Дыцукрыды
Дыцукрыды[1] (па-старагрэцку: δύο — «два» и σάκχαρον — «цукар») — арганічныя рэчывы, адна з асноўных групаў вугляводаў.
Будова малекул ды фізычныя ўласьцівасьці
[рэдагаваць | рэдагаваць крыніцу]Малекулы дыцукрыдаў складаюцца зь дзьвюх рэштак монацукрыдаў, якія злучаны адзін з адным пры дапамозе ўзаемадзеяньня гідраксыльных групаў — гліказыднай сувязі. Ня маюць агульную формулу, але найчасьцей сустракаецца формула C12H22O11.
Дыцукрыды ёсьць цьвёрдымі, крышталічнымі рэчывамі, ад ледзь белага да рудага колеру, якія вельмі добра рашчыняюцца ў вадзе ды ў 45—48°-градусным сьпірце, але кепска рашчыняюцца ў 96-градусным сьпірце, салодкія на смак.
Прыклады дыцукрыдаў
[рэдагаваць | рэдагаваць крыніцу]- Ляктоза — складаецца з рэштак глюкозы й галяктозы.
- Цукроза — складаецца з рэштак глюкозы й фруктозы.
- Мальтоза — складаецца зь дзьвюх рэштак глюкозы.
Крыніцы
[рэдагаваць | рэдагаваць крыніцу] |