Пяльмені

Ня варта блытаць з калдунамі.

Пяльмені
Пяльмені
Нацыянальная страва	удмурцкая, комі, расейская
Паходжаньне	Расея
Рэгіён	Усходняя Эўропа
Асноўны складнік	цеста, мяса
Распаўсюджаныя складнікі	рыба
Падобныя стравы	калдуны
Пяльмені ў Вікісховішчы

Пяльме́ні (на мове комі і удм. Пельнянь, рас. Пельмени) — страва ўдмурцкай, комі і расейскай кухняў у выглядзе адварных вырабаў з прэснага цеста з начыньнем зь сечанага мяса ці рыбы.

Этымалёгія

Расейскае слова пельмени зьяўляецца запазычаньнем зь пермскіх моваў (комі і ўдмурцкай): пельнянь — «хлебнае вуха»: пель «вуха» + нянь «хлеб»^[1][2][3].

Турыстычная індустрыя Ўдмуртыі намагаецца замацаваць за рэгіёнам статус «радзімы пяльменяў». Зь 2015 году ў рэспубліцы ладзіцца фэст «Сусьветны дзень пяльменя»^[4].

Прыгатаваньне

Цеста для пяльменяў рыхтуецца з мукі, яек і вады (радзей малака). Начыньне клясычных пяльменяў вырабляецца зь ялавічыны, сьвініны і / або бараніны з даданьнем розных спэцыяў, цыбулі, часам часныку, магчыма выкарыстаньне таксама мяса мядзьведзя, аленя, лася, гусака, рыбы, сьвінога сала, бульбы, капусты.

Галерэя

• 
  Пяльмені зь мясам нявараныя
• 
  Стадыі прыгатаваньня

Крыніцы

1. Kalima J. Syrjänisches Lehngut im Russischen // Finnisch-ugrische Forschungen. XVIII (1927). S. 35-36.  (ням.)
2. Лыткин В. И., Гуляев Е. С. Краткий этимологический словарь коми языка. М.: Наука, 1970. С. 219.  (рас.)
3. Кривощекова-Гантман А. С. Коми-пермяцкие заимствования в русских говорах Верхнего Прикамья // Этимологические исследования 1981. С. 59.  (рас.)
4. Интересное в Удмуртии: 6 фактов об удмуртских пельменях (рас.)

Вонкавыя спасылкі

• Рэцэпты пяльменяў (рас.)