Фрыдэрык Сапега
.jpg) Фрыдэрык Сапега. Партрэт з Коданскай галерэі, 1709 | |
 Герб «Ліс» | |
| Асабістыя зьвесткі | |
|---|---|
| Нарадзіўся | да 1599 |
| Памёр | 1650 |
| Пахаваны | |
| Род | Сапегі |
| Бацькі | Мікалай Сапега Багдана з Масальскіх |
| Дзейнасьць | вайсковец |
Фрыдэрык Сапега (да 1599—1650) — дзяржаўны і вайсковы дзяяч Вялікага Княства Літоўскага. Ваявода амсьціслаўскі (з 1647).
Трымаў Астрынскае староства (з 1611).
Біяграфія
[рэдагаваць | рэдагаваць крыніцу]З чарэйска-ружанскай лініі магнацкага роду Сапегаў гербу «Ліс», сын Мікалая і Багданы з Масальскіх.
Навучаўся ў Віленскай акадэміі, з 1599 працягваў адукацыю ў Інгальштаце.
У 1620 атрымаў пасаду падкаморыя віцебскага. Абіраўся паслом на соймы 1624, 1632, 1646, 1648 (у апошніх двух, відаць, ня ўдзельнічаў з прычыны пагаршэньня здароўя).
Браў удзел у вайне са Швэцыяй у 1626—1629, выправе на Смаленск у 1633—1634.
Першы раз ажаніўся з Крыстынай Пацей (у 1623), другі — з Ганнай Пац (у 1644). Нашчадкаў не пакінуў.
Пахавалі Ф. Сапегу ў манастыры базылянаў у Чарлёне[2].
Крыніцы
[рэдагаваць | рэдагаваць крыніцу]- ^ Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 61. — 586 с. — ISBN 978-985-7025-75-6
- ^ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 61.
Літаратура
[рэдагаваць | рэдагаваць крыніцу]- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2001. — Т. 6. Кн. 1: Пузыны — Усая. — 591 с. — ISBN 985-11-0214-8