Фэдэрыка К’еза

Фэдэрыка К’еза
Пэрсанальная інфармацыя
Нарадзіўся	25 кастрычніка 1997(1997-10-25)[1] (27 гадоў) Генуя, Італія
Рост	175 см
Вага	70 кг
Пазыцыя	флянгавы паўабаронца
Клюбная інфармацыя
Клюб	Лівэрпул
Нумар	14
Клюбы
Гады	Клюб	Гульні (галы)¹
2016—2022 2020—2022 2022—2024 2024—	Фіярэнтына → Ювэнтус (арэнда) Ювэнтус Лівэрпул	137 (26) 44 (10) 54 (11) 1 (0)
Зборныя
2018—	Італія	51 (7)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 21 верасьня 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 29 чэрвеня 2024.

Фэдэры́ка К’е́за (па-італьянску: Federico Chiesa; нар. 25 кастрычніка 1997 году) — італьянскі футбаліст, нападнік італьянскага клюбу «Лівэрпул» і нацыянальнай зборнай Італіі. Сын вядомага футбаліста Энрыка К’езы.

Кар’ера

Клюбная

Далучыўся да акадэміі «Фіярэнтыны» ў 2007 годзе^[2]. Свой першы прафэсійны кантракт з клюбам склаў напачатку 2016 году, далучыўшыся да галоўнае каманды клюбу. У першым жа матчы сэзону 2016—2017 гадоў дэбютаваў за клюб, зьявіўшыся ў матчы супраць «Ювэнтуса». 29 верасьня 2016 году выйшаў на гульнявую пляцоўку ў матчы Лігі Эўропы супраць азэрбайджанскага «Карабаху»^[3]. Свой першы гол за флярэнтыйцаў улучыў у браму ўсё таго ж «Ювэнтуса» 15 студзеня 2017 году, які апынуўся пераможным. Паступова гулец здабыў месца ў першай адзінаццатцы, чым прыцягнуў увагу канкурэнтаў.

5 кастрычніка 2020 году К’еза склаў двухгадовую ўгоду зь «Ювэнтусам», але фактычна нападнік перайшоў да турынцаў паводле дамовы пазыкі ў памеры 3 мільёнаў эўра за першы сэзон і 7 мільёнаў эўра за другі сэзон з умовай куплі гульца за 40 мільёнаў эўра і 10 мільёнаў эўра ў дадатак^[4]. 17 кастрычніка спартовец дэбютаваў у кашулі «Ювэнтуса» ў матчы супраць «Кратонэ» (1:1), аддаўшы галявую перадачу на Альвара Марату і атрымаўшы чырвоную карту^[5]. Сярод важных галоў першага сэзону былі ўлучаньні ў браму «Міляну», які скончыў пераможную сэрыі мілянцаў у 27 матчаў^[6]. Таксама К’еза двойчы адначыўшыся ў браму «Порту» ў матчы Лігі чэмпіёнаў і здабыў пераможны гол у фінале Кубка Італіі 2021 году^[7]. У студзені 2022 году ў матчы супраць «Ромы» атрымаў цяжкое пашкоджаньне вязу, выбыўшы на сем месяцаў^[8]. У выніку лекаваньне расьцягнулася, і гулец вярнуўся на поле ў лістападзе 2022 годзе ў матчы супраць францускага ПСЖ. К’еза ў той сустрэчы замяніў Фабіё Мірэцьці на 74-й хвіліне. У 2021 году праз траўму выбыў на вялікі час.

29 жніўня 2024 году нападнік далучыўся да ангельскага клюбу «Лівэрпул» згодна з доўгатэрміновай угодай. Як паведамлялася, трансфэр гульца каштаваў ангельцам 10 мільёнаў фунтаў стэрлінгаў ды 2,5 мільёны фунтаў стэрлінгаў як дадатковыя мажлівыя бонусы^[9][10].

Міжнародная

К’еза выклікаўся ў юнацкую і моладзевую зборныя краіны. У сакавіку 2018 году быў выкліканы ў нацыянальную зборную Італіі трэнэрам Люіджы Дзі Б’яджа на таварыскія матчы супраць зборных Аргентыны і Ангельшчыны^[11]. 23 сакавіка ён дэбютаваў у матчы супраць аргентынцаў^[12]. Першы гол улучыў у браму зборнай Армэніі ў адборачным матчы да чэмпіянату Эўропы 2020 году. Поруч са зборнай здабыў перамогу на чэмпіянаце Эўропы 2020 году.

Дасягненьні

«Ювэнтус»:

• Уладальнік Кубка Італіі: 2021, 2024
• Уладальнік Супэркубка Італіі: 2020

Італія:

• Чэмпіён Эўропы: 2020

Крыніцы

1. ^ Federico Chiesa // Transfermarkt (мн.) — 2000.
2. Capretta, Vieri (11.02.2017). «UEFA.com’s weekly wonderkid: Federico Chiesa». UEFA.
3. Fiorentina 5-1 Qarabağ. UEFA.
4. «Federico Chiesa è bianconero!». Juventus F.C.
5. «Crotone 1-1 Juventus: Chiesa hero and villain». Football Italia.
6. «Chiesa show, la Juve si rilancia: Milan ko 3–1». Sky Sport.
7. «Coppa: Juventus end Atalanta dream». Football Italia.
8. «Serie A — Juventus, Chiesa operato: recupero in 7 mesi con obiettivo Mondiale». Eurosport.
9. «Liverpool complete signing of Federico Chiesa». Liverpool F.C.
10. Jackson, Jamie (28.08.2024). «Liverpool agree deal to sign Federico Chiesa from Juventus for £10m». The Guardian.
11. Joe Shread (17.03.2018). «Gianluigi Buffon called-up by Italy for England and Argentina friendlies despite international retirement». Sky Sports.
12. «Italy: Argentina defeat new Azzurri». Football Italia.

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball