Тачы

Тачы работы бідзэнскага каваля Асафунэ Сукэсады (1515)

Та́чы (па-японску: 太刀, たち — «вялікі меч»[1]) — доўгі, вялікі, двухручны японскі меч. Таксама — агульная назва ўсіх разнавідаў доўгіх і вялікіх японскіх мячоў, што супрацьпастаўляліся больш кароткім і меншым мячам тыпу катана[2].

Апісаньне

[рэдагаваць | рэдагаваць крыніцу]

Даўжыня ляза — больш 60,6 см (понад 2 шаку)[1]. Насіўся на поясе на падвесках, раўналежна зямлі, лязом (выгінам) уніз[1] у супрацьлегласць катане, якую насілі за поясам, лязом (выгінам) угору[1]. Да Х стагодзьдзя быў прамым двухбаковавострым мячом, пасьля стаў выгнутым аднабаковым. Дзяліўся на цырыманіяльныя й баявыя падвіды. Першыя мелі вытанчана аздобленыя дзяржальні ды похвы, з накладнымі стужкамі, інкрустацыямі ці малюнкамі. У залежнасьці ад мэталу ўпрыгожваньняў, адрозьнівалі залатыя, срэбраныя, вароневыя (сталёвыя) тачы[1]. З ХІІІ стагодзьдзя дзяржальні й похвы пакрываліся, як правіла, каляроваю шнуроўкаю ці скураю жывёлін[1]. Насіўся імпэратарам, чальцамі імпэратарскага дому, прыдворнымі арыстакратамі (куґэ), заможнымі самураямі ўзроўню маґнатаў ці старшынаў[1]. Часта выкарыстоўваўся ў пары з малым мячом вакідзасі, або кароткім мячом танто.

«Дайкатана»

[рэдагаваць | рэдагаваць крыніцу]

Іншую назву гэтае зброі — дайто (па-японску: 大刀?, літаральна. «вялікі меч») — у заходніх крыніцах калісьці памылкова чытаюць як «дайкатана». Няслушнасьць адбываецца з-за няведаньня аб розьніцы паміж оным і куным чытаньнем іероґліфаў у японскай мове; кунае чытаньне іероґліфа 刀 — «катана», а онае чытаньне — «то:». У асобнасьці, гэте няправільнае чытаньне выкарыстоўваецца ў назве кампутарнае гульні Daikatana.

Ґалерэя

[рэдагаваць | рэдагаваць крыніцу]

Крыніцы

[рэдагаваць | рэдагаваць крыніцу]
  1. ^ а б в г д е ё Каваленка О. Самурайскія хронікі. Ода Набунаґа. — К.: Дух і Літара, 2013. — C. 544.
  2. ^ Вялікі слоўнік японскай мовы (VIII:944).

Літаратура

[рэдагаваць | рэдагаваць крыніцу]