Габрава

Габрава
баўг. Габрово
Герб Габрава Сьцяг Габрава
Дата заснаваньня:	1477
Краіна:	Баўгарыя
Вобласьць:	Габраўская
Плошча:	233,817 км²
Вышыня:	392 м н. у. м.
Насельніцтва (2013)
колькасьць:	56 995 чал.
шчыльнасьць:	243,76 чал./км²
Часавы пас:	UTC+2
летні час:	UTC+3
Тэлефонны код:	066
Паштовы індэкс:	5300
Геаграфічныя каардынаты:	42°52′27.271″ пн. ш. 25°19′4.224″ у. д. / 42.87424194° пн. ш. 25.31784° у. д. / 42.87424194; 25.31784Каардынаты: 42°52′27.271″ пн. ш. 25°19′4.224″ у. д. / 42.87424194° пн. ш. 25.31784° у. д. / 42.87424194; 25.31784
Габрава на мапе Баўгарыі Габрава
Галерэя здымкаў у Вікісховішчы
http://www.gabrovo.bg/

Габрава (па-баўгарску: Габрово) — горад у цэнтры Баўгарыі, паблізу геаграфічнага цэнтру краіны. Адміністрацыйны цэнтар Габраўскай вобласьці і найбуйнейшы населены пункт абшчыны Габрава. Разьмешчаны на паўночным схіле хрыбта Стара Планіна, ля Шыпкінскага перавалу, на абодвух берагах ракі Янтры. Насельніцтва гораду на 2013 год — 57 тыс. чалавек.

Гісторыя

Габрава стаў набіраць эканамічнае значэньне ў эпоху Другога баўгарскага царства (1187—1393), сталіцай якога было разьмешчанае непадалёк Вэліка-Тырнава.

У эпоху асманскага ўварваньня на тэрыторыю Балканскага паўвострава колькасьць жыхароў Габрава рэзка павялічваецца дзякуючы струменю перасяленцаў з былой сталіцы і іншых захопленых фартэцыяў. У 1860 годзе Габрава атрымлівае статус гораду.

Брацкая магіла 16 афіцэраў і 465 ніжніх чыноў 14-ы пяхотнай дывізіі, каля царквы Ўнебаўзяцьця Прасьвятой Багародзіцы ў Габраве

У Габрава ёсьць некалькі помнікаў расейскім жаўнерам і афіцэрам, якія ваявалі пры Абароне Шыпкі і памерлі ў горадзе ад ран і хваробаў.

Пасьля вызваленьня Баўгарыі (1878) Габрава разьвіваўся як прамысловы цэнтар і нават атрымаў мянушку «баўгарскі Манчэстэр». Цяпер у горадзе разьвіты лёгкая прамысловасьць і машынабудаваньне.

У 1900 годзе ў Габраве нарадзіўся Пётар Стэфанаў Русеў — бацька першай жанчыны-прэзыдэнта Бразыліі Дзілмы Русэф.

Насельніцтва

Ніжэй прадстаўлена дынаміка колькасьці насельніцтва гораду:

Год Насельніцтва 1985 81 250 1992 76 522 2000 70 071 2005 63 864 2010 60 281 2013 56 995

Гарады-сябры

• Шэкі, Азэрбайджан
• Магілёў, Беларусь (з 1988 г., падоўжаны ў 2000 г.)
• Аальст, Бэльгія
• Панявеж, Летува
• Мітвайда, Нямеччына
• Куманава, Паўночная Македонія
• Новы Сонч, Польшча
• Мыцішчы, Расея
• Прэшаў, Славаччына
• Чарнігаў, Украіна
• Сісак, Харватыя
• Тун, Швайцарыя

Ураджэнцы і жыхары

• Васіл Еўстаціеў Апрылаў, баўгарскі грамадзка-палітычны дзяяч

Дадатковыя зьвесткі

• Габрава вядома як «Сталіца гумару» Баўгарыі^[1][2]

• У Магілёве ў гонар Габрава названая вуліца^[3], а таксама адна з рэстарацыяў у самым цэнтры гораду.^[4]

Крыніцы

1. Артыкул пра Габрава на расейскамоўным сайце Poezdka
2. Сайт Габраўскага Музэю гумару й сатыры
3. [1]
4. [2]

Вонкавыя спасылкі

• Мескае насельніцтва