Салікамск

	Салікамск
	рас. Соликамск
Герб Салікамску	Сьцяг Салікамску
Дата заснаваньня:	1430
Горад з:	5 красавіка 1926
Былая назва:	Усольле на Камскам, Усольле Камскае, Соль Камская.
Краіна:	Расея
Суб’ект фэдэрацыі:	Пермскі край
Плошча:	165,5 км²
Вышыня:	150 м н. у. м.
Насельніцтва
колькасьць:	95 828 чал.
шчыльнасьць:	579,02 чал./км²
Часавы пас:	UTC+5
Тэлефонны код:	+7 34253
Паштовы індэкс:	618500
АКАТУ:	57 430
Нумарны знак:	59, 81, 159
Геаграфічныя каардынаты:	59°38′0″ пн. ш. 56°46′0″ у. д. / 59.63333° пн. ш. 56.76667° у. д.Каардынаты: 59°38′0″ пн. ш. 56°46′0″ у. д. / 59.63333° пн. ш. 56.76667° у. д.
	Салікамск на мапе Расеі Салікамск
	Галерэя здымкаў у Вікісховішчы
	http://adm.solkam.ru/

Саліка́мск — места ў Пермскім краі Расеі, адміністрацыйны цэнтар Салікамскага раёну. Мае насельніцтва 95 828 чалавек. Зьяўляецца трэцім местам паводле колькасьці жыхароў у Пермскім краі. Места Салікамск знаходзіцца ў складзе мескае акругі Салікамску.

Разьмяшчэньне

Места знаходзіцца на поўнач ад адміністрацыйнага цэнтру Пермскага краю места Перм на адлегласьці 202 км (па дарозе), 368 км (па чыгунцы). Каля места цякуць рэкі: Усолка, Баравая, якія далей упадаюць у раку Кама. Да места ідзе чыгунка зь Пярмі, дзе Салікамск зьяўляецца апошнім прыпынкам (тупіком). Маецца прыстань на вадасховішчы. Места займае плошчу 165,5 км².

Мінулае

Першыя згадкі аб Салікамску былі ў 15 стагодзьдзі. Каля 1430-х гадоў з Волагды (тады гэтае места было ў складзе Ноўгараду) прыехалі купцы, якія пачалі тут здабываць соль. Гэты промысел быў доўгі час галоўным заняткам месьцічаў. Назва места часта мянялася, але ва ўсіх назовах было слова “соль”. У 1506 годзе места назвалі – Усольле на Камскам, потым Усольле Камскае. З 17 стагодзьдзя места было вядомае пад назваю Соль Камская.

З 1472 году Салікамск далучаны да Маскоўскай дзяржавы (потым Расеі). У XVII стагодзьдзі пачынаецца здабыча й пераапрацоўка медзі. Места адначасова становіцца адным з найважнейшых месцаў гандлю паміж Расеяй, Сыбір’ю і Кітаем. Пасьля пашырэньня здабычы солі на ніжняй Волзе места Салікамск пачынае западаць і ў 19 стагодзьдзі пераўтвараецца ў мястэчка. Толькі 5 красавіка 1926 году Салікамск атрымаў статус места. У 1930—1940-х гадох места стала месцам бальшавіціх рэпрэсіяў. Нават зараз у ваколіцах места знаходзіцца шмат турмаў.

Мясцовыя ўлады

Мясцовыя ўлады Салікамскае мескае акругі маюць наступную будову:

Мескі савет (Дума);
Галава места;

Мэрам места з 2006 году зьяўляецца Сяргей Дзявяткаў.

Прамысловасьць

Салікамск — адзін з найбуйнейшых прамысловых асяродкаў на поўначы Пермскага краю. Асноўныя заняткі тамтэйшых прадпрыемстваў — пераапрацоўка соляў (натравых і калевых) і руды (магнавай, трохі меднай і жалезнай), вытворчасьць угнаеньняў з соляў, дрэваапрацоўка зь лесу, што знаходзіцца навокал ад места. Ëсьць прадпрыемствы машынабудаваньня. Ёсьць вайсковая прамысловасьць. Ёсьць мясцовы мясакамбінат і малочны камбінат, але яны маюць значэньне толькі на тамтэйшым рынку.

Вонкавыя спасылкі

Салікамск — сховішча мультымэдыйных матэрыялаў