Уладар пярсьцёнкаў (мультфільм)
| Уладар пярсьцёнкаў | |
| J.R.R. Tolkien’s The Lord of the Rings | |
| Жанр | фэнтэзійны фільм, экранізацыя раману, прыгодніцкі фільм, sword and sorcery film |
|---|---|
| Рэжысэр | Ральф Бакшы |
| Аўтар сцэнару |
Пітэр Бігэл Крыс Конклін |
| Ролі агучвалі |
Крыстафэр Гард Ўільям Скваер Майкл Скоўлз Джон Гэрт Сайман Чандлер Дамінік Гард Майкл Грэм Кокс Энтані Дэніелс Дэвід Бак |
| Кампазытар |
Леанард Розэнман Пол Конт |
| Апэратар | Тымаці Гальфас |
| Прадусэр | Саўл Зэнц |
| Студыя | Fantasy Films |
| Краіна | ЗША |
| Мова | ангельская |
| Працягласьць | 133 хв. |
| Прэм’ера | 15 лістапада 1978 |
| Бюджэт | $4 млн[1] |
| Касавыя зборы | $30 471 420[2] |
| Папярэдні | Хобіт |
| Наступны | The Return of the King |
| BCdb | падрабязьней |
| IMDb | ID 0077869 |
| Rotten Tomatoes | падрабязьней |
«Улада́р пярсьцё́нкаў Дж. Р. Р. То́лкіна» (па-ангельску: J.R.R. Tolkien’s The Lord of the Rings) — амэрыканскі анімацыйны фэнтэзійны фільм рэжысэра Ральфа Бакшы.[3][4], выпушчаны ў 1978 року. У стужцы выкарыстаны гібрыд традыцыйнае анімацыі і ратаскопныя ўстаўкі[3]. Мультфільм заснаваны на першай палове эпічнага фэнтэзі «Уладар пярсьцёнкаў» (1954—1955) ангельскага раманіста Дж. Р. Р. Толкіна. Падзеі адбываюцца ў Міжзем’і, купка хобітаў, эльфаў, людзей, гномаў і чараўніка ўтварылі братэрства. Яны выпраўляюцца ў падарожжа з мэтай зьнішчыць пярсьцёнак усеўладзьдзя, выраблены цёмным валадаром Саўронам, каб перамагчы апошняга. Ролі агучвалі Ўільям Скваер, Джон Гэрт, Майкл Грэм Кокс, а таксама Энтані Дэніелс з «Зорных войнаў». «Уладар пярсьцёнкаў» стаў адным зь першых анімацыйных фільмаў, прэзэнтаваных у гукавой сыстэме Dolby Stereo.
Ральф Бакшы сутыкнуўся з толкінавай творчасьцю ў пачатку ўласнае кар’еры і рабіў некалькі спробаў спрадусаваць анімацыйны фільм па «Ўладары пярсьцёнкаў» перш, чым атрымаў фінансавую падтрымку Саўла Зэнца і дыстрыбутараў United Artists. Сцэнар напісаў Пітэр Бігэл на аснове ранейшых накідаў Крыса Конкліна. Фільм вылучаецца пашыраным выкарыстаньнем ратаскопіі — тэхнікі, калі асобныя сцэны сьпярша здымаюцца ўжывую, а пасьля пераносяцца на анімацыйныя падкладкі(en). Мультфільм меў вялікі посьпех, хоць атрымаў неадназначныя ацэнкі ад крытыкаў; працяг для другой часткі гісторыі таксама ня быў створаны. Аднак мультфільм аказаў уплыў на стварэньне Пітэрам Джэксанам фільму «Уладар Пярсьцёнкаў: Зьвяз Пярсьцёнка».
Ролі агучвалі
[рэдагаваць | рэдагаваць крыніцу]- Крыстафэр Гард — Фрода Торбінс
- Ўільям Скваер — Гэндальф
- Макйл Сколз — Сэмвайз Гэйхад
- Джон Гэрт — Арагорн
- Сайман Чандлер — Мэрыядок Бронь-Быч
- Дамінік Гард — Перэгрын Хват
- Норман Бэрд — Більба Торбінс
- Майкл Грэм Кокс — Барамір
- Энтані Дэніелс — Ляголас
- Дэвід Бак — Гімлі
- Пітэр Ўудторп — Глыкс
- Фрэйзэр Кер — Саруман
- Філіп Стоўн — Тэадэн
- Майкл Дыкан — Грыма Гнілавуст
- Андрэ Морэл — Эльранд, Келебарн
- Алан Тыльвэрн — шынкар
- Анэт Кросьбі — Галядрыель
- Джон Ўэстбрук — Дрэвабарод
Крыніцы
[рэдагаваць | рэдагаваць крыніцу]- ^ Beck, Jerry The Lord of the Rings // The Animated Movie Guide. — 2005. — С. 155. — ISBN 978-1-55652-591-9
- ^ The Lord of the Rings, Box Office Information. Box Office Mojo. Праверана 27 студзеня 2012 г.
- ^ а б J.C. Maçek III. (2 жніўня 2012) 'American Pop'… Matters: Ron Thompson, the Illustrated Man Unsung PopMatters
- ^ Glenn Gaslin. (21 лістапада 2001) Ralph Bakshi’s unfairly maligned Lord of the Rings Slate
Вонкавыя спасылкі
[рэдагаваць | рэдагаваць крыніцу] |
Ангельскі Вікіцытатнік зьмяшчае збор цытатаў, датычных тэмы гэтага артыкула: |
- Уладар пярсьцёнкаў (анг.) на сайце IMDb
- AllMovie
- BoxOffice Mojo
- Rotten Tomatoes
- Афіцыйная бачына Ральфа Бакшы
| ||||||||||||||||
