Коўл Палмэр

Коўл Палмэр
Пэрсанальная інфармацыя
Нарадзіўся	6 траўня 2002(2002-05-06)[1] (22 гады) Ўітэншоў^[d], Манчэстэр^[d], Вялікі Манчэстэр, Паўночна-Заходняя Ангельшчына^[d], Ангельшчына, Вялікабрытанія[1]
Рост	185 см
Пазыцыя	атакуючы паўабаронца, вінгер
Клюбная інфармацыя
Клюб	Чэлсі
Нумар	20
Клюбы
Гады	Клюб	Гульні (галы)¹
2021—2023 2023—	Манчэстэр Сіці Чэлсі	19 (0) 37 (23)
Зборныя
2023—	Ангельшчына	9 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 14 верасьня 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 14 ліпеня 2024.

Коўл Па́лмэр (па-ангельску: Cole Palmer; нар. 6 траўня 2002 году) — ангельскі футбаліст, атакуючы паўабаронца і ўінгер «Чэлсі» і нацыянальнай зборнай Ангельшчыны. Зважаецца адным з найлепшых маладых гульцоў у сьвеце, бо вядомы сваім спрытам, дрыблінгам і добрым пазыцыянаваньнем^[2][3][4].

Кар’ера

Клюбная

Прыяднаўся да акадэміі «Манчэстэр Сіці» яшчэ хлопчыкам, калі яму было восем гадоў. Прайшоў праз усе ўзросты акадэміі ды быў капітанам у камандзе да 18 гадоў^[5].

30 верасьня 2020 году Палмэр дэбютаваў у асноўнай камандзе «Сіці» ў матчы чацьвертага раунду Кубка футбольнай лігі^[6], які скончыўся перамогай у гасьцях над «Бэрнлі» зь лікам 3:0. Першым голам адзначыўся 21 верасьня 2021 году ў хатняй перамозе зь лікам 6:1 над камандай Першай лігі «Ўікам Ўандэрэрз» у тым жа турніры^[7]. 16 кастрычніка Палмэр зьявіўся ў матчы Прэм’ер-лігі супраць «Бэрнлі», і ў той жа дзень згуляў за каманду да 23 гадоў, дзе ўчыніў хет-трык^[8]. 19 кастрычніка Палмэр забіў свой першы гол у Лізе чэмпіёнаў ў выязным матчы супраць «Бруге». Матч скончыўся перамогай з буйным лікам 5:1^[9]. 6 жніўня 2023 году поруч з Эрлінгам Голянам адзначыўся голам у матчы Супэркубка Ангельшчыны, але гэта не дапамагло здабыць тытул.

1 верасьня 2023 году Палмэр склаў сямігадовую працоўную ўгоду з «Чэлсі»^[10][11]. Паведамлялася, што пачатковая сума трансфэру склала 40 мільёнаў фунтаў стэрлінгаў, але патэнцыйна яна магла павялічыцца на 2,5 мільёны фунтаў стэрлінгаў^[11]. Гулец запачаткаваў выступы ў кашулі новай дружыны на наступны дзень, выйшаўшы на замену на 62-й хвіліне ў хатняй гульні з «Нотынггэм Форэст». 7 кастрычніка забіў гол з пэнальці ў матчы супраць «Бэрнлі», а таксама адзначыўся галявой перадачай. Паўабаронца хутка замацаваўся ў складзе, але сам клюб адгуляў сэзон ня вельмі ўдала. Гулец стала забіваў за клюб, асабліва пасьляховым быў адрэзак напрыканцы сэзону. 30 сакавіка гулец адзначыўся дублем у матчы з «Бэрнлі», а ў наступным туры ўчыніў хет-трык у браму «Манчэстэр Юнайтэд». 15 красавіка Палмэр забіў чатыры галы ў браму «Эвэртану», а сам матч скончыўся зь лікам 6:0^[12][13].

Міжнародная

13 лістапада 2023 году Палмэр атрымаў свой першы выклік у нацыянальную зборную Ангельшчыны перад адборачнымі матчамі чэмпіянату Эўропы 2024 году супраць зборных Мальты і Паўночнай Македоніі^[14][15]. Гулец дэбютаваў 17 лістапада, выйшаўшы на замену на 61-й хвіліне ў матчы супраць зборнай Мальты на стадыёне «Ўэмблі»^[16].

Дасягненьні

«Манчэстэр Сіці»:

• Чэмпіён Ангельшчыны: 2023
• Уладальнік Кубка Ангельшчыны: 2023
• Пераможца Лігі чэмпіёнаў: 2023
• Уладальнік Супэркубка Эўропы: 2023

Крыніцы

1. ^ Cole Palmer // Transfermarkt (мн.) — 2000.
2. «Impossible not to call Palmer top player — Pochettino». BBC Sport.
3. «'Best player in the league' — Chelsea fans go crazy after Cole Palmer nets perfect 16-minute hat-trick against Everton». Goal.
4. «Gary Lineker offers two-word Cole Palmer verdict after stunning Chelsea display». The Mirror.
5. «Cole Palmer — Everything you need to know». Manchester City F.C.
6. «Palmer handed debut as City make four changes». Manchester City F.C.
7. «Manchester City 6–1 Wycombe: Holders come from behind to reach last 16». BBC Sport.
8. «Manchester City’s Cole Palmer hit a hat-trick for U23 side hours after appearing for first team». Eurosport.
9. «Club Bruges 1–5 Manchester City: Cole Palmer scores as Pep Guardiola’s side claim dominant win». BBC Sport.
10. «Cole Palmer signs for Chelsea». Chelsea F.C.
11. ^ «Chelsea sign Cole Palmer from Manchester City in £42.5m deal». BBC Sport.
12. «Cole Palmer scores four as Chelsea stun abject Everton». The Telegraph.
13. «Can you name every player to score four or more goals in a single PL match?». Planet Football.
14. «England men’s squad updates: Lewis, Palmer and Konsa called up». The Football Association.
15. «Cole Palmer, Ezri Konsa and Rico Lewis are called up to England squad for Euro 2024 qualifiers». BBC Sport.
16. «England 2–0 Malta». BBC Sport.

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball