Зальман Шазар

Зальман Шазар лац. Zalman Šazar
זלמן שז"ר
3-ці Прэзыдэнт Ізраілю
21 траўня 1963 — 23 траўня 1973
Папярэднік	Іцхак Бэн-Цьві
Наступнік	Эфраім Кацыр
Асабістыя зьвесткі
Нарадзіўся	22 сьнежня 1889(1889-12-22)[1] Мір, Менская губэрня, Расейская імпэрыя
Памёр	5 кастрычніка 1974(1974-10-05)[2][3][4] (84 гады) Ерусалім, Ізраіль
Партыя	Паалей Цыён Мапаі
Адукацыя	Страсбурскі ўнівэрсытэт^[d]
Сужэнец	Рахель Кацнельсон^[d]
Узнагароды	прэмія Бяліка^[d] (1966) ганаровы доктар Бар-Іланавага ўнівэрсытэту^[d] ганаровы доктар Габрэйскага ўнівэрсытэту ў Ерусаліме^[d] ганаровы грамадзянін Ерусаліму^[d]

За́льман Шаза́р (па-габрэйску: זלמן שז"ר‎‎, пры нараджэньні Шнэер За́льман Рубашо́ў, або Зальман Львовіч Рубашоў; 24 лістапада 1889, Мір, цяпер Гарадзенская вобласьць — 5 кастрычніка 1974, Ерусалім, Ізраіль) — ізраільскі грамадзкі дзеяч, пісьменьнік, паэт, палітык, трэці прэзыдэнт Ізраілю. Публіцыстыку, мастацкую прозу і паэзію пісаў на іўрыце і ідышы.

Біяграфія

Нарадзіўся ў мястэчку Мір (цяпер у Карэліцкім раёне Гарадзенскай вобласьці). Вучыўся ў вядомых унівэрсытэтах Нямеччыны й Францыі. У 1911 годзе ўпершыню пабываў у Палестыне. Пасьля гэтага стаў актыўным прапагандыстам стварэньня незалежнае габрэйскае дзяржавы. Шазар быў абраны ў кіраўнічыя органы сіянісцкага руху, а пасьля пераезду ў Палестыну ў 1924 — у кіраўніцтва Гістадруту (Усеагульнай Фэдэрацыі працоўных Ізраілю).

Зальман Шазар быў міністрам адукацыі і культуры, сябрам праўленьня Габрэйскага агенцтва (Сахнута), начальнікам аддзелу адукацыі і культуры Сусьветнай Сіянісцкай арганізацыі. 21 траўня 1963 году Зальман Шазар стаўся трэцім прэзыдэнтам дзяржавы Ізраіль.

Крыніцы

1. ^ חה"כ שניאור זלמן שזר (רובשוב) — Кнэсэт.
2. ^ Zalman Shazar // Encyclopædia Britannica (анг.)
3. ^ Salman Schasar // Энцыкляпэдыя Бракгаўза (ням.)
4. ^ Salman Schasar // Munzinger Personen (ням.)

Вонкавыя спасылкі

• Прэзыдэнты нараджаюцца на Берасьцейшчыне й Гарадзеншчыне (рас.). Ізраільскі партал «Саюз» (1999). Праверана 23 жніўня 2009 г.