Ніка Ўільямз

Ня варта блытаць з Нэка Ўільямзам.
Ніка Ўільямз
Пэрсанальная інфармацыя
Нарадзіўся 12 ліпеня 2002(2002-07-12)[1] (22 гады)
Рост 181 см
Пазыцыя нападнік, вінгер
Клюбная інфармацыя
Клюб Атлетык Більбао
Нумар 11
Клюбы
Гады Клюб Гульні (галы)¹
2021— Атлетык Більбао 109 (12)
Зборныя
2022— Гішпанія 22 (4)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
19 верасьня 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
8 верасьня 2024.

Ніка Ўільямз (па-гішпанску: Nico Williams; нар. 12 ліпеня 2002 году) — гішпанскі футбаліст, нападнік клюбу «Атлетык» і нацыянальнай зборнай Гішпаніі. Ягоны старэйшы брат Іньякі таксама ёсьць футбалістам, але абараняе колеры нацыянальнай зборнай Ганы. Вылучаецца хуткасьцю і навычкамі дрыблінгу[2].

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Ўільямз зьмяніў акадэміі шэрагу клюбаў, перш чым далучыўся да футбольнай школы «Атлетыка». Упершыню згуляў за фарм-клюб клюбу зь Більбао, вядомы як «Басконія»[3]. Увесну 2020 году быў далучаны да рэзэрвовай каманды «Атлетыка», а 28 чэрвеня 2021 году дэбютаваў у складзе першай каманды ў матчы Ля Лігі супраць «Вальядаліду». Ніка зьявіўся на пляцоўцы на другі тайм, а ягоны брат Іньякі выйшаў празь дзесяць хвілінаў пасьля гэтага. Свае першыя галы забіў у студзені 2022 году ў матчы Кубка Гішпаніі[4]. Празь сем дзён пасьля гэтага адзначыўся голам у браму сталічнага «Атлетыка» ў матчы паўфіналу Супэркубка Гішпаніі. З сэзону 2022—2023 гадоў замацаваўся ў складзе, згуляўшы з пачатку чатыры зь першых пяці матчаў новага чэмпіянату. У сустрэчы супраць «Эльчэ» быў прызнаны гульцом матчу. Праз тое, што кантракт Ўільямза сканчваўся ў 2024 годзе, і ў СМІ зьявіліся чуткі, што гулец можа далучыцца да такіх клюбаў, як то «Астан Віла», «Барсэлёна», «Лівэрпул» і «Рэал»[5][6]. Аднак, пасьля некалькіх месяцаў перамоваў, гулец пагадзіўся на далейшую супрацу да 2027 году.

Міжнародная

[рэдагаваць | рэдагаваць крыніцу]

Упершыню нападнік быў выкліканы ў нацыянальную зборную Гішпаніі, якую ачольваў Люіс Энрыке, на матчы Лігі нацыяў УЭФА 2022—2023 гадоў у верасьні 2022 году. Ўільямз дэбютаваў у хатняй гульні супраць зборнай Швайцарыі, якая скончыла на карысьць гаспадароў зь лікам 2:1[7]. 17 лістапада ён забіў свой першы гол за зборную ў таварыскім матчы супраць зборнай Ярданіі[8].

Дасягненьні

[рэдагаваць | рэдагаваць крыніцу]

«Атлетык»:

Гішпанія:

Крыніцы

[рэдагаваць | рэдагаваць крыніцу]
  1. ^ а б в Nico Williams // https://fbref.com/en/players/afdc14d7
  2. ^ «Under the microscope:What makes Nico Williams a key asset of Athletic Bilbao». La Liga Analysis.
  3. ^ «Nico Williams sube al filial e Iñaki le espera pronto a su lado». AS.
  4. ^ «Nico Williams’ double ends the illusion of Atlético Mancha Real». Spain’s News.
  5. ^ «Transfer Talk: Real Madrid, Barcelona eye Nico Williams». ESPN.
  6. ^ «Liverpool miss out on Nico Williams transfer as Athletic Club star signs new contract». Evening Standard.
  7. ^ «Big blow for Ghana as Spain names Nico Williams in squad for September friendly matches». GhanaWeb.
  8. ^ «Ansu Fati scores in Spain World Cup warm-up win over Jordan». ESPN.

Вонкавыя спасылкі

[рэдагаваць | рэдагаваць крыніцу]