Сустрэча на Эльбе
.jpg)
Сустрэча на Эльбе — назва падзеі, якая адбылася 25 красавіка 1945 году побач з горадам Таргаў на рацэ Эльба. Войскі 1-га Ўкраінскага фронту сустрэліся з войскамі 1-ай арміі ЗША. У выніку сустрэчы войск саюзнікаў рэшткі нацысцкіх войскаў былі расколатыя на дзьве часткі — паўночную і паўднёвую.
Першая сустрэча адбылася, калі амэрыканскі патруль на чале зь першым лейтэнантам Альбертам Кацэбу перайшоў Эльбу. На ўсходнім беразе яны сустрэлі савецкіх салдатаў на чале з падпалкоўнікам Аляксандрам Гардзіевым. У той самы дзень яшчэ адзін амэрыканскі патруль (на чале з другім лейтэнантам Арміі ЗША Ўільямам Робэртсанам) сустрэўся з савецкімі салдатамі на чале з лейтэнантам Аляксандрам Сільвашкам на разбураным мосьце праз Эльбу каля Таргаў.
Знакамітае фота было зроблена на наступны дзень, калі камандоўцы 69-ай дывізіі Арміі ЗША і 58-ай гвардзейскай дывізіі Чырвонай Арміі сустрэліся ў Таргаў.