Оўэн Паўэр

Оўэн Паўэр
Рост 198 см[1]
Пазыцыя абаронца
Грамадзянства
Дата нараджэньня 22 лістапада 2002(2002-11-22)[1] (22 гады)
Месца нараджэньня
Клюб Бафала Сэйбрз
Драфт НХЛ 1, 2021
Бафала Сэйбрз
Гульнявая кар’ера 2022 — цяпер

Оўэн Па́ўэр (па-ангельску: Owen Power; нар. 22 лістапада 2002 году) — канадзкі хакеіст, абаронца клюбу «Бафала Сэйбрз» з Нацыянальнай хакейнай лігі. У 2021 годзе быў абраны на драфце НХЛ клюбам «Бафала Сэйбрз» у першым раўндзе пад агульным першым нумарам.

Кар’ера

[рэдагаваць | рэдагаваць крыніцу]

Зважаючы на тое, што Паўэр паходзіць з Антарыё, ён пачаў сваю кар’еру ў хакейнай лізе Антарыё. У 2020 годзе браў удзел у NCAA, баронячы колеры Мічыганскага ўнівэрсытэту. Паўэр быў абраны пад першым нумарам у агульным заліку на драфце НХЛ 2021 году камандай «Бафала Сэйбрз», аднак пастанавіў сабе вярнуцца ў Мічыган на другі сэзон, стаўшы першым гульцом, абраным пад першым нумарам, які вярнуўся ў студэнцкі хакей пасьля Эрыка Джонсана ў 2006 годзе[2].

8 красавіка 2022 году Паўэр склаў трохгадовую працоўную ўгоду пачаткоўца з «Сэйбрз»[3]. Запачаткаваў кар’еру ў НХЛ 12 красавіка ў матчы супраць «Таронта Мэйпл Ліфс»[4]. У наступным матчы супраць «Сэнт-Луіс Блюз» зарабіў першы пункт, зрабіўшы галявую перадачу Алексу Таку[5]. Першым голам адзначыўся 21 красавіка ў матчы супраць «Нью-Джэрзі Дэвілз»[6]. У дэбютным сэзоне Паўэр забіў чатыры галы і зрабіў 31 галявую перадачу ў 79 гульнях. Ён быў лідэрам сярод усіх абаронцаў-пачаткоўцаў як паводле перадачаў, гэтак і паводле пунктаў, і быў намінаваны на памятны трафэй Колдэра[7]. 11 кастрычніка 2023 году Паўэр падпісаў з «Сэйбрз» новы сямігадовы кантракт на 58,45 мільёнаў даляраў[8][9].

Крыніцы

[рэдагаваць | рэдагаваць крыніцу]
  1. ^ а б в г https://www.iihf.com/en/events/2024/wm/teams/roster/45147/canada — Міжнародная фэдэрацыя хакею на лёдзе.
  2. ^ «How No. 1 overall pick Owen Power decided to stay at Michigan, wait on Sabres and NHL». NCAA.
  3. ^ «Sabres sign No. 1 draft pick Owen Power to 3-year entry-level contract». Buffalo News.
  4. ^ «Dahlin helps Power, Sabres beat Maple Leafs 5-2». ESPN.
  5. ^ «Tarasenko’s 5-point outing fuels Blues’ 6-2 win over Sabres». ESPN.
  6. ^ «Okposo, Tuch score short-handed goals, Sabres beat Devils». ESPN.
  7. ^ «Beniers, Power, Skinner named Calder Trophy finalists». NHL.
  8. ^ «Sabres sign Power to 7-year contract extension». NHL.
  9. ^ «Sabres sign Owen Power to 7-year, $58.45 million extension: What this means for Buffalo’s future». The Athletic.

Вонкавыя спасылкі

[рэдагаваць | рэдагаваць крыніцу]