Гронінген (правінцыя)

Гронінген
Groningen
Герб	Сьцяг
Гімн	Grönnens Laid^[d]
Агульныя зьвесткі
Краіна	Нідэрлянды
Статус	Правінцыя
Адміністрацыйны цэнтар	Гронінген
Каралеўскі камісар	Рэнэ Паас
Насельніцтва (2015)	582649
Шчыльнасьць	250 чал./км² (4-е месца)
Канфэсійны склад	Пратэстанты (13,8 %)  каталікі (4,6 %)  праваслаўныя (4,2%)  мусульмане 2,5%
Плошча	Суша 2336; вада 631 км² (8-е месца)
Месцазнаходжаньне Гронінгену
Мэдыя-зьвесткі
Код ISO 3166-2	NL-GE
Код аўтам. нумароў	A
Афіцыйны сайт
Дадатковыя мультымэдыйныя матэрыялы

Гронінген (па-нідэрляндзку: Groningen) — правінцыя на паўночным усходзе Нідэрляндаў. Сталіца й найбуйнейшае места — Гронінген. Насельніцтва на жнівень 2015 году 582 649 чалавек (9-е месца сярод правінцыяў). Больш за траціну насельніцтва правінцыі (202 332 чалавекі) жыве ў яе сталіцы. Значнымі камунамі правінцыі таксама зьяўляюцца: Мідэн-Гронінген — 61 000 чалавек, Ольдамбт — 38 033 чалавекі, Стадсканаал — 32 109 чалавекі.

Геаграфія

Плошча правінцыі — 2960,03 км² (уключаючы ваду, 7-е месца), у тым ліку сушы — 2 333,28 (8-е месца). Гронінген на поўначы мяжуе з унутраным Вадэнскім морам, на паўночным усходзе — з ракой Эмс і бухтай Долярт, на ўсходзе — зь зямлёй Ніжняя Саксонія (Нямеччына), на поўдні — з правінцыяй Дрэнтэ й на захадзе — з Фрысьляндам.

Гісторыя

Першапачаткова тэрыторыя правінцыі належала да гістарычнае вобласьці Фрызыя, якая працягнулася ўздоўж Паўночнага мора ад нідэрляндзкага возера Эйсэльмээр да Даніі, — землі, гістарычна заселеныя фрызамі. Гронінген стаў часткай імпэрыі франкаў каля 785 году. Хрысьціянізацыю рэгіёну кароль Карл Вялікі прызначыў місіянэру Людгеру, які пасьля быў далучаны да ліку Сьвятых. У XI стагодзьдзі места Гронінген было вёскай у правінцыі Дрэнтэ, што належала біскупству Утрэхт, у той час як большасьць земляў правінцыі адносілася да Мюнстэрскай япархіі. У сярэднія вякі места Гронінген атрымала шырокія правы, што дазволіла яму дамінаваць над навакольнымі тэрыторыямі (Ommelanden).

• 
  Вежа сьв. Мартына, места Гронінген
• 
  Музэй Гронінгену
• 
  Сярэднявечны сьвіран у месьце Слохтэрэн
• 
  «Вісячыя» кухні па-над каналам у месьце Апінгедам

Вонкавыя спасылкі

Гронінген (правінцыя) — сховішча мультымэдыйных матэрыялаў

• афіцыйная бачына правінцыі  (нід.) (анг.)
• бачына Ўнівэрсытэту Гронінгену  (нід.) (анг.)