Нэлсан (рака)

Рака

Нэлсан
анг. Nelson River
Карэннае насельніцтва на рацэ Нэлсан
Агульныя зьвесткі
Выток	Вініпэг
Вусьце	Гудзонаў заліў
Краіны басэйну	Канада,
Вобласьці	Манітоба
Даўжыня	644 км
Сярэднегадавы сьцёк	2370 м³/с
Плошча басэйну	1 093 442 км²
Месцазнаходжаньне
Басэйн ракі Нэлсан
Галерэя здымкаў у Вікісховішчы

Нэлсан (па-ангельску: Nelson River) — рака ў Паўночнай Амэрыцы, належыць да басэйну Арктычнага акіяну. Працякае ў паўночным кірунку па тэрыторыі канадзкай правінцыі Манітоба ад возера Вініпэг да Гудзонава заліву. Побач з вусьцем знаходзіцца нацыянальны парк Вапуск.

Гідраграфія

Рака Нелсан працякае па канадзкім шчыце. Уздоўж ракі разьмешчаны азёры: Плэйгрын, Крос, Спліт. Плошча басэйну 1 093 442 км².

Сьцёк ракі Нэлсан 2370 м³/с. Паўднёвая частка басэйну знаходзіцца на тэрыторыі ЗША. Супольна з рэкамі Боў і Саскачэван зь яе прытокамі, Нэлсан утварае складаны ў навігацыі азёрна-рачны водны шлях, які цягнецца 2575 км ажно да Канадзкіх Скалістых гор. Рака мае парогі, але суднаходна на працягу 100 км. Нэлсан замярзае ў лістападзе, ускрываецца ў траўні.

Гісторыя

Рака Нэлсан была адкрыта ў 1612 годзе пад час ангельскай арктычнай экспэдыцыі пад кіраўніцтвам сэра Томаса Батана, які зімаваў у яе вусьці. Батан назваў раку ў гонар свайго штурмана, які не перажыў зімоўкі.

Гаспадарчае выкарыстоўваньне

На раце пабудавана 13 гідраэлектрастанцыяў. За 240 км ад вытоку ракі размешчана ГЭС Кэлсі, якая забясьпечвае электраэнэргіяй вытворчасьць, што здабывае нікель ў мястэчку Томсан. Нэлсан злучана з ракой Чэрчыл праз канал для павялічэньня аб’ёмаў выпрацоўкі.

Вонкавыя спасылкі

Нэлсан (рака) — сховішча мультымэдыйных матэрыялаў