Ракаў Чанстахова

Ракаў
Поўная назва	па-польску: RKS Raków Częstochowa Spółka Akcyjna[1][2]
Заснаваны	1921
Горад	Чанстахова, Польшча
Стадыён	Гарадзкі Умяшчальнасьць: 4200
Галоўны трэнэр	Марэк Папшун^[d][3]
Чэмпіянат	Экстракляса
· 2023—2024	7 месца
Хатнія колеры Выязныя колеры
Галерэя здымкаў у Вікісховішчы rakow.com (пол.)

«Ра́каў» (па-польску: Raków) — польскі футбольны клюб з гораду Чанстаховы. Заснаваны ў 1921 годзе. Назва клюбу паходзіць ад раёну Ракаў, дзе знаходзіцца сядзіба і стадыён клюбу. «Ракаў» ёсьць чэмпёнам Польшчы, а таксама двухразовым уладальнік Кубка Польшчы і Супэркубка Польшчы.

Гісторыя

Спартовы клюб «Раковія» быў створаны ў 1921 годзе ў вёсцы Ракаў. Клюб быў распушчаны ў 1925 годзе праз адсутнасьць рэгістрацыі. У 1927 годзе клюб аднавіў сваю дзейнасьць пад назвай «Рабочы спартовы клюб „Ракаў“». Праз год вёска стала часткай Чанстаховы. Клюб дзейнічаў пад патранажам Польскай сацыялістычнай партыі і фінансава падтрымліваўся Чанстахоўскім сталеліцейным заводам. У 1937 годзе клюб падвысіўся да ўдзелу ў клясе А. Падчас нямецкай акупацыі клюб ня дзейнічаў. У 1951—1955 гадах быў пабудаваны футбольны стадыён з лёгкаатлетычнымі дарожкай. У 1962—1966 гадах футбольная дружына гуляла ў Другой лізе. 9 ліпеня 1967 году «Ракаў» трываў паразу зь лікам 0:2 у матчы супраць «Віслы» з Кракава ў фінале Кубка Польшчы. У 1972 годзе футбалісты «Ракава» дайшлі да паўфіналу Кубка Польшчы, але саступілі варшаўскай «Легіі». У 1978—1980, 1981—1984 і 1990—1994 гадах клюб выступаў у Другой лізе. У 1993 годзе юніёрская каманда заняла 2-е месца ў чэмпіянаце Польшчы па футболе сярод юніёраў^[4].

У 1994 годзе «Ракаў» упершыню ў гісторыі клюбу трапіў у Першую лігу. Тамака ў найвышэйшым дывізіёне клюб правёў чатыры сэзоны, пакуль не панізіўся ў сэзоне 1997—1998 гадоў. У наступным дружына пасьлядоўна штогод апускалася ў структуры ліг, дасягнуўшы ажно Чацьвертай лігі. У 2016 годзе клюб нарэшце вярнуўся ў другі польскі дывізіён. Паводле вынікаў розыгрышу Першай лігі сэзону 2018—2019 гадоў «Ракаў» здабыў перамогу і атрымаў падвышэньне ў Экстраклясу ўпершыню за 21 год^[5]. У тым жа сэзоне чанстахоўцы нечакана дасягнулі паўфіналу Кубка Польшчы 2018—2019 гадоў, выбіўшы з розыгрышу спачатку познанскі «Лех» у 1/8 фіналу^[6], а потым варшаўскую «Легію» ў чвэрцьфінале^[7]. У першы сэзон па вяртаньні дружына заняла 10-е месца.

У сэзоне 2022—2023 гадоў «Ракаў» упершыню ў гісторыі здабыў тытул чэмпіёнаў Польшчы, што гарантавала месца ў Лізе чэмпіёнаў.

Склад

Актуальны на 15 лютага 2025 году

№ Пазыцыя Імя Год нараджэньня 1 Бр Кацпэр Тралёўскі 2003 2 Аб Арыель Мосур 2003 3 Аб Мілан Рундыч 1992 4 Аб Стратас Сварнас 1997 5 ПА Густаў Бэрггрэн 1997 6 ПА Шыман Чыж 2001 7 ПА Фран Тудар 1995 8 ПА Бэн Ледэрман 2000 9 Нап Патрык Макух 1999 10 ПА Іві Лёпэс 1994 12 Бр Душан Куцяк 1985 14 ПА Срджан Плаўшыч 1995 15 ПА Хэсус Дыяс (ар. Сталь Р.) 1999 17 Нап Леанарду Роша 1997

№ Пазыцыя Імя Год нараджэньня 18 Нап Юнатан Брунэс (ар. Аўд-Гэвэрлі) 2000 19 ПА Майкл Амэяў 2000 20 ПА Жан Карлус 1996 23 ПА Пэтэр Барат (ар. Фэрэнцвараш) 2002 24 Аб Зоран Арсэніч (капітан) 1994 25 Аб Багдан Ракавіцан 2000 26 ПА Эрык Ума 1996 30 ПА Уладзіслаў Качэргін 1996 31 Бр Мухамэд Шахінавіч 2003 47 ПА Антоні Буркевіч 2008 77 ПА Тобіяш Мрас 2007 84 ПА Адрыяну Амарым 2002 88 Аб Матэй Родзін 1996 97 ПА Ібраіма Сэк 2004

Крыніцы

1. https://rakow.com/informacje-i-kontakt-100
2. https://rejestr.io/krs/392197/rks-rakow-czestochowa
3. https://www.transfermarkt.com/rakow-czestochowa/mitarbeiterhistorie/verein/9644
4. «Portal Kibiców Rakowa Częstochowa: Historia». Rakow.
5. «Fortuna 1 Liga. Sezon 2018/19 w statystykach. Zobacz, kto najczęściej posiadał piłkę, a kto najwięcej dryblował». Gol24.
6. «Raków Częstochowa — Lech Poznań. Niespodzianka! Kolejorz odpada z Pucharu Polski!». Sport.
7. «Puchar Polski. Raków wyeliminował Legię! Piłka nożna». Sport.

Вонкавыя спасылкі

• Афіцыйны сайт