Лука Дончыч

Лука Дончыч
Пазыцыя: разыгрываючы абаронца, атакавальны абаронца, лёгкі форвард
Рост: 201 см
Вага: 104 кг
Грамадзянства:
Нарадзіўся: 28 лютага 1999(1999-02-28) (25 гадоў)
Драфт

3, драфт НБА 2018 году
Атланта Гокс

Клюбная інфармацыя
Клюб Лос-Анджэлес Лэйкерз
Клюбы
Гады Клюб
2012—2015 Real Madrid Baloncesto B[d]
2015—2018 Рэал Мадрыд
2018—2025 Далас Мавэрыкс
2025—4 Лос-Анджэлес Лэйкерз
Асабістыя ўзнагароды і дасягненьні
Статыстыка на NBA.com

Лу́ка До́нчыч (па-славенску: Luka Dončić; нар. 28 лютага 1999 году, Любляна, Славенія) — славенскі баскетбаліст клюбу НБА «Лос-Анджэлес Лэйкерз» і нацыянальнай зборнай Славеніі.

Сям’я і раньняе жыцьцё

[рэдагаваць | рэдагаваць крыніцу]

Дончыч нарадзіўся ў Любляне ў сям’і ўладальніцы салёнаў прыгажосьці[1] і баскетбольнага трэнэра і былога гульца[2][3]. Ягоная маці паводле паходжаньня ёсьць славенкай, а бацька — славенец сэрбскага паходжаньня з Косава[4][5]. Ягоныя бацькі разышліся ў 2008 годзе, таму апеку над будучай зоркай баскетболу перадалі ягонай маці[3][6].

Паводле словах ягонай сям’і, Дончыч упершыню дакрануўся да баскетбольнага мяча, калі яму было толькі сем месяцаў, і да году ён часта гуляўся зь мініятурным колцам у сваім пакоі[2][7]. У дзяцінстве Дончыч займаўся рознымі відамі спорту, у тым ліку футболам, які пазьней кінуў, бо быў занадта высокім[8]. У веку сямі гадоў Дончыч пачаў арганізавана гуляць у баскетбол у пачатковай школе ў Любляне[7][9].

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

У юнацтве Дончыч быў гульцом люблянскага клюбу «Алімпія», перш чым далучыцца да моладзевай акадэміі «Рэалу». У 2015 годзе дэбютаваў у асноўнай камандзе акадэміі ў веку 16 гадоў, стаўшы наймаладзейшым гульцом у гісторыі клюбу. Дончыч дапамог клюбу здабыць тытул пераможцаў Эўралігі 2018 году, таксама асабіста стаўны самым каштоўных гульцом турніру і фіналу чатырох. Таксама ён быў абраны і самым каштоўным гульцом гішпанскана чэмпіянату.

У 2018 годзе Дончыч заявіў аб сваім удзеле ў драфце НБА, дзе ягоны абраў клюб «Атланта Гокс» пад трэцім нумарам, а затым абмянялі ў «Далас Мавэрыкс». Дончыч быў аднагалосна абраны ў першую каманду пачаткоўцаў НБА і стаў навічком году ў сэзоне 2018—2019 гадоў. У сэзоне 2023—2024 гадоў ачоліў НБА паводле колькасьці пунктаў, стаўшы першым эўрапейцам, які здолеў стаць наймацнейшым у НБА паводле колькасьці пунктаў. У тым сэзоне ён прывёў «Мавэрыкс» да іхнага трэцяга трапленьня ў фінал НБА. Дончыч таксама ёсьць лідэрам франшызы «Мавэрыкс» паводле колькасьці трыпл-даблаў[10]. У сярэдзіне сэзону 2024—2025 гадоў раптоўна быў абменены ў «Лос-Анджэлес Лэйкерз»[11].

Міжнародная

[рэдагаваць | рэдагаваць крыніцу]

Ён дэбютаваў у складзе зборнай Славеніі ў 2016 годзе ў веку ўсяго 17 гадоў. Пазьней дапамог сваёй краіне здабыць першы тытул чэмпіёнаў Эўропы ў 2017 годзе, а таксама быў улучаны ў каманду ўсіх зорак турніру.

Крыніцы

[рэдагаваць | рэдагаваць крыніцу]
  1. ^ Stein, Marc (27.02.2019). «Luka Doncic Is a Sore Loser. He Is Also a Sensation». The New York Times.
  2. ^ а б Laird, Sam (15.05.2018). «Luka Doncic is the Best International Prospect Ever». Slam.
  3. ^ а б «Nuša Šenk zmešala košarkarja Saša Dončiča». ENAA.
  4. ^ «Dončić: Luka Zvezdaš? Nasledio je to od mene». B92.
  5. ^ «Kako je Luka Dončić spojio kosovsko selo Biča i NBA ligu». Kosovo online.
  6. ^ Završnik, Jurij (25.12.2015). «Španski potni list?». Ekipa.
  7. ^ а б Schmitz, Mike (18.09.2017). «There’s never been an NBA draft prospect like Luka Doncic». ESPN.
  8. ^ Aravantinos, Dionysis (25.01.2018). «Luka Doncic through his mother’s eyes!». EuroHoops.
  9. ^ West, Andy (11.10.2017). «Conversation with Luka Doncic: 'I was born to play basketball'». EuroLeague.
  10. ^ «Luka Doncic sets new Mavs record with 22 triple-doubles». ClutchPoints.
  11. ^ «Anthony Davis-for-Luka Dončić deal headlines 15 stunning trades in NBA history». NBA.

Вонкавыя спасылкі

[рэдагаваць | рэдагаваць крыніцу]