Руслан Хадаркевіч

Руслан Хадаркевіч
Пэрсанальная інфармацыя
Нарадзіўся	18 чэрвеня 1993(1993-06-18)[1] (31 год) Менск, Беларусь[2]
Рост	185 см
Вага	81 кг[3]
Пазыцыя	абаронца
Клюбная інфармацыя
Клюб	БАТЭ
Нумар	3
Клюбы
Гады	Клюб	Гульні (галы)¹
2010—2013	Бяроза-2010	77 (1)
2014	Славія Мазыр	8 (0)
2015—2016	Смалявічы	47 (1)
2017—2019	Славія Мазыр	46 (0)
2019—2022	Шахцёр Салігорск	41 (0)
2023	Дынама Менск	0 (0)
2023—4	БАТЭ	22 (1)
Зборныя
2021—2023	Беларусь	9 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 кастрычніка 2024.

Русла́н Хадарке́віч (нарадзіўся 18 чэрвеня 1993 году) — беларускі футбаліст, абаронца барысаўскага БАТЭ і нацыянальнай зборнай Беларусі.

Кар’ера

Клюбная

З 2010 году пачаў выступаць за клюб «Бяроза-2010» у Другой лізе і ў наступным сэзоне дапамог камандзе атрымаць месца ў Першай лізе. У пачатку 2014 году стаў гульцом мазырскай «Славіі», але ня здолеў замацавацца ў складзе і ўлетку пакінуў каманду. Неўзабаве далучыўся да «Іслачы б^[4], аднак гэтак і не згуляў за гэты клюб.

У сакавіку 2015 году склаў працоўную ўгоду з клюбам «Смалявічы-СТІ»^[5], у якім здолеў замацавацца ў якасьці асноўнага цэнтральнага абаронцы. У студзені 2017 годку прыехаў на прагляд у «Славію» і ў выніку праз тры гады зноў стаў гульцом мазырскага клюбу^[6]. Пачынаў сэзон 2017 году ў асноўным складзе мазыранаў на пазыцыі правага абаронцы, аднак зь ліпеня па кастрычнік не гуляў праз траўмы. Толькі ў канцы сэзону футбаліст вярнуўся на поле. У сэзоне 2018 году, трывала гуляючы ў аснове, дапамог «Славіі» перамагчы ў Першай лізе.

У першай палове 2019 году заставаўся асноўным абаронцам мазыранаў у Найвышэйшай лізе. У ліпені 2019 году пакінуў «Славію»^[7] і стаў гульцом салігорскага «Шахцёра»^[8]. У 2019 годзе зьяўляўся на полі нерэгулярна, а ў сэзоне 2020 году замацаваўся ў першай адзінаццатцы салігорцаў і дапамог ім здабыць чэмпіёнства. У лютым 2021 году падоўжыў кантракт з «Шахцёрам»^[9]. У 2021—2022 гадах выкарыстоўваўся дзеля ратацыі, часьцей застаючыся на лаве запасных.

У сьнежні 2022 году па заканчэньні кантракту пакінуў салігорскі клюб^[10] і неўзабаве далучыўся да менскага «Дынама»^[11]. У складзе менскае каманды заставаўся на лаве рэзэрвовых. У ліпені 2023 году паводле пагадненьня бакоў пакінуў сталічны клюб, гэтак не згуляўшы ў кашулі бела-блакітных^[12], і хутка падпісаў кантракт з барысаўскім БАТЭ^[13].

Міжнародная

У лістападзе 2020 году быў упершыню выкліканы ў нацыянальную зборную Беларусі^[14]. Дэбютаваў у зборнай 2 чэрвеня 2021 году ў таварыскім матчы супраць зборнай Азэрбайджану (1:2), адгуляўшы на полі ўсе 90 хвілінаў.

Дасягненьні

• Чэмпіён Беларусі: 2020, 2021, 2022
• Бронзавы прызэр чэмпіянату Беларусі: 2019
• Уладальнік Супэркубка Беларусі: 2021
• У сьпісе 22 найлепшых футбалістаў чэмпіянату Беларусі: 2020

Статыстыка

Клюб	Сэзон	Чэмпіянат
		Дывізіён	Матчы	Галы
Славія Мазыр	2017	Найвышэйшая ліга	13	0
	2018	Першая ліга	22	0

Крыніцы

1. ^ Ruslan Khadarkevich // Transfermarkt (мн.) — 2000.
2. ^ https://dinamo-minsk.by/blr/asnouny-sklad/2023/hadarkevich-ruslan
3. ^ https://www.pressball.by/footballstat/ruslan_khadarkevich/
4. Сокол, Лебедев и еще 3 игрока перешли в «Ислочь»
5. Руслан Хадаркевич и Владислав Каборда пополнили ряды "Смолевичей-СТИ"
6. Трапашко, Курлович, Шило и Хадаркевич подписали контракты со "Славией"
7. Хадаркевич и Мемешев покинули "Славию"
8. "Шахтер" объявил о подписании контракта с Хадаркевичем
9. Хадаркевич поставил подпись под новым контрактом с "Шахтером"
10. Хадаркевич покидает "Шахтер" (рас.) Праверана 2022-12-30 г.
11. Футбол. Руслан Хадаркевич стал игроком минского "Динамо" (рас.) Праверана 2023-01-01 г. Архіўная копія ад 1 студзеня 2023 г.
12. Защитник Руслан Хадаркевич покинул минское "Динамо" (рас.) Праверана 2023-07-04 г.
13. Руслан Хадаркевич стал игроком БАТЭ (рас.) Праверана 2023-07-07 г.
14. Футбол. Руслан Хадаркевич впервые вызван в сборную Беларуси Праверана 5 чэрвеня 2021 г. Архіўная копія ад 6 чэрвеня 2021 г.

Вонкавыя спасылкі

• Статыстыка «ПБ-Инфо» (рас.)