Прэстыж (фільм)
«Прэсты́ж» (па-ангельску: The Prestige) — навукова-фантастычны трылер 2006 году рэжысэра Крыстафэра Нолана. Сцэнар быў падрыхтаваны ўласна Ноланам і ягоным братам Джонатанам Ноланам паводле аднайменнага раману Крыстафэра Прыста 1995 году. У фільме здымаліся Г’ю Джэкман у ролі Робэрта Анж’ера і Крыстыян Бэйл у ролі Альфрэда Бордэна. Акрамя таго, у лік выканаўцаў роляў увайшлі Скарлет Ёгансан, Майкл Кейн, Пайпэр Пэраба, Эндзі Сэркіс, Рэбэка Гол і Дэйвід Боўі ў ролі Ніколы Тэслы. «Прэстыж» быў выпушчаны 20 кастрычніка 2006 году, адразу атрымаўшы станоўчыя водгукі. Кінастужка зарабіла 109 мільёнаў даляраў па ўсім сьвеце ў той час, як бюджэт вытворчасьці твору склаў 40 мільёнаў даляраў[12]. «Прэстыж» атрымаў намінацыі на Оскар за найлепшую рэжысуру і найлепшую кінэматаграфію.
Сюжэт
[рэдагаваць | рэдагаваць крыніцу]У 1890-х гадах у Лёндане Робэрт Анж’ер (Г’ю Джэкман) і Альфрэд Бордэн (Крыстыян Бэйл) працуюць памочнікамі чараўніка Джона Катэра (Майкл Кейн), інжынэра, які ладзіць відовішча з сцэнічнай магіяй. Падчас трука зь ёмістасьцю, дзе ўтрымліваецца памагаты, жонка Анж’ера, Джулія (Пайпэр Пэраба), не пасьпявае вызваліцца з пасудзіны і тоне. Спустошаны Анж’ер абвінавачвае Бордэна ў выкарыстаньні больш рызыкоўнага вузла, што прывяло да сьмерці жанчыны. Мужчыны робяцца лютымі ворагамі.
Анж’ер і Бордэн пачынаюць уласныя магічныя кар’еры, прычым Анж’ер супрацоўнічае з Катэрам, а Бордэн — з загадкавым Фэланам. Анж’ер сабатуе адно з выступленьняў Бордэна, калі ён падсоўвае сапраўдную кулю ў пісталет Бордэна падчас трука з лоўлей кулі, у выніку чаго Бордэн губляе два пальцы. Бордэн адказвае ўзаемнасьцю, сабатуючы фокус Анж’еры зь зьніклай птушкай, забіваючы птушку на сцэне і ранячы добраахвотніка ад гледачоў. Бордэн распрацоўвае трук, які базуецца на транспартаваньні чалавека, у якім ён імгненна падарожнічае паміж двума шафамі на супрацьлеглых канцах сцэны. Не маючы магчымасьці вызначыць мэтад Бордэна, Анж’ер наймае двайніка Джэральда Рута дзеля выкананьня ўласнай вэрсіі трука. Такая імітацыя, аднак, не задавальняе Анж’ера, бо ён незадаволены тым, што Рут атрымоўвае авацыі на заканчэньні выступу, у той час як ён сам хаваецца пад сцэнай. Анж’ер дасылае сваю памочніцу Алівію (Скарлет Ёгансан) да Бордэна, каб тая выявіла сакрэт трука з транспартаваным чалавекам. Алівія, аднак, пранікае каханьнем да Бордэна і пачынае працаваць на Бордэна, аддаючы Анж’еру несапраўдную копію дзёньніка Бордэна. Дзёньнік прыводзіць Анж’ера ў ЗША да Ніколы Тэслы (Дэйвід Боўі), які стварыў машыну дзеля Бордэна, як мяркуе Анж’ер. Анж’ер выяўляе, што дзёньнік ёсьць ашуканскім, і створаны толькі дзеля адцягненьня ягонай увагі. Тым ня менш, Тэсла стварае машыну, але замест тэлепартацыі аб’ектаў яна дублюе ўсё, што знаходзіцца ўнутры яе на невялікай адлегласьці. Тэсла раіць Анж’еру зьнішчыць яе, кажучы, што гэта прынясе яму толькі няшчасьце.
Жонка Бордэна, Сара (Рэбэка Гол), зьдзяйсьняе самагубства праз супярэчлівую асобу сваго мужа. Бордэн прызнаецца Алівіі, што ніколі не кахаў Сару і што кахае толькі яе. Стаміўшыся ад варожасьці Бордэна і Анж’ера, Алівія сыходзіць. У Лёндане Анж’ер дэбютуе з адноўленым трукам транспартаваньня чалавека з дапамогай машыны Тэслы. Бордэн крадзецца за кулісы і становіцца сьведкам таго, як Анж’ер праваліўся празь люк і патануў у чопе. У памяшканьні зьявіўся Катэр, які выклікаў паліцыю. Не маючы магчымасьці даказаць сваю невінаватасьць, Бордэн прызнаны вінаватым у забойстве і прыгавораны да сьмерці. Машына Тэслы прадаецца заможнаму лорду Калдлоў, сапраўднай асобай якога, здаецца, ёсьць яшчэ жывы Анж’ер. Анж’ер наведвае Бордэна ў турме ў суправаджэньні дачкі Бордэна Джэс (Саманта Маг’юрын). У абмен на інфармацыю аб сваім мэтадзе транспартаваньня чалавека Бордэн просіць Анж’ера адпусціць дачку, але той сыходзіць з Джэс. Бордэна вешаюць за забойства ілюзіяніста. Анж’ер вяртаецца ў тэатар, дзе ў яго страляе невядомы чалавек, які, у выніку, выяўляецца Бордэнам. Становіцца зразумела, што Бордэнам ёсьць два браты-блізьнюкі, якія выконвалі трук з транспартаваньнем чалавека. Калі адзін зь іх быў Бордэнам, другі маскаваўся памочнікам Фэланам. Бордэн, які застаўся жывы, кахаў Сару, а ягоны забіты брат — Алівію. Анж’ер памірае і кідае ліхтар, запальваючы тэатар. Бордэн сыходзіць і забірае Джэс у майстэрні Катэра. У палаючым тэатры бачны шэрагі чопаў, у якіх месьцяцца мёртвыя Анж’еры.
Крытыка
[рэдагаваць | рэдагаваць крыніцу]На агрэгатары рэцэнзіяў Rotten Tomatoes, фільм мае рэйтынг ухваленьня 76%, базуючыся на 202 аглядах, зь сярэднім рэйтынгам 7,1/10. На думку крытыкаў, фільм мае мноства сюжэтных паваротаў, што робіць яго асьляпляльным творам, які не перастае кідаць выклік гледачам[13]. Metacritic прысвоіў фільму 66 сярэднеўзважаныж балаў з 100 магчымых, заснаваных на 36 крытычных рэцэнзіях, што паказвае на ў цэлым спрыяльных водгуках[14]. Гледачы, апытаныя CinemaScore, паставілі фільму сярэднюю ацэнку B паводле шкалы ад A+ да F.
Крыніцы
[рэдагаваць | рэдагаваць крыніцу]- ^ а б http://www.imdb.com/title/tt0482571/
- ^ а б в г д http://www.metacritic.com/movie/the-prestige
- ^ а б в г д е http://www.allocine.fr/film/fichefilm_gen_cfilm=108998.html
- ^ http://stopklatka.pl/film/prestiz
- ^ а б http://www.sinemalar.com/film/233/prestij
- ^ а б в г д е ё ж з і к л м н http://www.imdb.com/title/tt0482571/fullcredits
- ^ а б в г д е ё ж з і к л IMDb (анг.) — 1990.
- ^ а б в IMDb (анг.) — 1990.
- ^ http://www.kinokalender.com/film5721_prestige-meister-der-magie.html
- ^ http://www.boxofficemojo.com/movies/?id=prestige.htm
- ^ Box Office Mojo (анг.) — 1999.
- ^ «The Prestige (2006)». Box Office Mojo.
- ^ «The Prestige (2006)». Rotten Tomatoes.
- ^ «The Prestige (2006)». Metacritic.
Вонкавыя спасылкі
[рэдагаваць | рэдагаваць крыніцу]- Прэстыж (анг.) на сайце IMDb
- Прэстыж на сайце «Rotten Tomatoes» (анг.)
- Прэстыж на Metacritic