Каспэр Дольбэрг

Каспэр Дольбэрг
Пэрсанальная інфармацыя
Нарадзіўся 6 кастрычніка 1997(1997-10-06)[1][2] (27 гадоў)
Рост 186 см
Вага 82 кг
Пазыцыя нападнік
Клюбная інфармацыя
Клюб Андэрлехт
Нумар 12
Клюбы
Гады Клюб Гульні (галы)¹
2015—2016
2016—2019
2019—2023
2022
2023
2023— 		Сылькебарг
Аякс
Ніцца
→ Сэвільля (арэнда)
→ Гофэнгайм (арэнда)
Андэрлехт 		3 (0)
78 (33)
74 (23)
4 (0)
13 (1)
61 (29)
Зборныя
2016— Данія 54 (11)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
16 лютага 2025.
² Колькасьць гульняў і галоў за нацыянальную зборную
ў афіцыйных матчах, адкарэктавана на
18 лістапада 2024.

Ка́спэр До́льбэрг (па-дацку: Kasper Dolberg‎; нар. 6 кастрычніка 1997 году) — дацкі футбаліст, нападнік бэльгійскага клюбу «Андэрлехт» і нацыянальнай зборнай Даніі.

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Пачынаў кар’еру ў клюбу «Сылькебарг», дзе задэбютаваў 17 траўня 2015 году ў матчы супраць «Брэнбю».

На трэнаваньні «Аякса».

5 студзеня 2015 году «Аякс» абвесьціў, што ўлетку 17-гадовы Дольбэрг пяройдзе ў клюб, падпісаўшы трохгадовы кантракт зь лета 2015 году па лета 2018 году[3]. Гулец быў заўважаны дацкім скаўтам Ёнам Стээнам Ольсэнам, тым самым скаўтам, які некалі выявіў таленты такіх гульцоў, як то Златан Ібрагімавіч, Віктар Фішэр і Крыстыян Эрыксэн[4]. 13 траўня 2016 году Дольбэрг пагадзіўся падоўжыць кантракт да 2021 году[5]. 7 жніўня 2016 году дацкі футбаліст дэбютаваў у Эрэдывізіі ў матчы супраць «Спарты». Праз тыдзень ён зьявіўся ў першай адзінаццатцы ў матчы супраць «Роды», у якіх адзначыўся двума галамі. У кастрычніку ён правёў свой першы гол у матчы супраць «Фэеноорду», а празь месяц зрабіў хет-трык у матчы супраць НЭК[6].

У жніўні 2019 году Дольбэрг далучыўся да францускай «Ніццы» зь Лігі 1 за 20,5 мільёны эўра[7]. У свой першы сэзон на новым месцы нападнік улучыў 11 галоў у брамы супернікаў, дзякуючы чаму быў названы заўзятарамі найлепшым футбалістам клюбу. Далей футбаліст ня даваў рады, таму два гады запар правёў у арэндзе ў «Сэвільлі» і «Гофэнгайму». У ліпені 2023 году прыяднаўся да бэльгійскага «Андэрлехту», дзе зноў займеў неблагія галявыя паказьнікі.

Міжнародная

[рэдагаваць | рэдагаваць крыніцу]

У лістападзе 2016 года Дольбэрг атрымаў свой першы выклік у зборную Даніі на матчы супраць зборных Казахстану і Чэхіі[8]. 11 лістапада 2016 году гулец дэбютаваў у нацыянальнай зборнай, зьявіўшыся на замену ў другім тайме ў пераможным матчы зборнай Даніі супраць зборнай Казахстану, які скончыўся зь лікам 4:1[9] [25].

Дасягеньні

[рэдагаваць | рэдагаваць крыніцу]

«Аякс»:

Крыніцы

[рэдагаваць | рэдагаваць крыніцу]
  1. ^ а б в Kasper Dolberg // Transfermarkt (мн.) — 2000.
  2. ^ а б в Kasper Dolberg // FBref (мн.)
  3. ^ «Ajax legt 'buitengewoon talent’ Dolberg vast». Voetbal International.
  4. ^ «Kijktip: Portret Deense meesterscout». AFC Ajax.
  5. ^ «Ajax breekt contract met talent Holberg open». Voetbal International.
  6. ^ «Razendsnelle hattrick Dolberg». De Telegraaf
  7. ^ «Officieel: Kasper Dolberg naar OGC Nice». AFC Ajax.
  8. ^ «Hareide tager teenagekomet med på landsholdet». Berlingske.
  9. ^ «Eriksen sprudleri dansk 4–1 sejr». DBU.

Вонкавыя спасылкі

[рэдагаваць | рэдагаваць крыніцу]