Траторыя

Шыльда адной з траторыяў у Таскане.

Трато́рыя (па-італьянску: Trattoria) — традыцыйны італьянскі тып харчоўні, які, як правіла, значна менш фармальны за рэстарацыю, але больш фармальны за астэрыю[1].

Траторыя, звычайна, базуецца на традыцыях. Гэтак мэню ў такіх харчоўнях можа быць недрукаваным, абслугоўваньне нефармальным, а віно падавацца ў графінах, а не ў бутэльках. Цэны ў траторыях ніжэйшыя за цэны ў рэстарацыях. Арыентацыя ў іх звычайна робіцца на мясцовых жыхароў. Ежа, як правіла, сьціплая, але порцыі багатыя, у асноўным гатуецца паводле рэгіянальных і мясцовых рэцэптаў[2], часам нават падаецца па-сямейнаму, за агульнымі сталамі. Але такія традыцыі ў апошнія дзесяцігодзьдзі прыйшлі ў нябыт. Многія траторыі на сёньня маюць некаторыя атрыбуты рэстарацыі[1].

На жаданьне ежу ў траторыі можна было купіць дадому. Этымалягічна назва зьвязанае з лацінскім тэрмінам littera tractoria, якім называлі лісты, паводле якіх чыноўнікі Сьвятой Рымскай імпэрыі, падарожнічаючы па справах, мелі забясьпечаньне ў ежы і напоях[3][4].

Крыніцы

[рэдагаваць | рэдагаваць крыніцу]
  1. ^ а б «Trattoria». Treccani.
  2. ^ Capatti, Alberto; Montanari, Massimo (2003). «Italian Cuisine: A Cultural History». Columbia University Press. — С. 230—232. — ISBN 978-0-231-50904-6.
  3. ^ Pianigiani, Pietro Ottorino (1909). «Trattóre». Vocabolario Etimologico di Pianigiani.
  4. ^ Colonna, Barbara (1997). «Tràrre». Dizionario etimologico della lingua italiana. Genoa: Newton & Compton. — С. 387. — ISBN 88-8129-796-5.