Пагегі

Пагегі
лет. Pagėgiai
Герб Пагегаў Сьцяг Пагегаў
Першыя згадкі:	1281
Горад з:	1923
Краіна:	Летува
Павет:	Таўроскі
Вышыня:	28 м н. у. м.
Насельніцтва:	1662 чал. (2017)
Часавы пас:	UTC+2
летні час:	UTC+3
Паштовы індэкс:	LT-99032
Геаграфічныя каардынаты:	55°8′10″ пн. ш. 21°54′20″ у. д. / 55.13611° пн. ш. 21.90556° у. д. / 55.13611; 21.90556Каардынаты: 55°8′10″ пн. ш. 21°54′20″ у. д. / 55.13611° пн. ш. 21.90556° у. д. / 55.13611; 21.90556
Пагегі на мапе Летувы Пагегі
Галерэя здымкаў у Вікісховішчы
http://www.pagegiai.lt/

Паге́гі (па-летувіску: Pagėgiai) — горад у заходняй Летуве. Зьяўляецца адміністрацыйным цэнтрам Пагескага гарадзкога раёну Таўроскага павету. Адносіцца да этнаграфічнага рэгіёну Малая Летува. Назва гораду азначае «На Гегі» і пайшла ад таго, што праз горад некалі цякла рака Гегі.

Гісторыя

Пасьля Вэрсальскай дамовы, якая была падпісаная ў студзені 1920 году, частка Мэмэльскай зямлі, якая разьмяшчалася на поўнач ад Нёману, была адабраная ў Нямеччыны.

Прускія землі, якія болей не належалі Нямеччыне, былі аб’яднаныя ў адну адміністрацыйную адзінку (Kreis Pogegen), у якой Пагегі сталі сталіцай. Гэтая тэрыторыя кантралявалася францускімі вайскоўцамі.

Пасьля Клайпедзкай правакацыі Летува атрымала гэтыя землі ў 1923 годзе і іх назва была зьменена на Pagėgiai Apskritis (Пагегскі павет). 22 сакавіка 1939 году гэтая тэрыторыя разам з Клайпедай была вернутая Нямеччыне, і зноў зьмяніла назву на «Landkreis Pogegen».

Пасьля Другой сусьветнай вайны Пагегі былі падараваны Летувіскай ССР. У выніку рэформы муніцыпальнага кіраваньня ў 2000 годзе Пагегі сталі сталіцай раёну.

Герб гораду ўтрымлівае птушку з ключом, што сымбалізуе блізкасьць дзяржаўнай мяжы з Расеяй. У Пагегах знаходзіцца вайсковая частка памежнай летувіскай аховы.