Тацяна Вуластан

Тацяна Вуластан
Тацяна Тарчыла
Агульная інфармацыя
Нарадзілася	8 лістапада 1986(1986-11-08) (38 гадоў) Пінск, Берасьцейская вобласьць, БССР, СССР[1]
Краіна	Беларусь
Прафэсійная кар’ера	з 2010

Тацяна Вуластан, у дзявоцтве Тарчыла (нар. 8 лістапада 1986, Пінск, Беларуская ССР, СССР^[2]) — беларуская снукерная судзьдзя. Афіцыйная рэфэры САПБС, ААСБ, ЭАБС і БСФ^[3][4].

Жыцьцяпіс

Скончыла Беларускі дзяржаўны эканамічны ўнівэрсытэт, магістарка эканомікі. Пасьля працавала ва ўнівэрсытэце выкладчыцай.

Спартовая кар’ера

Судзіла аматарскія турніры ў Беларусі з сакавіка 2008 року. Праз год стала сяброўкай Эўрапейскай асацыяцыі більярду і снукеру. У 2010 року дэбютавала ў прафэсійных спаборніцтвах. 21 лістапада таго ж году стала першай судзьдзёй з Усходняй Эўропы, якая абслугоўвала паўфінал Чэмпіянату эўрапейскага туру.

З 2011 року афіцыйная судзьдзя Ангельскай асацыяцыі снукеру і більярду. У 2015 упершыню судзіла рэйтынгавы турнір сусьветнага туру Адкрытага чэмпіянату Ўэйлзу, у 2022 — фінал. У 2023 року ўпершыню судзіла фінал Адкрытага чэмпіянату Вялікабрытаніі.

З 2020 року рэгулярна судзіць матчы чэмпіянатаў сьвету. У 2024 року ўпершыню судзіла паўфінал.

Сям’я

У 2011 року выйшла за прафэсійнага брытанскага снукерыста Бэна Вуластана і пераехала ў Вялікабрытанію. Жывуць у Лестэры (Ангельшчына). Маюць двух сыноў 2012 і 2017 рокаў нараджэньня.

Крыніцы

1. Other Referees
2. Афіцыйная бачына Беларускай снукернай фэдэрацыі
3. EASB Official Referees Retrieved 19 October 2011
4. List of EBSA Snooker referees Архіўная копія ад 18 November 2011 г.

Вонкавыя спасылкі

• Тацяна Вуластан  (анг.) у базе зьвестак CueTracker