| Дзяніс Шпакоўскі | ||
| Пэрсанальная інфармацыя | ||
|---|---|---|
| Нарадзіўся | 26 траўня 2001[1] (23 гады) | |
| Рост | 185 см | |
| Вага | 78 кг[2] | |
| Пазыцыя | брамнік | |
| Клюбная інфармацыя | ||
| Клюб | Дынама Менск | |
| Клюбы | ||
| Гады | Клюб | Гульні (галы)¹ |
| 2019— | Дынама Менск | 11 (0) |
| 2024 | → Менск | 5 (0) |
| 2024 | → Слуцак | 2 (0) |
|
¹ Колькасьць гульняў і галоў за прафэсійны клюб лічыцца толькі | ||
Дзяніс Вадзімавіч Шпакоўскі (нар. 26 мая 2001, Менск) — беларускі футбаліст, брамнік «Слуцку» (у арэндзе зь менскага «Дынама»).
Выхаванец менскага «Дынама». Першы трэнэр — Руслан Сьцяпанавіч Азаронак[3]. З 2018 году пачаў выступаць за клюбны дубль. У другой палове 2019 году пачаў прыцягвацца да асноўнай каманды. Дэбютаваў у Найвышэйшай лізе 1 сьнежня 2019 году ў матчы апошняга туру супраць берасьцейскага «Дынама» (1:3), правёўшы на полі ўсе 90 хвілінаў. У 2020—2021 гадах гуляў за дубль, з 2022 году пачаў часам выходзіць на поле ў асноўнай камандзе. Пад час гульні зь «Іслаччу» 29 кастрычніка 2022 году атрымаў траўму рукі[4], пасьля якой прапусьціў два месяцы (5 гульняў)[5]. У сэзоне 2023 году правёў 7 гульняў у Найвышэйшай лізе Беларусі за сталічнае «Дынама» [3], прапусьціў 6 галоў, напрацягу 3 матчаў не прапускаў галоў. У студзені 2024 году на правах арэнды далучыўся да «Менску»[6]. Упершыню выступіў за «Менск» 3 сакавіка 2024 году ў гульні Кубка Беларусі супраць гарадзенскага «Нёману». У ліпені 2024 году на правах арэнды далучыўся да «Слуцку»[7].
4 кастрычніка 2017 году выступіў за юнацкую зборную Беларусі (да 16 гадоў) у таварыскім матчы супраць зборнай Эстоніі (да 17 гадоў)[8][9]. У кастрычніку 2018 і кастрычніку 2019 гадоў быў у складзе зборнай Беларусі (да 19 гадоў) на кваліфікацыйных раўндах чэмпіянату Эўропы, аднак на полі не зьяўляўся.