Зінаіда Купрыяновіч

Зінаіда Купрыяновіч
Дата нараджэньня 17 верасьня 2002 (22 гады)
Месца нараджэньня Сьцяг Беларусі Менск
Прафэсія
  • сьпявачка
  • акторка
  • тэлевядоўца
Гады дзейнасьці з 2013
Псэўданімы ZENA
Жанры
Інструмэнты фартэпіяна
Псэўданімы
  • Zena
  • ZINA
Сайт

[https://instagram.com/zinabless?igshid=y9ehzw8whon3

https://youtube.com/c/zinkaby instagram.com/zinabless?…]
Вікіпэдыя мае артыкулы пра іншых асобаў з прозьвішчам Купрыяновіч (неадназначнасьць).

Зінаі́да Алякса́ндраўна Купрыяно́віч (нар. 17 верасьня 2002), выступае пад псэўданімам Zena альбо Зэна — беларуская сьпявачка, акторка, тэлевядоўца. Прадстаўніца Беларусі на конкурсе Эўравізіі-2019, дзе зь песьняй „Like It“ заняла ў фінале 24-е месца.

Жыцьцяпіс

[рэдагаваць | рэдагаваць крыніцу]

Бацька — Аляксандар Купрыяновіч, дырэктар прадусэрскага цэнтру «Супэр Пупэр», маці — Нэльлі Купрыяновіч, сямейны псыхоляг.

У 2008 року ў 6-гадовым веку Зінаіда стала ўдзельніцай ансамблю «Заранак» Нацыянальнага цэнтра музычнага мастацтва імя У. Р. Мулявіна пры Беларускім дзяржаўным ансамблі „Песьняры“ (мастацкі кіраўнік Сьвятлана Стацэнка). У 2010 пакінула ансамбль і паступіла ў дзіцячую музычную школу № 8 імя Р. Шырмы г. Менску на хоравае аддзяленьне. У 2011—2012 роках брала ўдзел у шматлікіх канцэртах і конкурсах.

У 2013 року стала артысткай прадусэрскага цэнтру «Супэр Пупэр». Прайшла ў фінал дзіцячага конкурсу «Новая хваля-2013».

У 2014 року стала ляўрэаткай I прэміі[1] на дзіцячым конкурсе «Славянскі базар». Пераможца беларускага радыёконкурсу «Маладыя таленты Беларусi»[2].

Двойчы ўдзельнічала ў нацыянальным адборы на дзіцячы конкурс песьні Эўрабачаньне; у 2015 року зь песьняй „Мір“ заняла 4-е месца, а ў 2016 року стала трэцяй зь песьняй „Космас“[3][4].

У 2017 року заняла трэцяе месца ў 10-м сэзоне расейскай „Фабрыкі зорак“. Пасьля гэтага пачала тэлевізійную кар’еру і ў 2018 року была адной зь вядоўцаў дзіцячай Эўравізіі ў Менску разам зь Яўгенам Перлінам ды Хеленай Мерааі.

Агучыла па-маскальску пэрсанажа Маану ў мультфільмах „Маана“ і „Ральф руйнуе інтэрнэт“[5].

У 2019 року выступіла ад Беларусі на конкурсе Эўравізія-2019 зь песьняй „Like It“, заняўшы ў фінале 24-е месца[6][7][8].

Дыскаграфія

[рэдагаваць | рэдагаваць крыніцу]
Назва Рок Альбом
„Мір“ 2015 самотнікі
„Космас“ 2016
„Like It“ 2019

Фільмаграфія

[рэдагаваць | рэдагаваць крыніцу]
Рок Назва Роля Заўвагі
2016 Маана Маана маскальская вэрсія
2018 Ральф руйнуе інтэрнэт
2021 Сонечныя зайчыкі Эмілія анімацыйны фільм

Крыніцы

[рэдагаваць | рэдагаваць крыніцу]
  1. ^ 2014 (рас.) XXVII Международный фестиваль искусств «Славянский базар в Витебске» Праверана 15 сакавіка 2021 г.
  2. ^ Названы имена победителей и лауреатов радиоконкурса «Маладыя таленты Беларусі» (рас.) Культура. БелТА (9 сьнежня 2014). Праверана 15 сакавіка 2021 г.
  3. ^ Granger, Anthony (21 жніўня 2015) Belarus: Ruslan Aslanov Is Off To Bulgaria (анг.). Eurovoix. Праверана 15 сакавіка 2021 г.
  4. ^ Jordan, Paul Alexander Minenok to sing for Belarus in Malta! (анг.). European Broadcasting Union. Праверана 15 сакавіка 2021 г.
  5. ^ Моана > Russian Soundtrack (анг.). Cast Albums. Праверана 15 сакавіка 2021 г.
  6. ^ Granger, Anthony Belarus: ZENA To The Eurovision Song Contest 2019 (анг.). Eurovoix. Праверана 15 сакавіка 2021 г.
  7. ^ Halpin, Chris (7 сакавіка 2019) From Junior to Adult: Zena wins Belarus’ national final with “Like It” (анг.). Wiwibloggs. Праверана 15 сакавіка 2021 г.
  8. ^ Oliver, Eliza-Jane Belarus: ZENA will fly to Tel Aviv! (анг.). ESCToday. Праверана 15 сакавіка 2021 г.

Вонкавыя спасылкі

[рэдагаваць | рэдагаваць крыніцу]
Папярэднік
Alekseev
з „Forever“ 		Беларусь на конкурсе песьні Эўрабачаньне
2019 		Наступнік
VAL
з „Да відна“