Нотынггэм Форэст

	Нотынггэм Форэст
Поўная назва	па-ангельску: Nottingham Forest Football Club
Заснаваны	1865
Горад	Нотынггэм, Ангельшчына
Стадыён	Сіці Граўнд; Умяшчальнасьць: 30 602
Кіраўнік	Эвангеляс Марынакіс[d]
Галоўны трэнэр	Нуну Эшпірыту Санту[d];
Чэмпіянат	Прэм’ер-Ліга
· 2024—2025	7 месца
	Галерэя здымкаў у Вікісховішчы; nottinghamforest.co.uk (анг.)

«Нотынггэм Форэст» (па-ангельску: Nottingham Forest) — ангельскі футбольны клюб з гораду Нотынггэм. Заснаваны ў 1865 годзе. Чэмпіён Ангельшчыны (1978) і двухразовы ўладальнік Кубка Ангельшчыны (1898, 1959). Двухразовы ўладальнік Кубка чэмпіёнаў (1979, 1980).

Самы пасьпяховы час прыпаў на кіраўніцтва Браяна Клафа і Пітэра Тэйлара ў канцы 1970-х і пачатку 1980-х. Менавіта ў тую пару каманда двойчы здабыла перамогі ў Кубку эўрапейскіх чэмпіёнаў 1979 і 1980 гадоў. Галоўнае суперніцтва клюб мае з «Дэрбі Каўнці». Каманды сустрэкаліся адзін з адным больш за 100 разоў.

Гісторыя

У 1865 годзе група гульцоў у шынці сустрэлася ў пабе Клінтан-Армз на рагу вуліцай Шэксьпіра і Норт-Шэрўуд. Прапанова аднаго з гульцоў аб тым, што трэба пачаць гуляць у футбол была ўхваленая камандай. Гэта быў створаны футбольны клюб «Нотынггэм Форэст». На той жа сустрэчы было дамоўлена, што клюб набудзе дванаццаць шапак з кутасікамі колеру чырвонага Гарыбальдзі. Такім чынам адразу былі ўсталяваныя афіцыйныя колеры клюбу. Спачатку свае матчы каманда ладзіла на іпадроме Форэст Рэйскурс^[2], якая гістарычна была часткай Шэрўудзкага лесу, што меркавана і стала крыніцай слова «Форэст» у назьве каманды^[3].

Першая афіцыйная гульня «Форэста» была згуляная супраць «Нотс Каўнці» 22 сакавіка 1866 году^[4]. 23 красавіка 1870 году, калі каманда згуляла сваю першую гульню ў лізе, першы гол каманды забіў Ўільям Гэнры Рэвіс. У той дзень Рэвіс таксама выйграў прыз за самы далёкі ўдар па футбольным мячы з адлегласьці 161 фут і 8 цаляў^[5]. У першыя гады свайго існаваньня «Нотынггэм Форэст» быў шматспартовым клюбам. Меліся аддзелы бандзі і шынці, а бэйсбольная каманда клюбу нават была чэмпіёнам Вялікабрытаніі ў 1899 годзе^[6]. У 1886 годзе «Форэст» ахвяраваў камплект сваёй футбольнай формы «Арсэналу», які і дагэтуль носіць кашулі чырвонага колеру. Клюб таксама дапамагаў «Эвэртану» і знайшоў пляцоўку «Брайтану». У сэзоне 1878—1879 гадоў натынггэмцы ўпершыню ўзялі ўдзел у розыгрышы Кубка Ангельшчыны. «Форэст» перамог «Нотс Каўнці» зь лікам 3:1 у першым раўндзе кубка на Бістэн-Крыкет-Граўнд, перш чым у канчатковым выніку трываў паразу зь лікам 2:1 ад каманды «Олд Этоніянз» у паўфінале^[4]. Заяўка «Нотынггэм Форэст» на далучэньня ў Футбольную лігу была адхілена пры ейным стварэньні ў 1888 годзе^[4]. Замест гэтага «Форэст» далучыўся да Футбольнага альянсу ў 1889 годзе. Яны здабылі перамогу ў гэтым спаборніцтве ў 1892 годзе, перш чым усё ж такі далучыцца да Футбольнай лігі^[4]. У тым сэзоне яны зноў дакрочылі да паўфіналу Кубка Ангельшчыны. На гэты раз перашкодай на шляху быў «Ўэст Бромўіч Альбіён».

Тытулы

Ангельшчына

Чэмпіянат Ангельшчыны: 1
- 1978

Кубак Ангельшчыны: 2
- 1898, 1959

Кубак футбольнай лігі: 4
- 1978, 1979, 1989, 1990

Супэркубак Ангельшчыны: 1
- 1978

Міжнародныя

Ліга чэмпіёнаў УЭФА: 2
- 1979, 1980

Супэркубак УЭФА: 1
- 1979

Склад

Актуальны на 14 лютага 2025 году

№	Пазыцыя	Імя	Год нараджэньня
4	Аб	Марату	2001
5	Аб	Мурыльлю	2002
6	ПА	Ібраім Сангарэ	1997
7	Аб	Нэка Ўільямз	2001
8	ПА	Эліят Андэрсан	2002
9	Нап	Тайва Авоньі	1997
10	ПА	Морган Гібс-Ўайт	2000
11	Нап	Крыс Ўуд	1991
13	Бр	Ўэйн Гэнасі	1987
14	Нап	Калам Гадсан-Адоі	2000
15	Аб	Гары Тофала	1995
16	ПА	Нікаляс Дамінгес	1998

№	Пазыцыя	Імя	Год нараджэньня
17	ПА	Эрык Марэйра	2006
19	Аб	Алекс Марэна (ар. Астан Віла)	1993
20	Нап	Жота Сылва	1999
21	Нап	Энтані Элянга	2002
22	ПА	Раян Ейтс	1997
24	Нап	Рамон Соса	1999
26	Бр	Мац Сэльс	1992
28	ПА	Данілу	2001
30	Аб	Вілі Балі	1991
31	Аб	Нікала Міленкавіч	1997
33	Бр	Карлус Мігел	1998
34	Аб	Ола Айна	1996