараў фізычнага разьвіцьця «Відзэў». Назва клюбу паходзіць ад назвы раёну Лодзі. Заклалі клюб польскія рабочыя і нямецкія прамыслоўцы, якія займаліся тэкстыльнымі мануфактурамі. На сёньня ў назьве клюбу ўсё яшчэ прысутны прыметнік «рабочы», але цікава, што на момант стварэньня расейскімі ўладамі было забаронены карыстаць такі прыметнік у назвах асацыяцыяў. На момант стварэньня клюбу Лодзь уваходзіў у склад Расейскае імпэрыі. Па Першай сусьветнай вайне і здабыцьці Польшчаю незалежнасьць клюб здолеў перайначыць імя, дадаўшы прыметнік «рабочы» ў сваю назву.

«Відзэў» станавіўся чэмпіёнам Польшчы ў сэзоне 1981—1982 і 1982—1983 гадах, а ў 1985 годзе стаў уладальнікам Кубка Польшчы. У розыгрышы Кубка эўрапейскіх чэмпіёнаў 1982—1983 гадоў польскі клюб пасьлядоўна выбіваў з турніру мальтыйскі «Гібэрніянз», аўстрыйскі «Рапід» і ангельскі «Лівэрпул», але ў паўфінале ня здолеў пераадолець італьянскі «Ювэнтус». Пасьля выяздной паразы 2:0, гульцы «Відзэва» згулялі з турынцамі ўнічыю 2:2, дзякуючы двум галам Кшыштафа Сурліта. За год да гэтага ў розыгрышы Кубка УЭФА 1980—1981 гадоў лодзкі клюб таксама быў выкінуты з турніру «Ювэнтусам», але перад гэтым у першым раўндзе палякі выбілі ангельскі «Манчэстэр Юнайтэд». Наступным залатым часам для клюбу стаў канец 1990-х гадоў. «Відзэў» стаў чэмпіёнам Польшчы паводле вынікаў сэзону 1996—1997 гадоў. Галоўнай перавагай клюбу стала моцная абарона, а таксама бліскучая гульня брамніка Анджэя Возьняка^[4]. За 34 матчы першынства ладзяне толькі 22 разы атрымлівалі гол у сваю браму, а за ўвесь сэзон Экстраклясы аніводнага разу клюб не атрымліваў паразу. У наступны год «Відзэў» абараніў свой тытул, прапусьціўшы яшчэ менш галоў — 21.

У 2015 годзе празь фінансавыя чыньнікі клюб быў ліквідаваны, а на ягоным месцы паўстаў новы клюб, які ў тым жа годзе заявіўся ў Чацьвертую лігу. У 2020 годзе каманда вярнулася ў Першую лігу, а яшчэ праз два гады дасягнула Экстраклясы.

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Рафал Гікевіч 1987 2 Аб Луіш Сылва 1999 3 Аб Самуэл Козлаўскі 1999 4 Аб Матэвуш Жыра 1998 5 Аб Крэшнік Гайрызі 1999 6 ПА Юльян Шэху 1998 7 ПА Якуб Лукоўскі 1996 8 Нап Гілары Гонг 1998 9 Нап Імад Рондыч 1999 10 ПА Фран Альварэс 1998 15 Аб Хуан Ібіса 1995 17 Нап Губэрт Собаль 2000 19 ПА Бартломей Паўлоўскі 1992 21 Аб Павал Квяткоўскі 2006

№ Пазыцыя Імя Год нараджэньня 25 ПА Марэк Ганаўсэк 1991 30 Аб Якуб Гжэйшчак 2006 31 Бр Мікалай Беганскі 2002 33 Бр Ян Кжыванскі 2003 37 ПА Сэбастыян Керк 1994 44 ПА Ноа Дылібэрто 2001 47 Нап Антоні Клімэк 2002 62 Аб Лірым Кастраці 1999 73 ПА Каетан Радомскі 2005 77 Нап Якуб Сыпэк 2001 78 Нап Каміль Цыбульскі 2005 91 Аб Марцэль Краеўскі 2004 92 Нап Фабію Нуніш 1992 99 Нап Саід Гамуліч (ар. Тулюза) 2000

Крыніцы

1. https://widzew.com/polityka-prywatnosci/
2. https://rejestr.io/krs/680270/widzew-lodz
3. https://www.transfermarkt.com/widzew-lodz/mitarbeiterhistorie/verein/88
4. «Andrzej Woźniak». BonusCodes.

Вонкавыя спасылкі

• Афіцыйны сайт