Фэдэрыка Дымарка

Фэдэрыка Дымарка
Пэрсанальная інфармацыя
Нарадзіўся	10 лістапада 1997(1997-11-10)[1][2][3] (27 гадоў) Мілян, Італія
Рост	175 см
Вага	75 кг
Пазыцыя	абаронца
Клюбная інфармацыя
Клюб	Інтэрнацыянале
Нумар	32
Клюбы
Гады	Клюб	Гульні (галы)¹
2015—2017 2016 2016—2017 2017—2018 2018— 2018—2019 2020—2021	Інтэрнацыянале → Асколі (арэнда) → Эмпалі (арэнда) Сіён Інтэрнацыянале → Парма (арэнда) → Вэрона (арэнда)	1 (0) 15 (0) 12 (0) 9 (0) 110 (12) 13 (1) 48 (5)
Зборныя
2022—	Італія	28 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 10 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 17 лістапада 2024.

Фэдэры́ка Дыма́рка (па-італьянску: Federico Dimarco; нар. 10 лістапада 1997 году) — італьянскі футбаліст, абаронца клюбу «Інтэрнацыянале» і нацыянальнай зборнай Італіі.

Кар’ера

Клюбная

Выхаванец акадэміі «Інтэрнацыянале». Дэбютаваў у складзе клюбу ў веку 17 гадоў матчы Лігі Эўропы супраць азэрбайджанскага «Карабаху»^[4][5]. Дымарка ў тым матчы выйшаў на зьмену Данілё Д’Амброзіё на 84-й хвіліне. У Сэрыі А першы матч гулец правёў 31 траўня 2015 году супраць «Эмпалі». Гэта быў апошні матч сэзону, а сам абаронца зьявіўся на пляцоўцы замест Радрыга Палясіё на 89-й хвіліне^[6]. У студзені 2016 году Дымарка выправіўся ў арэнду ў клюб Сэрыі Б «Асколі»^[7]. Па сканчэньні сэзону на правах арэнды далучыўся да «Эмпалі», але ня здолеў дапамагчы клюбу захаваць месца ў найвышэйшым дывізіёне.

Улетку 2017 году Дымарка быў набыты швайцарскім «Сіёнам» за 3,91 млн эўра, але ўжо праз год за 7 млн эўра вярнуўся назад у мілянскі клюб^[8]. Па вяртаньні ў «Інтэр» гулец зноў бавіў час у арэндах, абараняючы колеры «Пармы», а потым «Вэроны». З сэзону 2021—2022 гадоў пачаў стала выступаць у асноўным складзе «Інтэрнацыянале». У сьнежні 2021 году падоўжыў працоўнае пагадненьне з клюбам да чэрвеня 2026 году^[9].

Міжнародная

Прыцягваўся да матчу юніёрскай, юнацкай і моладзевай зборных Італіі. Толькі пасьля таго як замацаваўся ў складзе «Інтэрнацыянале» пачаў таксама выклікацца да нацыянальнай зборнай Італіі. Дэбютаваў у складзе зборнай 16 лістапада 2022 году ў таварыскім матчы супраць зборнай Альбаніі, які скончыўся перамогай апэнінцаў зь лікам 1:3. Праз чатыры дні гулец таксама згуляў 90 хвілінаў матчу супраць зборнай Аўстрыі ў чарговай таварыскай сустрэчы.

Дасягненьні

«Інтэрнацыянале»:

• Чэмпіён Італіі: 2024
• Уладальнік Кубка Італіі: 2022, 2023
• Уладальнік Супэркубка Італіі: 2021, 2022, 2023

Крыніцы

1. ^ Federico Dimarco // Transfermarkt (мн.) — 2000.
2. ^ FEDERICO DIMARCO // Argentine Soccer Database (гішп.)
3. ^ Federico Dimarco // As (гішп.) — Madrid: PRISA, 1967. — ISSN 1888-6671
4. «Federico Dimarco». UEFA Europa League.
5. «Qarabağ hold Inter but fall short». UEFA.
6. «Inter, Mancini è di parola: esordio per Federico Dimarco, il piccolo Alaba». La Gazzetta dello Sport.
7. «Federico Dimarco all’Ascoli». Inter Milan.
8. «Calciomercato». Lega Serie A.
9. Campanale, Susy (23.12.2021). «'Lifelong Inter fan' Dimarco extends contract». Football Italia.

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball