Кевін Фіяла

Кевін Фіяла
Рост 178 см[1]
Вага 85 кг
Пазыцыя нападнік
Кідок/Ловы левы[d]
Грамадзянства
Дата нараджэньня 22 ліпеня 1996(1996-07-22)[2] (28 гадоў)
Месца нараджэньня
Клюб Лос-Анджэлес Кінгс
Выступаў за
Драфт НХЛ 11, 2014
Нэшвіл Прэдатарз
Гульнявая кар’ера 2013 — цяпер

Ке́він Фія́ла (па-нямецку: Kevin Fiala; нар. 22 ліпеня 1996 году) — швайцарскі хакеіст, левы скрайні нападнік клюбу «Лос-Анджэлес Кінгс» і нацыянальнай зборнай Швайцарыі. Бацькі хакеіста паходзяць з Чэхіі[3], а ягоны бацька сам быў прафэсійным хакеістам, які, аднак, гуляў толькі ў найніжэйшых лігах Швайцарыі.

Кар’ера

[рэдагаваць | рэдагаваць крыніцу]

Займаўся хакеем у Швайцарыі, але яшчэ юнаком пераехаў у Швэцыю. У скандынаўскай краіне браў удзел у юніёрскіх лігах, абараняючы колеры «Мальмё Рэдгокс». У розыгрышы Эўрапейскага трафэю 2013 году дэбютаваў у складзе клюбу ГВ71. З гэтым жа клюбам дэбютаваў у Швэдзкай хакейнай лізе, але частку гульнявога часу выступаў за моладзевую дружыну клюбу. У 2014 годзе на драфце НХЛ быў абраны клюбам «Нэшвіл Прэдатарз» у першым раўндзе пад агульным 11 нумарам[4]. Фіяла пагадзіўся на трохгадовы кантракт, але новы сэзон хакеіст усё ж пачаў у складзе швэдзкага клюбу. Тым ня менш, ужо ў студзені 2015 году швайцарац далучыўся да фарм-клюбу «Мілўокі Эдміралз» з Амэрыканскае хакейнае лігі. Пазьней быў выкліканы ў асноўны клюб, у якім дэбютаваў 24 сакавіка ў матчы супраць «Манрэаль Канадыенз»[5]. У тым жа сэзоне аднойчы зьявіўся ў матчы Кубка Стэнлі[6].

Першую закінутую шайбу гульцу давялося чакаць да 14 студзеня 2016 году, калі нападнік пацэліў у браму «Вініпэг Джэтс»[7]. Аднак, большую частку сэзону спартовец правёў зь «адміраламі», зь якімі зарабіў 50 пунктаў за 66 матчаў[8]. Сэзон 2016—2017 гадоў гулец ужо больш праводзіў час у матчах «драпежнікаў». У матчы плэй-оф супраць «Сэнт-Луіс Блюз» швайцарац сутыкнуўся каленам з бортам празь сілавы кідок абаронца Робэрта Бэртуцца. Хакеіст здолеў сысьці з пляцоўкі толькі на насілках, пасьля чаго быў выпраўлены шпіталь. Як выявілася нападнік атрымаў пералом сьцягніцы, што пазбавіла спартоўца шанцаў на далейшы ўдзел у Кубку Стэнлі на той год[9]. У лютым 2019 году быў абменены ў «Мінэсоту Ўайлд» на Мікаэла Гранлунда[10]. У верасьні таго ж году працягнуў супраць з клюбам, падоўжыўшы кантракт на два гады. 16 жніўня 2021 году Фіяла склаў з клюбам новы аднагадовы кантракт на суму 5,1 млн даляраў[11]. У час між сэзонамі ўлетку 2022 году гулец быў абменены ў «Лос-Анджэлес Кінгс» на абаронцу Брока Фэйбэра і права на першы раўнд драфту 2022 году[12]. Пасьля абмену нападнік склаў з новым клюбам 7-гадовы кантракт на 55,125 млн даляраў[13].

Крыніцы

[рэдагаваць | рэдагаваць крыніцу]
  1. ^ а б в г https://www.iihf.com/en/events/2024/wm/teams/roster/45160/switzerland — Міжнародная фэдэрацыя хакею на лёдзе.
  2. ^ а б https://www.iihf.com/en/events/2018/wm/teams/roster/1604/ — Міжнародная фэдэрацыя хакею на лёдзе.
  3. ^ Manasso, John. «Predators’ Fiala part of upward trend in Swiss talent». NHL.
  4. ^ Bontorin, Matthew (28.06.2014). «2014 NHL Draft Prospects Profiles: Kevin Fiala». NHL.
  5. ^ Vingan, Adam (24.03.2015). «Predators’ Kevin Fiala impressive in NHL debut». The Tennessean.
  6. ^ Willis, Thomas (14.04.2017). «Kevin Fiala to Make „Second“ Playoff Debut». NHL.
  7. ^ «Nashville Predators at Winnipeg Jets». Nashville Predators.
  8. ^ Glennon, John (13.12.2016). «Fiala Knows Development is Part of the Process». NHL.
  9. ^ «Predators’ Kevin Fiala out for rest of playoffs with fractured femur». SI.
  10. ^ «Predators acquire Granlund from Wild for Fiala». The Sports Network.
  11. ^ «Fiala signs one-year, $5.1 million contract with Wild, avoids hearing». NHL.
  12. ^ «Kings acquire Kevin Fiala from Wild for first-round pick and Brock Faber». Sportsnet.
  13. ^ «Kings acquire Fiala, sign him to seven-year deal». The Sports Network.

Вонкавыя спасылкі

[рэдагаваць | рэдагаваць крыніцу]