Міхаіл Бабічаў

Міхаіл Бабічаў
Пэрсанальная інфармацыя
Нарадзіўся 2 лютага 1995(1995-02-02)[1] (29 гадоў)
Рост 187 см
Вага 76 кг[3]
Пазыцыя паўабаронца
Клюбы
Гады Клюб Гульні (галы)¹
2013—2014 Рубін Казань 0 (0)
2014—2015 Крас[d]
2015 Ворша 8 (0)
2016—2017 Віцебск 55 (3)
2018 Тарпэда-БелАЗ 14 (0)
2019 Нёман Горадня 14 (1)
2020 РФШ 15 (0)
2021—2023 Нымэ Калью 70 (1)

Міхаі́л Ба́бічаў (нар. 2 лютага 1995 году) — беларускі футбаліст, паўабаронца эстонскага клюбу «Нымэ Калью».

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Выхаванец пастаўскай акадэміі ПМЦ, заснавальнікам якой быў ягоны бацька Анатоль Бабічаў. У 2012 годзе перайшоў у склад казанскага «Рубіна», дзе выступаў за дубль. У жніўні 2014 году, пакінуўшы «Рубін», узмоцніў склад клюбу італьянскай Сэрыі D «Крас»[4], аднак праз праблемы з дакумэнтамі клюб здолеў заявіць гульца на чэмпіянат толькі ў канцы 2014 году[5].

Улетку 2015 году вярнуўся ў Беларусь. Транаваўся разам зь «Віцебскам», які ачоліў былы трэнэр Міхаіла ў акадэміі ПМЦ Сяргей Ясінскі, аднак клюб не пасьпеў заявіць яго на чэмпіянат[6]. У выніку ў кастрычніку ўзмоцніў склад першалігавай «Воршы»[7]. Па заканчэньні сэзону, у сьнежні 2015 году падпісаў кантракт зь «Віцебскам»[8]. 2 красавіка 2016 году дэбютаваў у Найвышэйшай лізе, адгуляўшы ўсе 90 хвілінаў матча супраць «Менску» (0:1) на пазыцыі апорнага паўабаронцы. Пазьней здолеў замацавацца ў апорнай зоне ў стартавым складзе віцебчукоў.

У сьнежні 2017 году перайшоў у «Тарпэда-БелАЗ»[9]. У пачатку сэзону 2018 году звычайна гуляў у пачатковым складзе, зь верасня стаў пераважна заставацца на лаўцы запасных. У студзені 2019 году па заканчэньні кантракту пакінуў жодзінскі клюб[10]. Пасьля зыходу з «Тарпэда-БелАЗ» спрабаваў працаўладкавацца ў «Іслачы», але ня даў рады. Пазьней выправіўся на прагляд у гарадзенскі «Нёман», зь якім у лютым 2019 году падпісаў кантракт[11]. Пачынаў сэзон 2019 году ў асноўным складзе гарадзенцаў, аднак зь лета страціў месца ў складзе, выступаючы за дубль. У сьнежні 2019 году пакінуў «Нёман»[12].

У лютым 2020 году стаў гульцом латвійскага клюбу РФШ[13]. У сакавіку 2021 году перайшоў у эстонскі «Нымэ Калью»[14].

Міжнародная

[рэдагаваць | рэдагаваць крыніцу]

Выклікаўся на таварыскія матчы і зборы юнацкіх зборных Беларусі. У верасьні 2013 году, будучы гульцом расейскага «Рубіна», адмовіўся ад чарговага выкліку[15]. Пазьней патлумачыў адмову бракам гульнёвай практыкі на зборах[16]. 26 сакавіка 2016 году дэбютаваў у моладзевай зборнай Беларусі ў таварыскім матчы супраць зборнай Польшчы (0:3). Усяго за моладзевую зборную правёў 5 матчаў. У ліпені 2017 году выступаў за другую зборную Беларусі на Кубку Караля ў Тайляндзе.

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Віцебск 2016 Найвышэйшая ліга 28 1
2017 Найвышэйшая ліга 27 2
Тарпэда-БелАЗ 2018 Найвышэйшая ліга 14 0

Крыніцы

[рэдагаваць | рэдагаваць крыніцу]
  1. ^ а б в Mikhail Babichev // Transfermarkt (мн.) — 2000.
  2. ^ а б https://int.soccerway.com/players/-/423072/
  3. ^ а б https://teams.by/mikhaii-babichev/player-9385/
  4. ^ Белорусский защитник Бабичев перешел из «Рубина» в итальянский «Крас»
  5. ^ Италия, Серия D. Михаил Бабичев в матче за "Крас" отметился голевым пасом
  6. ^ Сергей Ясинский: "Михаил Бабичев? Не успели дозаявить его в трансферное окно"
  7. ^ Бабичев перешел в «Оршу»
  8. ^ Бабичев и Сидоренко подписали контракты с «Витебском»
  9. ^ Бабичев сменил "Витебск" на "Торпедо-БелАЗ"
  10. ^ Четыре игрока покинули "Торпедо-БелАЗ"
  11. ^ Бабичев сменил "Торпедо-БелАЗ" на "Неман"
  12. ^ Якимов и Бабичев покидают "Неман"
  13. ^ Михаил Бабичев продолжит карьеру в Латвии в РФШ
  14. ^ Михаил Бабичев стал игроком эстонского "Нымме Калью"
  15. ^ Футбол. Защитник "Рубина" Михаил Бабичев отказался выступать за сборную Беларуси
  16. ^ Михаил Бабичев: «Россия – это не мое, не родное. Если сейчас позовут в сборную Беларуси – поеду»

Вонкавыя спасылкі

[рэдагаваць | рэдагаваць крыніцу]