Гран-пры Эўропы
 | |
| Гісторыя | |
|---|---|
| Праведзеныя гонкі | 23 Нюрбургрынг (12) Валенсія (5).svg){kind=small} Брэндз-Гэч (2) Хэрэс (2) Донінгтан (1) Баку (1)
|
| Першая гонка | 1983 |
| Апошняя гонка | 2016 |
| Лідэр (гоначнік) | Міхаэль Шумахэр (6)
|
| Лідэр (канструктар) |  Фэрары (7)
|
| Сэзон 2016 году | |
| Поўл-пазыцыя |
|
| Подыюм |
|
| Найхутчэйшае кола |
|
| Вонкавыя спасылкі | |
Гран-пры́ Эўро́пы альбо Эўрапе́йскае Гран-пры — гонкавае спаборніцтва Формулы-1, якое ладзілася ў 1980-х — 2010-х роках. Месца правядзеньня мянялася: гаспадарамі магла стаць краіна, якая таксама прымала нацыянальнае Гран-пры, але толькі на іншай трасе.
Да 1980-х рокаў Гран-пры Эўропы ладзіліся таксама, але гэта было не асобнае спаборніцтва, а ганаровы тытул, які надавалі якому-небудзь нацыянальнаму Гран-пры.
Мінуўшчына
[рэдагаваць | рэдагаваць крыніцу]Міжнародная асацыяцыя прызнаных аўтамабільных клюбаў(d) заснавала Гран-пры Эўропы як ганаровы тытул для аўтагоначных спаборніцтваў у Эўропе. Першым гэтае званьне ў 1923 року атрымала Гран-пры Італіі; да вайны яно надавалася амаль штороку да 1930, калі ў другі раз гэтае званьне атрымала Гран-пры Бэльгіі.
Па вайне ў 1947 року эўрапейскім Гран-пры зноўку стала Бэльгія. Цягам трыццаці гадоў (за выняткам 1953 і 1969—1971) званьне надавалася Гран-пры розных краінаў. Апошнім стала Гран-пры Вялікабрытаніі 1977 году. Усе пасьляваенныя ганаровыя тытулы тычыліся гонак Формулы-1; толькі Гран-пры Бэльгіі 1952 году прайшло ў Формуле-2.
Найбольш разоў тытул эўрапейскага Гран-пры атрымлівалі італьянскае і бэльгійскае — па сем разоў.
Як асобнае спаборніцтва чэмпіянату сьвету ў Формуле-1 Гран-пры Эўропы ўпершыню было зладжанае ў 1983 року на трасе Брэндз-Гэч у Брытаніі і пачаткова плянавалася аднаразовым, бо замяніла скасаваную гонку ў Нью-Ёрку. Аднак дзякуючы посьпеху гонкі было вырашана правесьці яе й налета. Тым ня меней, Брэндз-Гэч ня мог прыняць наступную гонку, бо па цотных гадох прымаў Гран-пры Вялікабрытаніі, таму ў 1984 року Гран-пры Эўропы прайшло на Нюрнбургрынгу. Пасьля гонкі 1986 року, якая вярнулася ў Брэндз-Гэч, надышоў працяглы перапынак.
На 1993 рок было заплянаванае правядзеньне Гран-пры Азіі замест Гран-пры Мэксыкі. Аднак гэтыя пляны сарваліся, тады была дададзеная гонка на трасе ў Донінгтане (Ангельшчына), якое атрымала назву Гран-пры Эўропы. Першае і апошняе Гран-пры на Донінгтане выйграў Айртан Сэна. У наступныя гады эўрапейскія Гран-пры адбыліся ў Хэрэсе (Гішпанія) ды Нюрнбургрынгу (Нямеччына), на якім у 1999—2007 увогуле ладзілася нязьменна.
На 2008—2012 сэзоны Гран-пры Эўропы пераехала ў гішпанскую Валенсію. Пасьля гэтага надышоў перапынак да 2016 року, калі Гран-пры Эўропе адбылося ў Азэрбайджане. Ужо з наступнага году азэрбайджанскі этап атрымаў уласную назву Гран-пры Азэрбайджану, а эўрапейскае Гран-пры скончылася.
Пераможцы
[рэдагаваць | рэдагаваць крыніцу]Часы ганаровага тытулу
[рэдагаваць | рэдагаваць крыніцу]Ружовае тло азначае, што гонка не ўваходзіць у каляндар Чэмпіянату сьвету Формулы-1.
.svg){kind=small}
.svg){kind=small}
.svg){kind=small}
.svg){kind=small}
Часы самастойнага Гран-пры
[рэдагаваць | рэдагаваць крыніцу]
Крыніцы
[рэдагаваць | рэдагаваць крыніцу]- ^ Higham, Peter The Guinness Guide to International Motor Racing. — London, England: Motorbooks International, 1995. — P. 8–88, 197–208. — ISBN 978-0-7603-0152-4
- ^ European GP. ChicaneF1.