Джорджыян Дэ Араскаэта

Джорджыян Дэ Араскаэта
Пэрсанальная інфармацыя
Нарадзіўся 1 чэрвеня 1994(1994-06-01)[1][2][3] (30 гадоў)
Рост 172 см
Вага 67 кг
Пазыцыя флянгавы паўабаронца
Клюбная інфармацыя
Клюб Фламэнгу
Нумар 14
Клюбы
Гады Клюб Гульні (галы)¹
2012—2015
2015—2019
2019— 		Дэфэнсор Спортынг
Крузэйру
Фламэнгу 		53 (16)
90 (22)
132 (37)
Зборныя
2014— Уругвай 53 (10)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
26 кастрычніка 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
16 кастрычніка 2024.

Джорджыян Дэ Араскаэта (па-гішпанску: Giorgian de Arrascaeta; нар. 1 чэрвеня 1994 году) — уругвайскі футбаліст, атакуючы паўабаронца бразыльскага клюбу «Фламэнгу» і нацыянальнай зборнай Уругваю. Поруч з нацыянальнай камандай браў удзел у мностве міжнародных турнірах, як то чэмпіянатах сьвету і Кубках Амэрыкі.

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Сваю кар’еру запачаткаваў у клюбе «Дэфэнсор Спортынг» ў кастрычніку 2012 году. Гульня Дэ Араскаэты, які дапамог свайму клюбу прабіцца ў паўфінал Кубка Лібэртадорэс, прыцягнула ўвагу бразыльскага «Крузэйру». У гэтым клюбе ўругваец утварыў выніковае трыё, вядомае як «Ля-Банда», з былымі зоркамі «Вэлес Сарсьфільду» Люкасам Рамэра і Арыелем Кабралем[4]. У дадатак да Т’ягу Нэвэса і Рабіньню, «Крузэйру» двойчы запар здабываў Кубак Бразыліі, а таксама перамог у чэмпіянаце штату. Перад сэзонам 2019 году да гульца выявіў цікавасьць «Фламэнгу». У выніку з 3 студзеня 2019 году Дэ Араскаэта не зьявіўся на трэнаваньнях, спрабуючы пакінуць «Крузэйру»[5]. Каб разьвязаць праблему клюбы мусілі дамовіцца, што і адбылося. Трансфэр гульца каштаваў «Фламэнгу» рэкордныя для бразыльскага футболу 15 мільёнаў эўра[6]. 25 лютага 2022 году Дэ Араскаэта падоўжыў кантракт з клюбам да 31 сьнежня 2026 году[7].

Міжнародная

[рэдагаваць | рэдагаваць крыніцу]
Дэ Араскаэта ў складзе зборнай Уругваю.

Дэ Араскаэта дэбютаваў у нацыянальнай зборнай Уругваю ў таварыскім матчы супраць зборнай Рэспублікі Карэі ў верасьні 2014 году. Ён зарабіў асыстэнцкі пункт у гульні, дапамогшы забіць адзін гол у сустрэчы Хасэ Хімэнэсу[8].

Футбаліст быў уключаны ў склад зборнай Уругваю на Кубак Амэрыкі 2015 году. Паўабаронца атрымаў кашулю з прэстыжным 10-м нумарам, якую раней насіў легенда нацыянальнай каманды Дыега Фарлян[9]. 6 чэрвеня 2015 году ён забіў свой першы гол за зборную падчас перадтурнірнага таварыскага матчу супраць зборнай Гватэмалы, які ладзіўся ў Мантэвідэо[10]. 13 чэрвеня Дэ Араскаэта дэбютаваў на турніры, выйшаўшы на замену на 64-й хвіліне матчу супраць зборнай Ямайкі ў стартавым матчы групы. Гульня скончылася зь лікам 1:0 на карысьць уругвайцаў. У 2018 годзе гулец быў у складзе зборнай на чэмпіянаце сьвету ў Расеі[11]. Таксама, гулец згуляў на Кубку Амэрыкі 2021 году[12].

2 сьнежня 2022 году гулец забіў абодва галы ў пераможным матчы супраць зборнай Ганы ў апошнім матчы групавога этапу чэмпіянату сьвету 2022 году ў Катары. Аднак, гэтага было недастаткова, каб камандзе кваліфікавацца ў накаўт-стадыю[13]. 6 ліпеня 2024 году Дэ Араскаэта ўлучыў гол з пасьля матчавых пэнальці ў чвэрцьфінале супраць зборнай Бразыліі, што дапамагло Ўругваю прасунуцца ў паўфінал.

Дасягненьні

[рэдагаваць | рэдагаваць крыніцу]

«Дэфэнсор Спортынг»:

«Крузэйру»:

«Фламэнгу»:

Крыніцы

[рэдагаваць | рэдагаваць крыніцу]
  1. ^ а б в Giorgian De Arrascaeta // Transfermarkt (мн.) — 2000.
  2. ^ а б в Giorgian De Arrascaeta // FBref (мн.)
  3. ^ а б в Giorgian de Arrascaeta // As (гішп.) — Madrid: PRISA, 1967. — ISSN 1888-6671
  4. ^ «Eto’o, Odegaard moves catch the eye». FIFA.
  5. ^ «Arrascaeta, Cruzeiro, e Flamengo: veja todos os detalhes da novela». ESPN
  6. ^ «Fla fecha com Arrascaeta em maior compra da história do futebol brasileiro». Esporte UOL.
  7. ^ «Flamengo renova com Matheus França até abril de 2027». Globo.
  8. ^ «Stakes are high in South American friendlies as players look to impress». ESPN.
  9. ^ «Uruguay confirm Copa América squad numbers as Rolán lands Suárez’s No.9». Copa America 2015.
  10. ^ «Argentina, Uruguay impress in Copa America warmups»(недаступная спасылка). SBS.
  11. ^ «Revealed: Every World Cup 2018 squad – Final 23-man lists». Goal.com.
  12. ^ «Números de camisetas del plantel para la Copa América». Asociación Uruguaya de Fútbol.
  13. ^ «Ghana 0-2 Uruguay: Giorgian de Arrascaeta scores twice but both nations are knocked out of World Cup in Qatar». Eurosport.

Вонкавыя спасылкі

[рэдагаваць | рэдагаваць крыніцу]